Hibru 12:4 - Mussau-Emira

⁴ Tale uneimim niaissarakaa tee ssavoto ateva, karika toa laghe uvi emateam.

Hibru 12:4 ပူးပေါင်းရင်းမြစ်များ

1 Korint 10:13

Karika righi nitootoonga am ghaaghaa va isaa ppae, ta nim isaa aitauaa tale mene kasina nitootoonga elutulutu ta taumattu ngakapa atoa. Me God egheelei voto eue va aue eghelei, karika erooroo tani tau veluem va am ghaa namungaili nitootoonga karika am rooroo tani apala. Ta nau am sou nitootoonga, aue eapasunga salana esausiem tani tingina akorokorongana.

Niaulia ngaotu 2:13

Akilakila eaa utokatoka, utokatoka tale voto ateva Satana eaaitarainia. Me karika, ta uaakoronna tale ararighi eteae, karika ughe oghi vulu aikaaiaam etaghi nau tee ta nau Antipas, ghe aaulia ngakoronna inangarina akapa God, me laghe uvi emateala tale masalikim ateae, masaliki taatara ia Satana etokatoka etana.

Hibru 12:2

Nau etoa ita tani taatara lao ta Iesu, poli ia aitiutiu ia me aighelei eghulughuluena niaikaaiaa ia. Karika ghe nnaala nipalata tale ia o ase nimate ateva tale aikotoo, ta ghe nnaala nimasimasi eteva aue eghaaia me etoka etana nau ekapa atoa. Me ghaine etokatoka tale pai muenna ativilau tale aitokatokane ateva God.

Niaulia ngaotu 12:11

Laghe apalaiela tale raena ateva natu sipsipi eteva, me tale inangari eteva laghe aulia ngaotu. Poli karika laghe annaala maamauluaaira, karika laghe matautula tani mate.

Matiu 24:9

“Me aue la kuneiem me la tauem lao tani ghaa nimmarikana me aue la uvi emateam. Ila akapa patunganua atoa aue la ssa teeiem poli ararighi eteae.

Niaulia ngaotu 18:24

Raeira propete atoa me kapuna taumattu ngatoa God, ghe akalala tale salam, me tee raeira lo akapa atoa laghe uvi ematelala tale kosa ateva.”

Niaulia ngaotu 17:6

Aghe tarala vause ateva ang ghe ropi saasakiaala tale raeira kapuna taumattu ngatoa God, raeira taumattu ngatoa la auliaa inangarina ateva Iesu. Nau eteva aghe taraiela, namuu ta aghe soghiaala isaa oia voto.

Pilipae 2:8

Me laghe tarala taataraane va taumattu ia ghe sio siuaa nannaane me ghe nongo usilaala tani lao tale nimate me tani mate tee tale aikotoo.

Hibru 13:13

Liuna avalua o me ita tee ita ghoa tee Iesu eleka me ita ghaa nipalata nongina laghe ghelei teeiela.