Masi kiukiu Jon ghe pitiela 7:17 - Mussau-Emira

¹⁷ Arova teva eannaaili tani aimuli tee aloannaane God, aue ghele kila va voto aghaapasunga ekasukasu ta God, me karika va nim kalughu.

Masi kiukiu Jon ghe pitiela 7:17 ပူးပေါင်းရင်းမြစ်များ

Masi kiukiu Jon ghe pitiela 8:43

Vaalua me karika am nongonongo kila inangarighi? Poli karika am rooroo tani nongo inangarighi,

Masi kiukiu Jon ghe pitiela 8:47

Lo atoa natuna ila God, aue la nongo usilaa inangarina, me am, karika am aloanna tani nongo inangarina, poli karika va natuna am God.”

Apostolo 17:11

ABeriia ngatoa, masi taumattu ila, me nannaaira masalikeaili ta aTesalonika ngatoa, poli laghe aloannaaili tani nongo inangari Pol ghe poppooaa, me isaa akapa nau laghe taatara tale Uru ngai Manga ateva tani tara va voto Pol ghe poppooaa koronnaaili.

Masi kiukiu Luk ghe pitiela 8:15

Katu ue ngai tale masi kosa eaaimatoonga lo atoa masina nannaaira me urunguitaniira masina, la nongonongo aikaaiaa inangari, me la posoposo parasi tale inangarina ateva God me la kuukuneaa masi ue ngai.

Matiu 6:22

“Matam alua mallanga ilalua tale vilikim. Arova matam va masina, vilikim akapaaili aue epasu tale mallanga ateva.

Masi kiukiu Jon ghe pitiela 3:21

Me lo atoa la tokatoka tale voto koronna, aue la lao tale mallanga ateva, poli la ghaaloanna va mene katoa taumattu la kila va voto la gheelei God egheelei taula.

Masi kiukiu Jon ghe pitiela 8:44

am tamaimim ateva ta Satana, poli am aloanna tani ghelei voto ealoanna. Ia emua arau ghe aiuuvi ematela, me karika eaauliaa righi koronna poli karika righi koronna etana. Nau eaauliaa kamena, euusila ngarau gheegheleiaane kamena. Poli ia ekamekame, o tamaira akapa ia lo atoa la kamekame.