Masi kiukiu Jon ghe pitiela 12:13 - Mussau-Emira

¹³ Liuna avalua o me laghe ghaala uru ootou, me laghe lao sio tani sou Iesu tapaa salana. Laghe aaore me laghe ue va, “Ita tau sae ararina ateae God! God aue eghelei masi voto ta ia oia taumattu ngateva ghe mae sio tale ararina ateae! Ia kingi ia ta aIsraeli etoa!”

Masi kiukiu Jon ghe pitiela 12:13 ပူးပေါင်းရင်းမြစ်များ

Niaulia ngaotu 15:3

Laghe uuei unna kkinari eteae Moses, kapuna tau ngai nongonongo anna ateva God, me kkinarina ateae natu sipsipi eteva. Laghe ue va, “Namuu me masinaaili uunguaam, Vau eteva God sarasarakana io. Ghulughuluena me koronna salam, kingi io tale nau ekapa atoa.

Niaulia ngaotu 7:9

Vara me aghe tarala taumattu ngatoa oroienaaili ila, karika teva erooroo tani ioila, tale anua atoa, me tale ararimangali etoa, me tale taumattu ngatoa, me tale asease nisama atoa, laghe tiitingina emua tale aitokatokane ateva kingi me emua tale natu sipsipi erighi. Laghe aasae aiaasae usousoana me laghe posoposo laa ootou ta nimaira.

Masi kiukiu Jon ghe pitiela 1:49

Me Nataniel ghe uela va, “Tisa, io Natuna io God, me io kingi nge Israeli io.”

Matiu 23:39

Poli aghaauliaa etaimim va karika aue am mene taraieghi, lomosi ta nau eteva aue emae, me aue am ue va, ‘Niarangise ta lo ateva emaemae tale ararina ateae Vau eteva.’”

Masi kiukiu Jon ghe pitiela 19:15

Laghe ovaova atingina me laghe ue va, “Kasueiniela! Kasueiniela me elaa vukala tale aikotoo!” Me Paelat ghe kolomilala va, “Alaa ghavukala sae kapuimim kingi eteva tale aikotoo?” Me namuu ta pristi etoa laghe liula me laghe uela va, “Karika mene teva kapuimami kingi, ta nim Siisa nonga.”

Niaulia ngaotu 19:16

Tale unna aiaasae ateva ghe aakou au kkena muenna atelange, arari eteae pitipiti ia eue va, Kingi tale kingi ekapa atoa me Vau tale vau ekapa atoa.

Masi kiukiu Jon ghe pitiela 12:15

“Natuna aliki vause ateva Saeon, urau mene matautu. Am tara kapuimim kingi eteva emaemae eiilou tale natu donki eteva.”

Matiu 27:42

Laghe ue va, “Eghe asaangila katoa, me karika erooroo tani asaangia! Ia kapuira kingi ia aIsraeli etoa! Am tau veluela me ekkure sio tale aikotoo ateva me aue ami aiesoaa etana.

Masi kiukiu Jon ghe pitiela 12:14

Iesu ghe ghaala donki eteva, me ghe laa sae toka etana, nongina inangari laghe pitila tale Uru ngai Manga ateva va,