Masi kiukiu Jon ghe pitiela 5:18 - Mussau-Emira

¹⁸ AJiu etoa laghe aloannaaili tani uvi emate Iesu, poli karika va ghe gheelei laelaeaa nonga nau manga ateva, me poli ghe ue tee va Tamane ta God, ghe gheeleia va lalu ghe aairooaa me God.

Masi kiukiu Jon ghe pitiela 5:18 ပူးပေါင်းရင်းမြစ်များ

Masi kiukiu Jon ghe pitiela 10:33

AJiu etoa laghe liula me laghe uela va, “Karika ami anna tani kumuo poli isaa o voto, ta poli uaauliaa saasakiaa tee God, poli nim taumattu io, me uue va io God.”

Masi kiukiu Jon ghe pitiela 10:30

Aghi me Tamaghi kateva nonga iengalua.”

Masi kiukiu Jon ghe pitiela 19:7

AJiu etoa laghe liula me laghe uela va, “Tale uneimami inangari nipaopao, eauliaa va etani mate, poli eue va Natuna ia God.”

Masi kiukiu Jon ghe pitiela 8:58

Iesu ghe uela etaira va, “Aghaaulia ngakoronna etaimim va auena Abraham ghe lutu, aghi ngaghe toka vella arau!”

Masi kiukiu Jon ghe pitiela 14:23

Iesu ghe liula me ghe uela etana va, “Lo ateva taumattu eaielousieinaghi, aue enongo usilaa inangarighi, me Tamaghi aue eaielousieinia, me aue angalu mae etana tani toka aitauaa teeia.

Masi kiukiu Jon ghe pitiela 5:23

Liuna avalua o me taumattu ngakapa atoa aue la tau sae ararina ateae Natuna ateva God, nongina la tautau sae ararina ateae Tamane. Lo ateva etam tautau sae ararina ateae Natuna, karika etautau sae ararina ateae Tamane, ia ghe sungiela.

Pilipae 2:6

Koronnaaili Karisto ia Goto ia me karika ghe nnaala va easarasarakanaia tani toka nongina God me tani poso parasi va Goto ia.

Niaulia ngaotu 22:3

Me karika aue mene righi nikasikiena, me aitokatokane ateva king uneirarua God me natu sipsipi eteva aue etoka tale masaliki taatara ateae, me kapuna tau ngai uungu etoa aue la kkaueinia.

Niaulia ngaotu 22:1

Vara me ensolo ateva ghe mene apasungaala ateo maulue ateae, soalannaaili ia nongina ghalasi, eakaakalaa ghoa elo pakena tale aitokatokane ateva king uneirarue ia God me natu sipsipi eteva,

Masi kiukiu Jon ghe pitiela 8:54

Iesu ghe liula me ghe uela va, “Arova aghele tau sae ararighi eteae, ararighi eteae nim kapa ia. Me Tamaghi, ia o am ue va kapuimim Goto ia, etautau sae ararighi eteae.

Masi kiukiu Jon ghe pitiela 7:19

Moses ghe tau aatu sio inangari nipaopao etaimim, me karika teva etaimim eaaimuli tee. Mausi saa me am anna tani uvi emateaghi?”

Masi kiukiu Jon ghe pitiela 7:1

Vara me Iesu ghe kasu seela eGalilii, me karika ghe aloanna tani sae eJiudia, poli aJiu etoa laghe anna tani uvi ematea.

Masi kiukiu Jon ghe pitiela 5:16

Liuna avalua o me aJiu etoa laghe tiuaala tani ghelei voto sesaaili ta Iesu, poli ghe gheelei isaa o voto tale nau manga ateva.

Masi kiukiu Jon ghe pitiela 14:9

Iesu ghe uela etana va, “Ei Pilip! Vaalua me ngaghe toka teeiemla oroi nau, me karika ughe kilaieghi? Lo ateva ang ghe taraieghila, ang ghe tarala Tamaghi. Vaalua me uue va, ‘Uapasunga Tamam etaimami’?

Matiu 12:5

Me karika am ghe ritila tale inangari nipaopao eue va karika sesa arongona ta pristi etoa la uungu tale ale manga ateva ta nau manga ateva tani ghelei aiaavusuvusuena?

Masi kiukiu Jon ghe pitiela 1:19

AJiu etoa laghe suula pristi etoa me Livae atoa eJerusalem tani laa kolomi Jon va ia see.

Masi kiukiu Jon ghe pitiela 5:15

Ghe lao sio me ghe laa ghauliaa sio ta aJiu etoa va Iesu ghe ghelei emasinaiela.

Masi kiukiu Jon ghe pitiela 5:17

Iesu ghe uela va, “Tamaghi euungu me karika ghe ruu, me aghi tee auungu.”