टीटस 3:3 - पुर्वीय मगर

³ हीजैडेनाङ कान र पहीला होङ्‍च न मुर्‌ख, डेच मागन्‍डीच र बरालीस्‍च लेया। मासेछ बीचारकै र पट्‍ट खालुङ मोज मज्‍जाकै कानकी कमारा खास्‍नन्‍या। कानकी र फोको भर्मीकै झीर्‌नन्‍या र कान र होखुरीककी झीर्‌च जाट्‍नन्‍या।

टीटस 3:3 ပူးပေါင်းရင်းမြစ်များ

मत्ती 21:29

होचे जवाफ याहा, ‘ङा मानुङ्‍ले।’ टर न्‍हुइङ होच्‍यो मीमन ल्‍हेसा अनी होसे नुङा।

लुका 21:8

होटै येशूये डेया, “होसीयार छान्‍नी, नाखुरीककी सुयेर माढाँट्‍डीख्‍यौ। ङौ म्‍यार्‌मीनाङ वास्‍टै जना ‘मुक्‍ति याछ ख्रीष्‍ट ङा न हो’ डेम राल्‍हे। होटै ‘होसे समय खेरेप राम्‍हने’ डेले, टर नाखुरीक होखुरीकुङ न्‍हुङ-न्‍हुङ मानुङ्‍नी।

युहन्‍ना 8:34

येशूये होखुरीककी जवाफ याहा, “साँच्‍ची न, ङा नाखुरीककी डेले, पाप जाट्‍चको पट्‍ट न पापौ कमारा हो।

२ टीमोठी 3:13

टर दुष्‍ट र ठगको चहीँ अरुकी ठक्‍डीकी पानाङ लाहा न ठग्‍डीसार होखुरीक झन्-झन् बीगारीस्‍चै नुङ्‍ले।

२ टीमोठी 3:6

हीजैडेनाङ होखुरीक मढ्‌याङ कुडीकै च कुडीक इमकोवाङ नुङार पापकै फेट्‍चको र पट्‍ट खाल्‍या दुष्‍ट इच्‍छा जाट्‍च कम्‍जोर मास्‍टो भर्मीकोलाक लहो अढीनाङ राक्‍ले।

टीटस 1:16

होखुरीकै परमेश्‍वरकी चीन्‍डीले डेम डाबी च जाट्‍ले, टर होखुरीकुङ कामलकीङ चहीँ परमेश्‍वरकी इन्‍कार जाट्‍च टान्‍हाक्‍ले। होखुरीक झीर्‌न सेच, अटेरीको ले र कुसेर असल काम जाट्‍की ज्‍योस्‍च माले।

टीटस 2:12

इसे अनुग्रहये सुये लाहाकी अढीनाङ डार, परमेश्‍वरकी आदर माजाट्‍च होसे मास्‍च जीवन र संसारुङ चाहनाकी डासार इटै आलाक परमेश्‍वरौ म्‍याहासाङ होसकोकी आदर जाट्‍च भक्तिपुर्ण जीवन जीवाकी पाहाक्‍ले।

याकुब 1:26

इडीक सुर भर्मीये लाहाकी धर्मी आर्‌मीट्‍ले, टर होचे लहौ मेलेटकी चहीँ अधिनाङ डाकी माय्‍होक्‍ले डेनाङ होचे लाहाकी न ढोका याल्‍हे अनी होच्‍यौ धर्म व्‍यर्थै छान्‍ले।

१ पट्‍रुस 1:14

हीजैडेनाङ नाखुरीक परमेश्‍वरौ आज्ञाकारी बालखको हो होटबाटै पहीला हीर माव्‍हार्‌छ बेलाङ जाट्‍नाङ लेखा अब नाखुरीकै मासेछ कामको माजाट्‍की।