Masi kiukiu Jon ghe pitiela 12:40 - Mussau-Emira

⁴⁰ “Vau ngepona ateva ghe ghelei emata salusaluna ilala me urunguitaniira korokoronganaaili poli la rau taatara ta mataira me la kila tale urunguitaniira me la mae etaghi me agheleila va la mene masina.”

Masi kiukiu Jon ghe pitiela 12:40 ပူးပေါင်းရင်းမြစ်များ

Masi kiukiu Luk ghe pitiela 8:10

Iesu ghe uela va, “Alomasaanga tale voto eaaisulia tale ararimangalina ateva God, Tamaghi ghe tau aatu sio etaimim, me ta mene katoa aghaauliaa kiukiu niaimatoonga, poli, “‘La taatara, me karika aue la tara kila; la nongonongo me karika la aalomasaanga tee.’

Masi kiukiu Mak ghe pitiela 4:12

Liuna avalua o me inangari tale Uru ngai Manga ateva aue elutu ekoronna, poli, “‘aue la tara me karika aue la tara kila, aue la nongo me karika aloira aue emasaanga, la rau aikolikoliaa, me God ekkaluaa kaluira ssavoto.’”

Apostolo 3:19

Am aikolikoliaa me am nna ngaioghioghiaa tale kaluimim ssavoto, me God aue ekkaluaa, me esei velu kaluimim ssavoto.

Masi kiukiu Jon ghe pitiela 9:39

Iesu ghe uela va, “Aghe sio mae tale kosa ateva tani ghelei niaisakei ta taumattu ngatoa, me aue lo atoa mata salusaluna ila la taatara, me lo atoa la taatara la mata salusaluna.”

Masi kiukiu Luk ghe pitiela 4:18

ghe uela va, “Spiriti eteva ta Vau eteva etokatoka etaghi, poli eghe suitoongainaghila tani ppooaa masi inangari ta lo atoa karika peiira. Me ghe sungieghila tani ppooaa va la ghaa velu lo atoa tale ale mata voovoo, mata salusalu etoa aue la taatara, tani ruu maamatana ta lo atoa la gheelei sesa etaira,

Uru ngai etikirighi Pol ghe pitiela ta aRom atoa 9:18

Liuna avalua o me God eaapasunga alousiusiaane ta lo ateva eanna tani apasunga ailousiaane, me egheelei ekorokorongana urunguitanina lo ateva ealoanna tani akorokoronganaia.

Apostolo 28:26

“‘Kasula me ulaa ue etaira va, “Aue am nongo me karika aue am kila; me aue am tara me karika aue am alomasaanga tee.”

Matiu 15:14

Am rau mene annaa isaa o ase taumattu! Ila nongina mata salusalu, la ghaloanna tani apasunga salana ta katoa, me arova mata salusalu eteva ekatulaa mene kateva mata salusalu, ilalua akapa aue lalu kupi tale liu.”

Apostolo 15:3

Tau ngaiesoa ngatoa tale ale manga ateva laghe sungilala tani sae eJerusalem me nau laghe laa saesae, laghe sso teela ePoenisia me eSameria me laghe kiukiuaala vaalua taumattu ngeleka atoa laghe aikolikoliaala. Nau laghe nongola isaa o inangari, laghe masimasieiliila.

Masi kiukiu Mak ghe pitiela 6:52

Ta poli nannaaira karika marekate tani annaa me tani kila amasina malloeana verete.

Masi kiukiu Jon ghe pitiela 12:39

Taumattu ngatoa karika la rooroo tani aiesoaa ta Iesu, nongina Aisaea ghe mene uela va,