Masi kiukiu Jon ghe pitiela 6:5 - Mussau-Emira

⁵ Nau Iesu ghe atangarola me ghe tarala taumattu ngatoa laghe maemae etana, me ghe uela ta Pilip va, “Eaa ita laa ghaa verete me ita angini isaa oia taumattu?”

Masi kiukiu Jon ghe pitiela 6:5 ပူးပေါင်းရင်းမြစ်များ

Matiu 15:33

Disaepolo atoa laghe kolomiela va, “Eaa ita ghele laa ghaa righi inana ghelei oroieili tale voto ateva oio vurunganna ia, me ita anginila taumattu ngatoa oio oroienaaili ila?”

Masi kiukiu Jon ghe pitiela 4:35

Am roo tani ue va, ‘Kasi ghaata ulana me ita laa ghaa inana tale utana atingiu.’ Aghaauliaa etaimim va am taatara sso, me am tara utana atingiu ang ghele matuela, me ang ghele roola tani ghaa inanina.

Masi kiukiu Jon ghe pitiela 1:43

Vara ghe pai saela ta mene kateva nau, me Iesu ang ghe anna tani lao eGalilii. Nau ta ghe lao sio, ghe paela me ghe tarala Pilip, me ghe uela etana va, “Mae usieghi.”

Masi kiukiu Mak ghe pitiela 6:32

Ila nonga laghe kasula tale olimoira paanaka ateva tani lao tale vaara.

Masi kiukiu Luk ghe pitiela 9:10

Apostolo atoa laghe kiriaa mae sio ta Iesu, me laghe aulia ngakapala voto laghe gheleila. Ghe ghaailala, me ila nonga laghe lao sio tale masaliki taatara ateae eBetsaida.

Masi kiukiu Jon ghe pitiela 1:44

Pilip atala nge Betsaida ia, tanganueirarua Andru me Pita.

Masi kiukiu Jon ghe pitiela 1:45

Pilip ghe paela me ghe tarala Nataniel me ghe uela etana va, “Ngami tarala taumattu ngateva Moses ghe pitila me ghe aulieiniela tale inangari nipaopao, me propete atoa laghe piti emuemue alokoila maemaeaane, Iesu ta ngetana, natuna ia Josep aNasareti ia.”

Masi kiukiu Jon ghe pitiela 1:46

Me Nataniel ghe kolomiela va, “Righi masi voto elutulutu eNasareti?” Pilip ghe liula me ghe uela va, “Mae sio me ulaa tara.”

Masi kiukiu Jon ghe pitiela 1:48

Nataniel ghe kolomila Iesu va, “Vaalua ughe kilaieghila?” Iesu ghe liula me ghe uela va, “Ngaghe taraiola nau Pilip ghe koloola ta ughe tokatoka tale liue fig ateae.”