Hibru 1:9 - Mussau-Emira

⁹ Uaailousiaa saa voto ghulughuluena, me usessa tee voto sesa, liuna avalua o me God, kapum Goto ateva ghe suitoongainiola, me ghe ghelei emasimasieiliiola, me masimasiaam elaulau mene katoa kapum.”

Hibru 1:9 ပူးပေါင်းရင်းမြစ်များ

Galaisia 5:22

Me uene Spiriti eteva tale niaielousi, nimasimasi, me luei, me karika nisessai parasi, me nighelei masi voto ta mene kateva, me niparruu, me tani kaarasi tani ghelei emasina niuungu,

Uru ngai etikirighi Pol ghe pitiela ta aRom atoa 15:13

Me alooloo sae va aue God, ia etautau mae inangari nialokoi etaita, aue egheleiem me am pasu tale nimasimasi me luei ta poli am aaiesoaa etana. Liuna avalua o me kaluimim niaiesoaa tale inangari nialokoi, aue ekorokorongana tani pinosa tale sarasarakaniaane Spirit Manga ateva.

Masi kiukiu Luk ghe pitiela 4:18

ghe uela va, “Spiriti eteva ta Vau eteva etokatoka etaghi, poli eghe suitoongainaghila tani ppooaa masi inangari ta lo atoa karika peiira. Me ghe sungieghila tani ppooaa va la ghaa velu lo atoa tale ale mata voovoo, mata salusalu etoa aue la taatara, tani ruu maamatana ta lo atoa la gheelei sesa etaira,

1 Jon 1:3

Ami poppooa ngaotu sa ateva ami ghe taraiela me ami ghe nongoala, mausina avalua o me am rooroo tani mae aitauaa teeiemami me ita aighui eitauaa, me kaluimami niaighui eitauaa ta Tamaita me Natuna ta Iesu Karisto.

1 Pita 1:3

Ita kaili emasina ta God Tamana ia kapuita Vau ngepona ateva Iesu Karisto. God ghe totula Iesu Karisto tale nimate. Tale ia o nitotu eteva, me mausi kinatama alousiusiaane ateva, ghe tau mae sio nilutu ppae me ita rooroo tani taatara lao emua

Hibru 7:26

Poli emaamasina va aue ita ghaa ia oia ase namu ngateva tani pristi, ta ia etautau roorooaa aloaloannaaita. Ia manga ia, karika la ghaaliu teeia tale righi voto sesa, raarangisana ia, karika etokatoka aitauaa tee ssavoto, me God ghe atokaie saela eponaaili.

Pilipae 2:9

Liuna avalua o me God ghe taue liue saela epona me ghe taula arari eteae elaulau isaa akapa arari,

Ipises 1:3

Ita tau sae God, kapuna Goto ia kapuita Vau eteva Iesu Karisto, me tee Tamane ia, ghe arangiseitala tale masi voto akapa tani sausi kapuita spirit. Isaa o masi voto ghe mae sio epona liu ta Karisto.

1 Korint 1:9

God aue eghelei isaa o voto etaimim poli egheelei voto eue va aue eghelei, me ghe suitoongainamla tani aighui eitauaa tee Natuna, ia kapuita Vau ngepona ia, Iesu Karisto etana.

Masi kiukiu Jon ghe pitiela 20:17

Iesu ghe uela va, “Urou mene posoaghi, poli karika aghe sae ta Tamaghi. Lao sio me ulaa ghauliaa ta nengaghi etoa va, ‘Ngalaa saesae ta Tamaghi me Tamaimim teeia, me kapughu Goto ia me am tee kapuimmi ia.’”

Masi kiukiu Jon ghe pitiela 1:41

Aitiutiu eteva voto Andru ghe gheleiela, ghe kasula tani pae tuena ta Saemon Pita tani auliaa etana va, “Ngami ghe tarala Mesaea ngateva.” (Ta inangari nge Hibru, malloeana “Mesaea” elaolao aitauaa tee samasama nge Grik va “Karisto.”)

Niaulia ngaotu 2:15

Tale ia nonga o ase salana atikirighi katoa elome etam la aaimuli tee lo atoa laghe aaimuli tee inangarina Nikolaos.

2 Korint 11:31

God, ia kapuna Goto ia me Tamane ia Vau ngepona ateva Iesu, me ie nonga ita taue sae nau ekapa atoa, ekilakila va karika akamekame.

Uru ngai etikirighi Pol ghe pitiela ta aRom atoa 12:9

Am ailousia ngakoronnaaili mene katoa tana taumattu. Am liu viliimim tale voto karika masina, me am poso parasi tale voto masina.

Apostolo 10:38

Me am kilakila vaalua God ghe tau lao sio Spirit Manga ateva me sarasarakana ta Iesu aNasareti ia, me vaalua ghe kasu ekapa seela me ghe gheeghelei masi niuungu me ghe gheeghelei emasina lo atoa taumattu sesa taumattu ngateva ghe ghelei saasakieinilala, ta poli God ghe tokatoka teeia.

Apostolo 4:27

Koronnaaili Herot me Pontius Paelat me katoa tau ngeleka me Israeli etoa, laghe velu eitauaala tale ia o masaliki taatara ateae tani loe Iesu tani uvi ematea, ia o kapum tau ngai uungu eteva manga ia ughe suitoongainiela va ia Mesaea ia.

Masi kiukiu Jon ghe pitiela 3:34

Poli lo ateva God ghe sungiela eaauliaa inangarina God, me God ghe tau lao sio Spiriti eteva etana, karika erooroo tani kapa.

Hibru 2:11

Iesu me taumattu ngatoa egheelei emangaila, kateva nonga tamaira, liuna avalua o me Iesu karika epaapalata tani kolola va nengane ila.

Masi kiukiu Jon ghe pitiela 10:17

Tamaghi eailousieinaghi, poli aue atau velu maamauluaaghi, me auena amene ghaa.

Apostolo 4:26

Kingi etoa tale kosa akapa ateva la ghaimonomonosiaa tani aiuvii me namu ngatoa la veluvelu eitauaa tani tau sio Vau ngepona ateva me tani tau sio kapuna Mesaea ngateva.’

Hibru 2:9

Ta ita tara lo ateva ghe gheleiela ghe siola euu ta ensolo atoa, Iesu etana. Me nau ghaine, God ghe anamungainiela tale nioneoneaa, poli ghe ghaala nimmarikana tale nimate mausiita, liuna avalua o me tale maamasinaane ateva God ghe lao sio tale nimate mausi taumattu ngakapa atoa.