Masi kiukiu Jon ghe pitiela 2:22 - Mussau-Emira

²² Liuna avalua o me nau God ghe totuela tale nimate, kapuna disaepolo atoa laghe nnaala inangarina ghe auliaala, me laghe aiesoaala tale Uru ngai Manga ateva tee me inangari Iesu ghe auliaala.

Masi kiukiu Jon ghe pitiela 2:22 ပူးပေါင်းရင်းမြစ်များ

Masi kiukiu Jon ghe pitiela 12:16

Isaa o nau kapuna disaepolo atoa karika laghe kilakila malloeana isaa o voto, me nau eteva God ghe vira mene tau saela ararina ateae Iesu, me laghe vira mene nnaala voto Uru ngai Manga ateva ghe auliaala, me vaalua me taumattu ngatoa laghe gheleila isaa o voto ta ngetana.

Masi kiukiu Jon ghe pitiela 16:4

Aghaauliaa isaa o voto etaimim me nau isaa o voto etiuaa tani lutu, aue am nnaa va ngaghe auliaala kieimim. “Aghe tokatoka teeiem, liuna avalua o me karika aghe aauliaa isaa o voto emua arau.

Masi kiukiu Jon ghe pitiela 14:26

Me Tau ngai sausi eteva, Spirit Manga ia, aue Tamaghi esungia tani sio tale ararighi eteae, aue eapasunga ngakapa voto etaimim me aue esausiem tani mene nnaa llo voto aghe auliaala etaimim.

Masi kiukiu Jon ghe pitiela 2:17

Me disaepolo atoa laghe annaala sa ateva Uru ngai Manga ateva ghe aulieiniela, ghe uela va, “Aielousiaaghi tale alem ateva eramerame elome etaghi arova kura ateae.”

Apostolo 11:16

Me aghe annaala sa ateva Vau ngepona ateva ghe aulieiniela nau ghe uela va, ‘Jon ghe aasuu taumattu tale manu me am aue am ghaa niaasuu tale Spirit Manga ateva.’

Masi kiukiu Jon ghe pitiela 2:11

Ia o niaimatoongana ateva Iesu ghe gheleiela, aitiutiu ia tale isaa akapa niaimatoonga. Ghe gheleiela eKena ta pai nge Galilii. Tale ia o nau eteva Iesu ghe apasungaala sarasarakaniaane, me kapuna disaepolo atoa laghe aiesoaala etana.

Masi kiukiu Luk ghe pitiela 24:44

Ghe uela etaira va, “Isaa oia voto ngaghe auliaala etaimim nau eteva aghe tokatoka teeiem. Isaa akapa voto laghe piti elokoila elome tale kanna inangari nipaopao Moses, propete atoa me Sams, etani lutu ekoronna.”

Masi kiukiu Luk ghe pitiela 24:26

Karika amalu kilakila va Mesaea etani ghaa mua nimmarikana tale isaa o voto me auena ekupi sso tale mallangina ateva?”

Masi kiukiu Jon ghe pitiela 2:2

Laghe aloanna va Iesu me kapuna disaepolo atoa la usi sio tale nisigha ngateae.

Apostolo 13:33

ang ghe ghelei eroorooaala etaita, nau ghe totula Iesu. Nongina laghe piti elokoila ta aiaaghalua ateva Sam, va “‘Io natughu io, Ghaine nge tamami ieghila.’