Masi kiukiu Jon ghe pitiela 17:12 - Mussau-Emira

¹² Nau aghe tokatoka teeila, aghe aitara ngamasinaila tale sarasarakaniaa ararim ateae, ia o arari eteae ughe taue mae sio. Aghe aitarainilala, karika teva ghe rauela, llo nonga ateva taumattu elaolao tale salana nitturuu ghe rauela. Isaa avalua o me inangari tale Uru ngai Manga ateva ghe koronnala.

Masi kiukiu Jon ghe pitiela 17:12 ပူးပေါင်းရင်းမြစ်များ

Masi kiukiu Jon ghe pitiela 18:9

Isaa o voto ghe lutula me inangari ghe aulia ngakasina alokoila ghe koronnala va, “Karika teva ughe tau mae sio etaghi ghe rauela.”

Masi kiukiu Jon ghe pitiela 13:18

“Karika va aghaauliaa inangari oia etaimim akapa, ta poli akilakila lo atoa aghe suitoongainiemla, me llo Uru ngai Manga ateva ghe auliaala aue ekoronna. Ghe uela va, ‘Lo ateva enamanama teeieghi aue essa teeieghi.’

Masi kiukiu Jon ghe pitiela 6:37

Isaa akapa taumattu Tamaghi etautau mae etaghi, aue la mae etaghi, me karika poi arooroo tani sungi velu teva.

1 Jon 2:19

Kasina taumattu oia ghe tokatoka teeita, me isaa oia angila ghele kasu vulitala. Karika va koronna va kapuita ila, ta arova kapuita ila aue la ghele toka teeita. Kasukasuaaira eaapasunga va ila karika va ita aitauaa.

Apostolo 1:25

eghaa niuungu eteva va eapostolo me eghaa niuungu eteva Jiudas ghe katuu vuluela tani lao nongina aue elao.”

2 Tesalonika 2:3

Am rau mene tau velu teva taumattu va ekameam tale teva ase salana, poli ia o nau eteva karika aue emae lomose ta nioghi vulu masi voto emae mua, me tau ngai ghelei saasakiaa inangari nipaopao ateva aue eotua, lo ateva elaolao tale salana nitturuu.

Hibru 2:13

Me emene ue va, “Aue aghatoka tuutulighi ta God.” Me emene ue va, “Aghi toko, tee me natughu etoa, God ghe taula mae sio etaghi.”

Masi kiukiu Jon ghe pitiela 17:6

“Ngaghe aulia ngaotula ararim ateae tale taumattu tale kosa ateva oia ughe taula mae sio etaghi. Kapum ila me ughe taula mae sio etaghi, me ngila ghe nongo usilaala inangarim.

Pilipae 2:9

Liuna avalua o me God ghe taue liue saela epona me ghe taula arari eteae elaulau isaa akapa arari,

Niaulia ngaotu 19:12

Matana alua nonginaaili kinatama kura ateae ghe ramerame, me oroieili kou nguru etoa ta uruna, me arari eteae pitipiti ia etana, karika teva ekilakilaia ta ie nonga.