Masi kiukiu Jon ghe pitiela 14:10 - Mussau-Emira

¹⁰ Karika uaiesoaa va aghi ta Tamaghi, me ia etaghi? Inangari aghaauliaa etaimim karika nim nannaaghi, ta Tamaghi etokatoka etaghi, me ia eghelei isaa o niuungu.

Masi kiukiu Jon ghe pitiela 14:10 ပူးပေါင်းရင်းမြစ်များ

Masi kiukiu Jon ghe pitiela 5:19

Iesu ghe uela ta aJiu etoa va, “Aghaaulia ngakoronna etaimim va Natuna ateva God karika erooroo tani ghelei voto ta nannaane, ta egheelei nonga voto etaatara ta Tamane egheelei. Isaa akapa voto Tamane egheelei, Natuna tee ateva egheelei.

Masi kiukiu Jon ghe pitiela 10:38

Arova am tam aiesoaa etaghi, am aiesoaa tale niuungu agheelei, poli agheelei uunguaane Tamaghi, me aue am kila va Tamaghi etaghi me aghi ta Tamaghi.”

Apostolo 10:38

Me am kilakila vaalua God ghe tau lao sio Spirit Manga ateva me sarasarakana ta Iesu aNasareti ia, me vaalua ghe kasu ekapa seela me ghe gheeghelei masi niuungu me ghe gheeghelei emasina lo atoa taumattu sesa taumattu ngateva ghe ghelei saasakieinilala, ta poli God ghe tokatoka teeia.

Masi kiukiu Jon ghe pitiela 12:49

Karika aghaauliaa righi voto tale nim nannaaghi. Tamaghi ghe sungieghila ghe auliaala sa ateva tani aulieinia me vaalua tani auliaa.

Masi kiukiu Jon ghe pitiela 10:30

Aghi me Tamaghi kateva nonga iengalua.”

Masi kiukiu Jon ghe pitiela 8:28

Iesu ghe ue etaira va, “Nau eteva aue am avukala sae Natuna ateva Taumattu ngateva, me aue am vira mene kila va aghi see. Me karika agheelei righi voto ta nannaaghi, ta agheelei nonga voto Tamaghi ghe apasungaala.

Kolosae 2:9

Poli isaa akapaaili voto kanna God etoka ta Karisto,

Masi kiukiu Jon ghe pitiela 17:8

Ngaghe auliaa tau lao sio inangari ughe auliaa tau mae sio etaghi me ngila ghe ghaala, me ngila ghe akoronnaailila va aghi aghe kasula etam me ngila ghe aikaaiaala va io ughe sungieghila.

Masi kiukiu Jon ghe pitiela 5:17

Iesu ghe uela va, “Tamaghi euungu me karika ghe ruu, me aghi tee auungu.”

1 Jon 5:7

Kotolu voto lotolu aaulia ngaotua:

2 Korint 5:19

Inangariimami va God ghe atokala luei ta taumattu ngatoa tale kosa ateva oia me ta God tale uunguaane Karisto. God karika emene annaa kaluira ssavoto atoa. Me ghe tau mae sio etaimami isaa oia niuungu tani ppooaa inangari luei.

Masi kiukiu Jon ghe pitiela 8:38

Voto aghe tarala ta Tamaghi, aghaauliaa. Voto am ghe nongola ta tamaimim ateva am gheeghelei.”

Kolosae 1:19

Poli God emasimasi va isaa akapaaili voto kanna God etoka ta Karisto.

Masi kiukiu Jon ghe pitiela 14:20

Me ia o nau eteva aue am kila va aghi ta Tamaghi, me am etaghi, me aghi etaimim.

Masi kiukiu Jon ghe pitiela 7:16

Iesu ghe liula me ghe uela va, “Karika aghaapasunga nim nannaaghi. Voto aghaapasunga kanna lo ateva ghe sungieghila.

Masi kiukiu Jon ghe pitiela 8:40

Nau eteva aghaauliaa voto koronna aghe nongola ta God, am aloanna tani uvi emateaghi. Abraham karika ghe gheelei evalua o.

Masi kiukiu Jon ghe pitiela 11:26

Lo ateva etokatoka me maulue ia, arova eaikaaiaa etaghi, karika aue emate. Uaaiesoaa tale isaa oia inangari?”

Masi kiukiu Jon ghe pitiela 3:2

Kateva nau, nau ang ghe aitarrauiila, Nikodimas ghe lao sio tani tara Iesu, me ghe uela va, “Tisa, ami kilakila va God ghe sungiola tani sio apasunga voto etaimami, poli karika teva erooroo tani ghelei niaimatoonga ugheelei, arova God karika etokatoka teeia.”

Masi kiukiu Jon ghe pitiela 14:11

Am aiesoaa nau eteva aue va aghi ta Tamaghi, me ia etaghi. Arova karika, am annaa niuungu aghe gheleila me aue eakorokorongana uneimim niaikaaiaa.

Masi kiukiu Jon ghe pitiela 14:24

Lo ateva etam aielousieinaghi, karika aue enongo usilaa inangarighi. Isaa oia inangari am nongonongo karika inangarighi, ta inangarina Tamaghi, ia ghe sungieghila tani sio.