Masi kiukiu Jon ghe pitiela 1:1 - Mussau-Emira

¹ Emua arau, nau karika righi voto ghe lutu, Inangari eteva ghe tokatoka. Ghe tokatoka tee God, me ie tee Goto ia.

Masi kiukiu Jon ghe pitiela 1:1 ပူးပေါင်းရင်းမြစ်များ

Masi kiukiu Jon ghe pitiela 17:5

Isaa oia Tamaghi, tale voto ateva utokatoka, utau mae ninamu ngateae ghe tokatoka teeieghi emua arau, nau kosa ateva karika ghe lutu.

Niaulia ngaotu 19:13

Ia ghe molumolu tale aiaasae ateva laghe asuuela tale rae, me ararina ateae la kolokoloa va Inangarina ateva God.

Kolosae 1:17

Ghe tokala emua arau, me ta ngetana isaa akapaaili voto etokatoka amasina.

Masi kiukiu Jon ghe pitiela 1:14

Inangari eteva ghe taumattula, me ghe toka teeiemamila. Ami ghe tarala naanamunganiaane ateva tale ie nonga o Natuna ateva, Tamana ghe sungiela. Ia pasu ia tale maamasinaane me inangari koronna.

Niaulia ngaotu 22:13

Aghi alpa me omega ieghi, aghe toka akasinala me aghaairuuruu. Aghi aitiutiu ieghi me airuuruu ieghi.

Masi kiukiu Jon ghe pitiela 1:2

Emua arau, ia ghe tokatoka tee God.

Niaulia ngaotu 1:8

Vau ngepona ateva God ghe uela va, “Aghi alpa me omega ieghi, atokatoka ghaine me aghe tokala arau me auena amae. Aghi God ateva sarasarakanaaili ieghi.”

Pilipae 2:6

Koronnaaili Karisto ia Goto ia me karika ghe nnaala va easarasarakanaia tani toka nongina God me tani poso parasi va Goto ia.

Matiu 1:23

“Am nongola, kateva vause karika ghe aso tee teva taita aue esunuku me emolena aliki eteva taita ia, me aue la kolo ararina ateae ta Immanuel” — malloeana va “God etokatoka teeita.”

Niaulia ngaotu 21:6

Me ghe mene uela etaghi va, “Nga ghele ghelei ekapala isaa o voto! Aghi alpa me omega ieghi, aghi aitiutiu ieghi me airuuruu ieghi. Ta lo ateva ekaakangngata tani ropi aue atau lao manu karika pei nipoli tale ateo vubbu eteae maulue ia.

Hibru 13:8

Iesu Karisto karika ghe aikolikoliaa poi nau too ang ghe lao sio, nau ghaine, me nau too emaemae.

1 Jon 5:20

Me ita kilakila va Natuna ateva God ghe mae sio me ghe tau mae sio alomasaanga etaita va aue ita kila God koronna ia, me ita etana, me Natuna ta Iesu Karisto. Ia koronna ateva God me etautau maulue ateva tokatoka liu ia.

1 Timoti 3:16

Koronnaaili, voto aisuliaane emua arau tale salane God namungaili: Ghe rekataala taumattu ia me Spiriti eteva ghe apasunga ngamasalikala va ia Natuna ia God. Ensolo atoa laghe taraiela me apostolo atoa laghe ppooainiela tale anue namu ngatoa. Taumattu tale kosa ateva laghe aikaaiaala etana, me God ghe ghaaie saela epona liu.

Masi kiukiu Jon ghe pitiela 16:28

Aghe kasula ta Tamaghi, me aghe sio mae tale kosa ateva oia, me aue amene kasu vuli kosa ateva oia tani mene sae ta Tamaghi.”

Niaulia ngaotu 1:17

Nau aghe taraiela, aghe katuula ta liue kkena arova matena aghi. Ghe saoaala nimana muenna atelange etaghi, me ghe uela va, “Urau mene matautu. Aghi aitiutiu ieghi me airuuruu ieghi.

Masi kiukiu Jon ghe pitiela 20:28

Tomasi ghe uela etana va, “Vaughu io me kapughu Goto io!”

Taetas 2:13

nau ita toitoi esarasarakanaaili masi nau eteva nau kapuita Goto ateva me tau ngai asaangiita ateva Iesu Karisto emae tale sarasarakaniaane me mallangina ateva.

Hibru 7:3

Karika righi kiukiuna va ia see ia, karika teva tamane me karika teva kinna, me karika toa tuvuna, me karika righi aitiutiu tale nauna, o airuuruu tale maamauluaane, nongina Natuna ateva God, ia pristi laalaa liu ia.

Niaulia ngaotu 3:14

“Upiti isaa toko inangari elao ta ensolo ateva tale ale manga ateva eLaodesia. “‘Inangari toko inangarina lo ateva koronna ia, eaaulia ngakoronna inangarina akapa God, eaaitoiaa voto akapaaili God ghe gheleila.

Ipises 3:9

God, ia o ghe ghelei ekapaailiila voto, ghe suimatoongainaghila tani aulia ngamasalikangaili ta ila akapa taumattu ngatoa ia oia voto ateva aisuliaane ia. God karika ghe apasungaala voto aisuliaane lomosina ta ghaine.

Niaulia ngaotu 1:2

Aghi Jon aghe tara akapaailiila voto akapaaili me aghaasaoki va inangari oia inangarina God, me inangari inangarina Iesu Karisto, me aghi aue va, inangari oia koronna.

1 Jon 5:7

Kotolu voto lotolu aaulia ngaotua:

Uru ngai etikirighi Pol ghe pitiela ta aRom atoa 9:5

Tuvuna ila Abraham, Aisiki me Jekop, me ta ngetaira, Mesaea ngateva ghe lutu eloi mae sio etaira. Karisto Goto ia, eaaitoiaa voto akapaaili, liuna avalua o me ita tani taue sae nau ekapa atoa. Koronna!

Masi kiukiu Jon ghe pitiela 1:18

Karika poi teva ghe tara God. Natuna nonga, ia koronna ia va Goto ia me kalakalanginaaili ia ta Tamana, ia ghe apasungaala etaita va God vaalue ia.

Niaulia ngaotu 2:8

“Upiti isaa toko inangari elao ta ensolo ateva tale ale manga ateva eSmena. “‘Inangarina toko lo ateva aitiutiu ia me airuuruu ia, ghe matela, me ghe mene sakesakela.

2 Pita 1:1

Aghi Saemon Pita, tau ngai uungu me apostolo ieghi ta Iesu Karisto, Apitipiti atu etaimim lo atoa aikaaiaaimim nonginaaili aikaaiaaimami. Am ghe ghaala ia o niaikaaia ngateva tale ghulughulueniaane Iesu Karisto, kapuita Goto ia me tau ngai asaangiita ia.

Niaulia ngaotu 1:11

Ghe uela etaghi va, “Upiti tale vuku eteva saa llo angu tarala me utau lao tale ale manga ghaitu, eIpises, Smena, Pegamom, Taeataera, Sadis, Piladelpia, me Laodesia.”

Masi kiukiu Luk ghe pitiela 24:53

Laghe nim tokala o tale ale manga ateva me laghe tautau sae ararina ateae God.

Masi kiukiu Jon ghe pitiela 8:58

Iesu ghe uela etaira va, “Aghaaulia ngakoronna etaimim va auena Abraham ghe lutu, aghi ngaghe toka vella arau!”

Kolosae 1:15

Karisto tootoona ia God ateva, karika ita rooroo tani taraia, ghe tokala arau me ia mue ia tale voto akapa God ghe gheleila.