Matiu 2:6 - Mussau-Emira

⁶ “‘Me io Betlehem tale kosa nge Jiuda, karika tani ghaunaaili ararim ateae tale isaa akapaaili masaliki nge Jiuda, ta poli ta ngetam aue taumattu ngateva namuu ia aue etingina. Me ia aue eaitoiaa kapughu aIsraeli etoa.’”

Matiu 2:6 ပူးပေါင်းရင်းမြစ်များ

Masi kiukiu Jon ghe pitiela 7:42

Uru ngai Manga ateva eue va Mesaea ngateva aue elutu ta mangalina atoa Deivit, me aue elutu eBetlehem, ia o masalikina ia Deivit.”

Niaulia ngaotu 11:15

Aiaaghaitu eteva (7) ensolo ghe vuula unna taue ateva me kinatama lingi ngalo atoa epona liu laghe uela va, “Sarasarakana tani aitaraa kosa akapa ateva ange tokala tale aitaraane kapuita Vau ngepona me kapuna Mesaea ngateva, me aue eaitoiaa nau ekapa atoa.”

Matiu 28:18

Vara me Iesu ghe mae sio etaira, me ghe uela etaira va, “Ngaghele ghaala nimatuutuliena akapa epona liu me tale kosa ateva oia.

Niaulia ngaotu 2:27

“‘“Me ia aue eaitoieinila tale aikkatulu etiulu aeana ia me aue eparu reerekatainila nongina sospena ateva gheelei ia tale kosa maramarakana,” nongina aghi aghe ghaala matuutuliena ta Tamaghi.

Kolosae 1:18

Me ia emuemua ale manga ateva nongina uruita ateva emuemueaa vaulaniita ateva. Ia ghe toka akasinala me aitiutiu ia tani totu tale nimate. Ia avalua o me ie nonga eaitara ngakapanaaili voto atoa.

Matiu 2:1

Meri ghe molenaala Iesu eBetlehem nge Jiudia nau ta King Herot. Iesu ang ghe lutula me emulina tau ngalomasaanga atoa, tale pai nge sinaka esae laghe mae sio eJerusalem

Ipises 1:22

God ghe tau ekapa lao sio ninamu ngateae ta Karisto me ghe suitoongainiela va emuemuea ngakapa voto tale ale manga.

Masi kiukiu Jon ghe pitiela 21:16

Me Iesu ghe mene uela etana va, “Saemon natuna io Jon, koronnaaili va uailousieinaghi?” Me Pita ghe liula me ghe uela va, “Ue, Vau eteva, io ukilakila va aghailousieinio.” Me Iesu ghe uela etana va, “Uaitaraa kieghi sipsipi.”

Hibru 7:14

Poli masalikeaili va Vauita ateva ghe lutula tale ararimangali eteva ta Jiuda, me tale ia o ararimangali eteva Moses karika ghe auliaala righi voto va pristi ila.

Niaulia ngaotu 7:17

Ta natu sipsipi erighi elome tale aitokatokane ateva king aue kapuira tau ngai toitoi ia, aue ekasueinila lao tale ateo akaakala atoa tokatoka liu ila, me God aue esei velu rarum mata tale mataira.”