Masi kiukiu Mak ghe pitiela 1:2 - Mussau-Emira

² Isaa oia masi kiukiu nongina propet Aisaea ghe pitila: “Nongola, aue asuu aikasuaa inangarighi eteva, ia aue emuemueinio. Ia aue eaimonomonosiaa salam atikirighi.”

Masi kiukiu Mak ghe pitiela 1:2 ပူးပေါင်းရင်းမြစ်များ

Masi kiukiu Luk ghe pitiela 1:76

Me io, natughu, aue la ghaseo va kapuna propete io Vau eteva; me io aue umuemuea Vau eteva tani aimonomonosiaa salane atikirighi,

Matiu 11:10

Ia o taumattu ngateva, Uru ngai Manga ateva ghe aulieiniela nau ghe uela va, “‘Tarala, aue asuu aikasuaa inangarighi eteva emuemueinio, me ia aue eaimonomonosiaa ngamuemue alokoi salam.’

Masi kiukiu Luk ghe pitiela 1:70

Nongina ghe gheleila inangari nialokoi ta propete atoa manga ila me ila laghe auliaala emua arau,

Matiu 26:31

Iesu ghe uela etaira va, “Ghaine eleivoo am akapaaili aue am ilou vulieghi, poli Uru ngai Manga ateva eue va, “‘Aue auvi emate tau ngai toi sipsipi eteva me aue sipsipi etoa la ilou reerekataa.’

Masi kiukiu Luk ghe pitiela 18:31

Iesu ghe kolo aitauaala kapuna kasangaulu ghalua (12) disaepolo, me ghe uela etaira va, “Ngita laa saesae eJerusalem, me isaa akapa inangari propete atoa laghe piti emuemuela ta Natuna ateva Taumattu ngateva aue ekoronna.

Matiu 26:24

Poli Natuna ateva Taumattu ngateva aue elao nongina Uru ngai Manga ateva eaauliaa va emate. Me alousiusi tale taumattu ngateva etautau lao Natuna ateva Taumattu ngateva ta tau ngai ssateena atoa. Aue ghele masina etana arova ghe tam lutula.”

Matiu 2:5

Me laghe liula etana va, “Aue elutu eBetlehem nge Jiudia. Poli propete ateva ghe pitila inangari isaa avalua toko,