टीटस 3:14 - पुर्वीय मगर

¹⁴ काल्‍हौ विश्‍वासीकै आवश्‍यकताङ पर्च भर्मीकोलाक सहायता जाट्‍की सेछ काम जाट्‍की पर्‌ले। अनी होखुरीकुङ जीवन मीस्‍या मास्‍याटाक्‍च ल्‍याक्‍च माछान्‍ले।

टीटस 3:14 ပူးပေါင်းရင်းမြစ်များ

मत्ती 21:19

लामौ छेवाङ काट अन्‍जीरौ म्‍यार्‌टुङ डाङार होसको मीस्‍या लेकी डेम नुङा। टर होला मील्‍हा बाहेक हीर मालेया। टब होसकै होसे म्‍यार्‌टुङकी डेया, “अब लकीङ आलाक नुओ मीस्‍या सेन्‍र मास्‍याख्‍यौ!” टब होसे म्‍यार्‌टुङ होडीक न बेला ओइलडीस्‍कीक्‍योटा।

मत्ती 7:19

सेछ मीस्‍या मास्‍याटाक्‍च पट्‍ट न म्‍यार्‌टुङको चेयार फुस्‍ले, होटै म्‍हेयाङ लोम्‍ह काले।

युहन्‍ना 15:16

नाखुरीकै ङाकी मारोजडीया, टर ङै नाखुरीककी रोजडीया। नाखुरीक नुङार सढैँ भरी ङुच मीस्‍या स्‍याटाक्‍नी डेयार ङै नाखुरीककी खटडीमने, नुङ्‍नी र मीस्‍या स्‍याटाक्‍नी। बोइखाटा ङौ म्‍यार्‌मीनाङ ही ङेल्‍हे, होसकै नाखुरीककी होसे याल्‍हे।

युहन्‍ना 15:8

नाखुरीकै वास्‍टै मीस्‍या स्‍याटाकार ङौ चेला हो डेम टान्‍हाक्‍की य्‍होका डेनाङ होला न ङौ बोयो महीमा छान्‍ले।

प्रेरित 18:3

होखुरीक काट न काम जाट्‍च बाटै पावल र होखुरीक खाटा न ङुवार काम जाटा, हीजैडेनाङ होच्‍यौ काम र पाल खास्‍च लेया।

प्रेरित 20:35

ङै पट्‍ट न कुराङ नाखुरीककी पाहाक्‍ङ ने, नाखुरीकै र इटजाट्‍न न मेहनट जाटार कमजोरी कोलाक सहायटा जाट्‍की पर्‌ले। प्रभु येशूओ बचन आर्मीट्‍नी, कुटजाट्‍न होसकै लहे न डेम ने, ‘लाकी डेनाङ याखी झन आसीस हो।’”

१ ठेसलोनीकी 2:9

ङौ डाजेभाइको र डै बहीनीको, कानै जाट्‍च मेहनत नाखुरीकै आर्‌मीट्‍नने। कानै नाखुरीक सुकीर भार मापर्‌ख्‍यौ डेम नाबीक नाम्‍सीन काम जाट्‍न नाखुरीककी परमेश्‍वरौ सेछ समाचार सेटाका।

२ ठेसलोनीकी 3:8

नाखुरीक सुकीर डुख माहीङ डेयार कानै नाबीक नाम्‍सीन मेहनट जाटार काम जाटा। पैसा माय्‍हाम कानै सुखाटा र हीर माज्‍या।

टीटस 2:8

बलीयो शिक्षा पाहाक्‍नी टा की सुयेर होसे शिक्षा चेकी माय्‍होक्‍ख्‍यौ। अनी कानुङ विरुधाङ सट्‍रुकै हीर खराब कुरा माडुपार मेखुरीक न कारामसेकी पर्‌ले।

टीटस 3:8

इसे कुरा साँच्‍ची न हो। परमेश्‍वराङ विश्‍वास जाट्‍चकै जटी सेछ काम जाट्‍कीयो लागी ढ्‍यान याख्‍यौ डेयार नाकै जोड याछ ङा मीमन जाट्‍ले। इसे सेछ काम जाट्‍की पट्‍ट न भर्मीकोलाक पट्‍ट डेनाङ फाइडा छान्‍च कुरा हो।

२ पट्‍रुस 1:8

नाखुरीककी चहडीस्‍च कुराको इसे न हो, अनी इसे कुराको प्रशस्‍त ले डेनाङ नाखुरीकै कानुङ प्रभु येशू ख्रीष्‍टौ ज्ञानाङ वास्‍टै मीस्‍या स्‍याटाक्‍च छान्‍ले।