Masi kiukiu Jon ghe pitiela 1:3 - Mussau-Emira

³ Tale ia o Inangari eteva God ghe ghelei ekapala voto. Karika righi voto God ghe gheleila aue ghe lutu arova Inangari eteva karika ia.

Masi kiukiu Jon ghe pitiela 1:3 ပူးပေါင်းရင်းမြစ်များ

1 Korint 8:6

me etaita kateva nonga ia God ateva Tamaita ia, ia ghe gheleila voto akapaaili, me ita maamaulue tani oneoneainia. Me kateva nonga ia Vau ngepona ateva Iesu Karisto, ta ngetana God ghe gheleila kosa ateva, me ia etautau mae maulue etaita.

Niaulia ngaotu 4:11

“Vau ngepona ateva me kapuimami Goto ateva, io urooroo va ughaa nitau sae me nioneoneaa me sarasarakana poli ughe gheleila voto akapaaili, me tale aloaloannaam laghe lutula nau ughe gheleilala.”

Masi kiukiu Jon ghe pitiela 1:10

Ia o Inangari eteva ghe tokala oia tale kosa ateva, me arongona ta God ghe gheleila kosa ateva tale ia o Inangari eteva, me karika teva ghe kilakilaia.

Ipises 3:9

God, ia o ghe ghelei ekapaailiila voto, ghe suimatoongainaghila tani aulia ngamasalikangaili ta ila akapa taumattu ngatoa ia oia voto ateva aisuliaane ia. God karika ghe apasungaala voto aisuliaane lomosina ta ghaine.

Masi kiukiu Jon ghe pitiela 1:2

Emua arau, ia ghe tokatoka tee God.

Hibru 11:3

Tale niaikaaiaa ita kilakila va tale niaulia ngasarasarakana tale inangarina God, me kosa ateva ghe lutula. Liuna avalua o me voto ita taatara ghaine, karika God ghe gheleilala tale voto ita rooroo tani tara.

1 Jon 5:1

Lo atoa la ghaikaaiaa va Iesu Mesaea ia, natuna ila God, me lo atoa la ghaielousiaa Tamana, la ghaielousiaa tee natuna atoa.

Niaulia ngaotu 3:14

“Upiti isaa toko inangari elao ta ensolo ateva tale ale manga ateva eLaodesia. “‘Inangari toko inangarina lo ateva koronna ia, eaaulia ngakoronna inangarina akapa God, eaaitoiaa voto akapaaili God ghe gheleila.