2 Korint 1:20 - Mussau-Emira

²⁰ Ta ngetana isaa akapa inangari nialokoi egheelei “Ue” nonga, me ta ngetana ita ue va, “Aloannaam aue elutu,” tani tau sae God mausi voto ita gheelei.

2 Korint 1:20 ပူးပေါင်းရင်းမြစ်များ

Hibru 13:8

Iesu Karisto karika ghe aikolikoliaa poi nau too ang ghe lao sio, nau ghaine, me nau too emaemae.

Galaisia 3:22

Me poli Uru ngai Manga ateva eue va kosa akapa ateva etokatoka tale voto sesa nonginaaili ale mata voovoo ateva, liuna avalua o me voto God ghe auliaala tale inangari nialokoi, God etautau lao ta lo atoa la ghaaiesoaa ta Iesu Karisto.

Niaulia ngaotu 7:12

Laghe ue va, “Koronna! Nitau sae, me inasanina me nialomasaanga me nikaili emasina me nioneoneaa me nisarasarakana elao ta kapuita Goto ateva aue etoka nau ekapa atoa. Koronna!”

Ipises 1:6

Liuna avalua o me ita tau sae God tale kinatama maamasinaane, ghe nim tau mae sio etaita tale Natuna eaielousieinia.

Uru ngai etikirighi Pol ghe pitiela ta aRom atoa 11:36

Ta poli God nonga ghe ghelei akapaailiila voto atoa, me voto akapaaili etokatoka tale sarasarakaniaane, me ia kanna akapaaili isaa o voto. Ita tau sae ararina ateae nau ekapa atoa! Koronnaaili.

Niaulia ngaotu 3:14

“Upiti isaa toko inangari elao ta ensolo ateva tale ale manga ateva eLaodesia. “‘Inangari toko inangarina lo ateva koronna ia, eaaulia ngakoronna inangarina akapa God, eaaitoiaa voto akapaaili God ghe gheleila.

Ipises 2:7

Ghe apasungaala etaita aalousiusiaane tale isaa o salana ta Karisto Iesu, me tale isaa to nau emaemae, taumattu ngatoa aue la tara maamasinaane namungaili, elaulau ekapa voto atoa.

Uru ngai etikirighi Pol ghe pitiela ta aRom atoa 6:23

Poli aipolipolina ssavoto ateva nimate ia, me voto ateva God enim tautaue mae, maulue ateva tokatoka liu ia, ie ta Karisto Iesu Vauita ia.

Hibru 11:13

Ila akapa o taumattu ngatoa laghe tokatoka tale niaikaaiaa nau laghe matela. Karika laghe ghaala voto God ghe auliaala tale inangari nialokoi. Laghe tara amasau lao sio, me laghe masimasila, me laghe aulia ngaotula va ila ativuu ila me karika tanganueira tale ia oia kosa ateva.

Hibru 7:6

Me ia oia taumattu ngateva, arongona ta karika mangalina ta Livae, me ghe nim ghaala aiaasokolo ta Abraham, me ghe arangisela lo ateva ghe ghaala inangari nialokoi.

Masi kiukiu Jon ghe pitiela 14:6

Iesu ghe uela etana va, “Aghi salana aghi, koronna ieghi me maulue ieghi. Karika teva aue erooroo tani lao ta Tamaghi ta emae mua etaghi.

1 Korint 14:16

Marova utau sae God tale kapum spiriti eteva, lo atoa aloira karika emaamasaanga, karika la roo tani ue va, “Koronna,” tale unem nilooloo sae tani kaili emasina, poli karika la kilakila sa ateva uaaulieinia.

1 Jon 5:11

Me inangari koronna isaa avalua toko, va God ang ghe tau mae sio etaita maulue ateva tokatoka liu ia, me ia o maulue ateva, ie ta Natuna.

1 Pita 1:12

God ghe apasungaala ta propete atoa va isaa o voto laghe ppooaala karika mausiira ta mausiimim. Me God ghe tau sio mae Spirit Manga ateva epona liu, me tale sarasarakaniaane Spirit Manga ateva, tau ngai ppooa ngatoa tale masi kiukiu ngila ghe auliaala etaimim isaa oia voto God ghe gheleila. Ensolo tee atoa la aloannaaili tani ghaa alomasaanga tale masi voto God ghe gheleila etaita.

Kolosae 1:27

God ghe suitoongainilala tani apasunga voto aisulianna etaira, va tau ngeleka atoa aue la ghaa kinatama niarangise ateva, me Karisto aue etoka teeiem tau ngeleka atoa, me am atoka tuutuliimim tale voto emae epona liu.

2 Korint 4:15

Isaa akapaaili o voto ami gheelei aisausiimim poli ami aloanna va maamasinaane God ekasukasu ekapa see tale taumattu aue eghelei me oroieili lo atoa aue la kaili emasina sae tani tau sae God.

Masi kiukiu Jon ghe pitiela 3:5

Iesu ghe liula me ghe uela va, “Aghaaulia ngakoronna etam va, arova uanna tani sso tale ararimangalina ateva God, utani lutu tale manu me Spiriti eteva.

Masi kiukiu Jon ghe pitiela 1:17

Poli God ghe tau lao sio inangari nipaopao ta Moses, me Moses ghe tau mae sio etaita, me Iesu Karisto ghe tau lao sio maamasinaane me inangari koronna.

2 Tesalonika 1:10

tale ia o nau eteva aue emae, ita kapuna taumattu ngatoa manga ita, ita asaesae ararina ateae, me lo atoa la aiesoaa etana la gharueinia. Am tee aue am toka tee lo atoa la aiesoaa ta Iesu, poli am aiesoaa inangariimami etaimim.

2 Korint 4:6

Ta God ghe uela va, “Mallanga ateva ellaa tale saurrom ateva,” me ia ghe gheleila mallanga ateva ghe llaala tale urunguitaniimami tani tau mae mallangina alomasaanga tale naanamungaane God ta matane Karisto.

Masi kiukiu Luk ghe pitiela 2:14

“Ita tau sae ararina ateae Vau eteva epona liu me tale kosa ateva luei aue etoka ta lo atoa God emaamasieinila.”

Matiu 6:13

Urau mene tau veluemami va ami lao tale nitootoonga, me uakekkeliemami tale sesa taumattu ngateva.’