Masi kiukiu Jon ghe pitiela 19:24 - Mussau-Emira

²⁴ Liuna avalua o me soldia ngatoa laghe uela va, “Ita rau mene rasia, ta ita anamisi tani kila va see aue eghaaia.” Isaa o voto ghe lutula tani asokoi inangari Uru ngai Manga ateva ghe aulia ngamuemua alokoila va, “Aue la ghaikoita uneghi aiaasae ngelome ateva etaira, me aue la anamisi tani kila va see eghaa uneghi koloso ateva.” Soldia ngatoa laghe ghelei evaluela o.

Masi kiukiu Jon ghe pitiela 19:24 ပူးပေါင်းရင်းမြစ်များ

Masi kiukiu Jon ghe pitiela 19:28

Nau eteva Iesu ghe kilala va isaa akapa voto ang ghe ruula, me tani ghelei voto Uru ngai Manga ateva ghe auliaala ekoronna, ghe uela va, “Aloghu etiulu ange kangngatala.”

Apostolo 13:27

Taumattu nge Jerusalem atoa me kapuira namu ngatoa karika laghe tara kilala Iesu, aloira karika ghe masaangaala inangariira propete atoa isaa o laghe ritiriti tale isaa akapa nau manga, laghe ghelei roorooaala nau laghe uela va aue emate.

Masi kiukiu Jon ghe pitiela 10:35

Emua arau God ghe ppooaala inangarina ta taumattu ngatoa me ghe uela va goto ila. Inangarina God tale Uru ngai Manga ateva karika eaikolikoliaa.

Matiu 27:35

Nau laghe avukalaie saela tale aikotoo me laghe tiuaala tani anamisi tani aikoita ghinnanina.

Masi kiukiu Mak ghe pitiela 15:24

Me laghe avukala saela Iesu tale aikotoo, me laghe tiuaala tani anamisi tani aikoita ghinnanina.

Masi kiukiu Luk ghe pitiela 23:34

Iesu ghe uela va, “Tamaghi, ukkaluaa, ta poli karika la kilakila va voto ateva la gheeleia sesaaili ia.” Me tau ngai uvii etoa laghe tiuaala tani anamisi tani aikoita ghinnanina.

Masi kiukiu Jon ghe pitiela 13:18

“Karika va aghaauliaa inangari oia etaimim akapa, ta poli akilakila lo atoa aghe suitoongainiemla, me llo Uru ngai Manga ateva ghe auliaala aue ekoronna. Ghe uela va, ‘Lo ateva enamanama teeieghi aue essa teeieghi.’