Masi kiukiu Jon ghe pitiela 16:20 - Mussau-Emira

²⁰ Aghaaulia ngakoronna etaimim va aue am ngala me am alousiusieili, me taumattu tale kosa ateva oia aue la masimasi. Me am, aue am alousiusieili, me alousiusiaaimim aue am mene masimasi etana.

Masi kiukiu Jon ghe pitiela 16:20 ပူးပေါင်းရင်းမြစ်များ

Jeimis 1:2

Kapughu etoa, nimasimasi eteva namungaili ia epasu etaimim nau am ghaa ase nitootoonga,

Matiu 5:4

Aue emasinaaili ta lo atoa la ghaalousiusi, ta God aue airuui ngalo ia ta ngetaira.

2 Korint 6:10

Arongo ta ami ghaaghaa nialousiusi me ami masimasi nau etoa. Karika tue peipeina iemami me ami saasausi oroi taumattu tani ghaa oroi voto tale niaikaaiaa. Taumattu ngatoa la ghannaa va karika peimami, me karika, ta rooroona iemami tale niarangise kanna God.

Masi kiukiu Mak ghe pitiela 16:10

Vause ateva o ghe lao sio ghe auliaala ta lo atoa laghe tokatoka tee Iesu, me laghe aale amate teeia.

Jiud 1:24

God sarasarakana ia me eroo tani sausiem me karika am rooroo tani katuu. Erooroo tani ghaaiem me elaoainam tale voto ateva mallangina ateva etokatoka etana, nau etaraiem, karika aue etara righi sesa gheeleiaaimim. Me aue eroo tani tau aatu kinatama nimasimasi etaimim.

Masi kiukiu Luk ghe pitiela 24:21

Ami ghe nannaa va ia oia taumattu ngateva aue ghe ghaa oghi ita aIsraeli etoa! Me tee, ghaine ange kotonna atevala nau isaa oia voto ghe lutula.

Galaisia 5:22

Me uene Spiriti eteva tale niaielousi, nimasimasi, me luei, me karika nisessai parasi, me nighelei masi voto ta mene kateva, me niparruu, me tani kaarasi tani ghelei emasina niuungu,

Uru ngai etikirighi Pol ghe pitiela ta aRom atoa 5:11

Me karika isaa nonga o, ta ita masimasi ta poli sa ateva God ghe gheleiela mausi Vau eteva ta Iesu Karisto, ia Iesu Karisto ghe gheleitala va kapuna ita God.

Masi kiukiu Luk ghe pitiela 24:17

Iesu ghe uela etairarua va, “Sa ateva amalu kiukiueinia nau eteva amalu kasukasu emaemae?” Lalu ghe tinginala, me taatarairarua ghe alousiusinnala.

Masi kiukiu Luk ghe pitiela 23:27

Oroieili taumattu ngatoa laghe aaimuli tee Iesu, me elome etaira vause atoa laghe aalousiusi teeia.

Niaulia ngaotu 18:7

Nau etoa ghe saasaeaa nannaane me ghe ghaaghaa oroi masi voto, tale isaa oia nau utau lao nimmarikana tale vilikina me nialousiusi tani airooaa, poli ia ghe ue va, ‘Aghi kuiini ieghi, me aghi karika va vause raue vulu ieghi, me karika aue aghateateaa nialousiusi.’

Niaulia ngaotu 11:10

Me taumattu etokatoka tale kosa ateva oia aue la masimasi me la ghelei maakiikii mausiirarua. Aue la ghaitauaa masi voto atoa elome etaira, poli ilalua o propete alua lalu ghe taula nimmarikana ta taumattu tale kosa ateva oia.

Apostolo 5:41

Nau laghe kasula laghe masimasila, poli God ghe tarailala va la rooroo tani ghaa nimmarikana tale ararina ateae Iesu.

Masi kiukiu Jon ghe pitiela 16:33

“Aghe aauliaa isaa oia inangari etaimim, poli aghanna va am toka etaghi, me aue luei eteva etoka etaimim. Kosa ateva oia oroieili nimmarikana am ghaaghaa, me am rau mene sio asoasoa, poli ngaghe apalala voto tale kosa ateva oia.”

Masi kiukiu Jon ghe pitiela 16:6

Nau ngaghaauliaa me ngam nongonongo isaa o inangari ngam nim aalousiusi.

Masi kiukiu Luk ghe pitiela 22:62

Liuna avalua o me ghe kupi ghoala, me ghe ngala alousiusieiliila.

Masi kiukiu Luk ghe pitiela 22:45

Ghe tingina saela nau eteva ghe ruula tani looloo sae, me ghe lao sio ta disaepolo atoa, me ghe tarailala va laghe aseasekanua, poli nialousiusi ghe ghelei emangoolala.

Masi kiukiu Luk ghe pitiela 6:21

Aue emasinaaili ta lo atoa ghaine am maamaloo, ta auena essoiem. Aue emasinaaili ta lo atoa ghaine am aalousiusi, ta auena am kanga.

Masi kiukiu Mak ghe pitiela 14:72

Vara me taita paolo ateva ghe mene angari eghaluenela, me Pita ghe annaala inangarina Iesu ghe uela va, “Auena paolo taita ateva eaangari ghaluaata aue uue akasina kotoluaata va karika ukilakilaieghi.” Me ghe ngala alousiusieiliila.

1 Tesalonika 1:6

Am ghe uusilaa gheeleiaaimami me Vau ngepona ateva. Arongona ta am ghe ghaala oroieili asease voto sesa laghe gheelei teeiem, Spirit Manga ateva ghe tau aatu nimasimasi nau eteva am ghe ghaala inangari eteva.

Masi kiukiu Jon ghe pitiela 20:20

Ghe aulia ngavaluela o me ghe apasungaala nimane me lo ativilau pai laghe soaiela. Disaepolo atoa laghe masimasi etinginala nau laghe tarala Vauira ateva.

Matiu 21:38

“Me nau tau ngai toi utana atingiu laghe tarala natuna ateva, laghe sama aitauaala elome etaira va, ‘Lo ateva aue eghaa utana atingiu okae. Ita laa uvi ematea me ita ghaa voto aue peina.’