टीटस 3:11 - पुर्वीय मगर

¹¹ नाकोकी ठाहा न ले, याङ्‍च भर्मीको भ्रष्‍ट र पापी छान्ले र लहो पापै लाहाकी न दोषी ठहरीले।

टीटस 3:11 ပူးပေါင်းရင်းမြစ်များ

लुका 19:22

मालीकै होसकी डेया, ‘नुओ मेङेरौ बोलीये जाट्‍न नाङ्‍की ङा दोष लैडीले, ए दुष्‍ट नोकर! ही माय्‍हामे होसे न ङेछ होटै ही माभेरेट्‍न ने होसे बटुली च ङा कठोर भर्मी हो डेम नीये वार्‌न्‍ह र

लुका 7:30

टर फरीसीको र व्‍यवस्‍थौ धर्मगुरुकै चहीँ युहन्‍ना लकीङ बप्‍तिस्‍मा मालाच बाटै परमेश्‍वरै होखुरीकुङ लागी खास्‍च योजनाकी मामन्‍डीया।

युहन्‍ना 3:18

सु-सुये होसको मीटाक विश्‍वास जाट्‍ले, होखुरीक दोषी माठहरीस्‍ले, टर विश्‍वास माजाट्‍चको चहीँ अघीलकीङ न दोषी ठहरीस्‍नने, हीजैडेनाङ होखुरीकै परमेश्‍वरौ काट मट्‍टै मीजौ म्‍यार्‌मीनाङ विश्‍वास माजाट्‍नने।

प्रेरित 13:46

टर पावल र बारनाबासै साहास जाटार डेया, “परमेश्‍वरौ बचन चहीँ पट्‍ट डेनाङ पहीला नाखुरीककी न सेटाक्‍की खाँचो लेया। नाखुरीकै इसकी इन्‍कार जाटार लाहाकी सेन्‍र मासीच जीवनौ लागी अयोग्‍य ठहरडीचबाटै कान अब अन्‍यजातिको लेठाङ नुङ्‍ले।

प्रेरित 15:24

कानुङ मीघीङ नुङार सु-सु भर्मीकै कानुङ आदेश बीना न उल्‍टो शिक्षा पाहाकार नाखुरीकुङ मीमन बीगारीम डुख याम्‍हने डेच कुरा कानै सेमने।

प्रेरित 23:25

इडीक डेम भ्‍यारखीङ होसे सेनापटीये बडा-हाकीमकी इट डेयार चीठी रीका:

२ टीमोठी 2:14

मण्डलीयुङ पट्‍ट न भर्मीकोलाक इसे कुरा सम्‍झडीम यान्‍ही, र परमेश्‍वरौ म्‍याहासाङ कडा आज्ञा यान्‍ही। होखुरीकै शब्‍दकुङ बारेयाङ वाद विवाद माजाट्‍ख्‍यौ, होचे हीर फाइडा माजाट्‍ले। सेचकोलाक हानी मट्‍टै जाट्‍ले।

टीटस 1:11

होखुरीकुङ मेङेर ठुन्‍न याखी पर्‌ले, हीजैडेनाङ होखुरीकै पाहाक्‍की न माछान्‍च कुराको पाहाकार पट्‍ट न परीवारकोलाक न माखाटाक्‍ङ याम्‍हने। होखुरीकै पैसा कमडीकीयो लागी मट्‍टै इट जाट्‍च हो।

टीटस 1:14

अब होखुरीकै यहूदीकुङ दन्‍त्‍य कठाको सेच भर्मीकोलाक र सत्‍यकी सुइकार माजाट्‍च भर्मीकुङ आज्ञाकी मासेख्‍यो।