Masi kiukiu Luk ghe pitiela 4:6 - Mussau-Emira

⁶ Me ghe uela ta Iesu va, “Aue atau aatu matuutuliena, me unamuu tani aitaraa isaa o voto. Ta aghe ghaala isaa akapa o voto, me arova aghaloanna tani taula ta see, aue ataula.

Masi kiukiu Luk ghe pitiela 4:6 ပူးပေါင်းရင်းမြစ်များ

Ipises 2:2

Tale isaa o nau am ghe aaimuli tee uunguaa kosa ateva oia karika masina. Am ghe aaimuli tee uunguaane lo ateva emuemueaa uunguaaira sesa spiriti etoa epona elomarase. Isaa o sesa spiriti ghaine ekaakatulaa isaa o taumattu karika enongonongo usilaa God.

Masi kiukiu Jon ghe pitiela 14:30

Karika aue aghaippooa ngaoroi teeiem, poli vau tapaa kosa ateva ange reerekata. Me karika righi sarasarakaniaane tani ghelei righi voto ta ngetaghi,

Masi kiukiu Jon ghe pitiela 12:31

Taumattu tale kosa ateva oia, God ange tiitiuaa tani ghelei niaisakei ta ngetaira. Me vau tapaa kosa ateva oia, God aue esau velue sio.

1 Jon 5:19

Ita kilakila va ita kapuna ita God, me taumattu ngakapaaili tale kosa ateva la tokatoka tale sarasarakaniaa sesa taumattu ngateva.

Niaulia ngaotu 13:7

God ghe taula sarasarakana etana tani laa aiuuvii tee kapuna taumattu ngatoa God, me tani apalaila. God ghe taula sarasarakana tani muemua ararimangali ekapa atoa, me taumattu ngatoa me asease nisama atoa me tale anua atoa.

Niaulia ngaotu 13:2

Ghaata kkena ateva aghe taraiela marova lepod ateva, kkena nongina kkena beaa ngateva, me paane ateva nongina laeoni eteva. Otuena ateva ghe tau vella ia o ghaata kkena ateva tani ghaa sarasarakaniaane me matuutuliena.

Niaulia ngaotu 12:9

Kinatama otuena ateva laghe sau velue sio mae la kolokoloa va Raroai eteva me Satana, ghe kamela kosa akapa ateva, ia me kapuna ensolo atoa laghe sau velu eitaueinila sio mae tale kosa ateva.

1 Pita 1:24

Nongina Uru ngai Manga ateva eue va, “Taumattu ngakapa atoa nim nonginaaili rarrasa ateva, masi taataraaira nongina pusi ngai eteva; rarrasa ateva emaamalle me pusi ngai eteva ekaakatuu,

2 Korint 11:14

Karika ita rooroo tani soghiaa poli Satana egheelei tee vara mene ensolo tale mallanga ia.

Masi kiukiu Jon ghe pitiela 8:44

am tamaimim ateva ta Satana, poli am aloanna tani ghelei voto ealoanna. Ia emua arau ghe aiuuvi ematela, me karika eaauliaa righi koronna poli karika righi koronna etana. Nau eaauliaa kamena, euusila ngarau gheegheleiaane kamena. Poli ia ekamekame, o tamaira akapa ia lo atoa la kamekame.

Masi kiukiu Luk ghe pitiela 4:7

Isaa o voto aue peim arova usuuiaa me ukkaueinaghi.”