Masi kiukiu Jon ghe pitiela 16:1 - Mussau-Emira

¹ “Aghaauliaa isaa o voto etaimim poli am rau mene oghi vulu aikaaiaaimim.

Masi kiukiu Jon ghe pitiela 16:1 ပူးပေါင်းရင်းမြစ်များ

1 Pita 2:8

Me emene ue va, “Ia o atu eteva egheelei taumattu etuttukainila, me egheelei ekatungila.” La kaakatuu poli la tam nongonongo usilaa inangari, poli God ghe tau vellala va la lao avalua o tale aloannaaira.

Matiu 13:21

Me poli karika righi oane, karika etiitingina liu nau eteva sesa nau me niaiuvii elutulutu teeia mausi inangarina God, me arovaeaata ta ekaakatuu.

Masi kiukiu Jon ghe pitiela 16:4

Aghaauliaa isaa o voto etaimim me nau isaa o voto etiuaa tani lutu, aue am nnaa va ngaghe auliaala kieimim. “Aghe tokatoka teeiem, liuna avalua o me karika aghe aauliaa isaa o voto emua arau.

Matiu 24:10

Tale ia o nau eteva, oroieili taumattu ngatoa aue la oghi vulu uneira niaikaaiaa, me aue la aissa elome etaira, me aue la aitaueinila lao ta tau ngai ssateeira atoa.

Uru ngai etikirighi Pol ghe pitiela ta aRom atoa 14:21

Masina ateva voto tani gheleia, ia avalua toko va, am ruu tani nama malatau, ropi sesa manu me tani ghelei asease voto atoa la rooroo tani ghelei kapuimim atoa la katuu tale ssavoto.

Matiu 13:57

Me ang ghe sessaila etana. Me Iesu ghe uela etaira va, “Propete ateva la oneoneainia tale kasina ppae masaliki, me tale masalikina tunga ateae me tanganuena, karika.”

Matiu 11:6

Me aue emasinaaili ta taumattu ngateva, unna niaiesoaa karika ekaakatuu vulueghi.”

Masi kiukiu Jon ghe pitiela 15:11

Aghannaaili va lo ateva nimasimasi kalughu ia etoka etaimim, me epasu tale maamauluaaimim. Liuna avalua o me aghaauliaa isaa oia inangari etaimim.

Pilipae 1:10

va am tara kila saa llo voto masina me raarangisana me karika mene righi voto sesa etaimim lomosina ta nauna ateva Karisto,