टीटस 2:2 - पुर्वीय मगर

² बुढा भर्मीकोलाक इट डेयार पाहाक्‍नी, लहे लाहाकी न अढीनाङ डाकी, आदर डुप्‍की ज्‍योस्‍च सेछ व्‍यवहार जाट्‍की, इमान्‍दार छान्‍की, विश्‍वासकी बलीयो खास्‍की, अरुकी माया जाट्‍की र स्‍थिर छानार ङुकी।

टीटस 2:2 ပူးပေါင်းရင်းမြစ်များ

मर्कूस 5:15

होखुरीक येशू लेठाङ राहा र पहीला भूतको लग्‍डीस्‍च भर्मी गेपार बढीन बील्‍हार ङुम ङुच डाङा। इसे डाङार होखुरीक बीर्‍हीया।

लुका 8:35

होटै वास्‍टै भर्मीको ही छान्‍ननेसा डेयार ङोस्‍की डेम येशू लेठाङ राहा। होटै होखुरीक येशू लेठाङ रान्‍हाङ होसे भर्मीलकीङ दुष्‍ट आत्‍माको ख्‍योम्‍ह सेम्‍हजा बढीन बील्‍हार येशूओ मीकु छीनी सज्‍जन छानार ङुम ङुच डुपा। होसे भर्मीको र इसे डाङार बीर्‍हीया।

प्रेरित 24:25

जब पावलै सेछ कामको जाट्‍की, लहो मीमनकी बसाङ डाकी र होसे राछ न्‍यायौ बारेयाङ कुरा जाटा, टब फेलीक्‍स बीर्‍हीयार इट डेया, “चहुँङ लागी नाको नुङ्‍नी, मौका डुप्‍च बेलाङ ङा नाकोकी आर्‌घाले।”

१ ठेसलोनीकी 5:6

होटबाटै अरुको लेखा कान मामीसीङ, टर झेर्‌न ङुइङ, र आत्‍माङ स्‍थिर छानीङ।

१ ठेसलोनीकी 5:8

टर कान चहीँ डीनुङ सन्‍टान लेचबाटै सधैँ आत्‍माङ स्‍थिर ङुइङ। कानै विश्‍वास र प्रेमौ छाटीयो पाटा, अनी मुक्‍तियो आशौ टोप पुहीङ।

१ टीमोठी 1:10

व्‍यभिचारीको, समलीङ्‌गी सम्‍बन्‍ध डाचको, दास खास्‍की भर्मीकी अपहरन जाट्‍चको, झुटो ङाक्‍च, झुटो गबाही याछको र सत्‍य शिक्षौ विरुधाङ काम जाट्‍चकुङ लागी खास्‍च हो।

१ टीमोठी 1:14

अनी कानुङ प्रभु येशूओ अनुग्रह ङा मीटाक प्रशस्‍तखाटा राहा, र ख्रीष्‍ट येशूवाङ डुप्‍च विश्‍वास र प्रेम ङौ जीवनाङ परमेश्‍वरै न ङाकी याहा।

१ टीमोठी 1:2

विश्‍वासाङ ङाल्‍हौ न लेन्‍जा मीजा लेखा न तिमोथीकी इसे चीठी रीक्‍ङन ले। परमेश्‍वर बोइ र कानुङ प्रभु ख्रीष्‍ट येशूये नाकोकी अनुग्रह, कृपा र शान्‍ति याख्‍यौ।

१ टीमोठी 1:5

कानै याछ इसे शिक्षौ उदेश्‍य प्रेम हो, होसे चोखो मीमन, सेछ बीबेक र साँचो विश्‍वासलकीङ राल्‍हे।

१ टीमोठी 3:11

इटजाट्‍न न डीकनकुङ मास्‍टोको र बडनाम माछान्‍च, अरुकुङ निन्‍दा माजाट्‍च, टर लाहाकी अढीनाङ डार पट्‍ट कुराकोवाङ विश्‍वासी छानार आदर डुप्‍की ज्‍योस्‍च छान्‍की पर्‌ले।

१ टीमोठी 3:2

होटबाटै अगुवा छान्‍च भर्मी चहीँ सुयेर दोष लैडीकी माय्‍होक्‍च, काट मट्‍टै मास्‍टो ब्‍याहा जाट्‍च छान्‍की पर्‌ले। लहे लाहाकी स्‍थिर जाट्‍की य्‍होक्‍च, लहे लाहाकी न अढीनाङ डाकी य्‍होक्‍च, होसे अरुलकीङ सम्‍मान डुप्‍च, पाहुनाकी मान जाट्‍च र सेम्‍ह शिक्षा पाहाक्‍की य्‍होक्‍च छान्‍की पर्‌ले।

१ टीमोठी 3:4

होचे लहो इमुङ व्‍यवहार सेम्‍ह क्‍योट्‍की य्‍होक्‍च, र लहो मीजाकोलाक सेम्‍ह आदर जाट्‍की पाहाक्‍च छान्‍की पर्‌ले।

१ टीमोठी 3:8

होटजाट्‍न न मण्‍डलीयाङ सेवा जाट्‍च डीकनको र आदर जाट्‍की योग्‍यौ छान्‍की पर्‌ले, अनी सत्‍य कुरा ङाक्‍च, धेरै हान रक्‍सी मागाच र दुष्‍ट टरीकै पैसा कमडीच लोभी छान्‍की माछान्‍ने।

१ टीमोठी 5:1

लाहा डेनाङ बुढा भर्मीकोलाक माहक्‍कारीकी, टर आसकोकी लहो बोइकी लेखा न सम्‍झडीकी। अनी लाहा डेनाङ मार्‌जाकोखाटा लहो भाइकोलाक लेखा न जाटार व्‍यवहार जाट्‍की।

टीटस 1:13

इसे गबाही सत्‍य हो। होटबाटै होखुरीककी साप्‍फी हप्‍कडीनी अनी होखुरीक विश्‍वासाङ बलीयो छान्‍की य्‍होक्‍ख्‍यौ।

टीटस 1:8

टर होसे अगुवा पाहुनाकी मान जाट्‍च, सेछ कामकी जाक्‍च, लहे लाहाकी बसाङ डाकी य्‍होक्‍च छान्‍की पर्‌ले, इमान्‍दारी, पवित्र, अनुसासीट छान्‍की पर्‌ले।

टीटस 2:7

नाकै न पट्‍ट ठोकाङ सेछ काम जाटार होखुरीककी नमुना छानार टान्‍हाक्‍नी। अनी नाखुरीकै पाहाक्‍नाङ इमान्‍दारी खाटा गम्‍भीर छानार,

१ पट्‍रुस 1:13

होटबाटै परमेश्‍वरौ काम जाट्‍कीयो लागी नाखुरीकुङ मीमन टयार खास्‍नी। होसीयार छान्‍नी र येशू ख्रीष्‍ट रान्‍हाङ नाखुरीकै डुप्‍च अनुग्रहाङ पुरा आशा डानी।

१ पट्‍रुस 4:7

पट्‍ट न कुराकुङ अन्‍ट्‍य खेरेप राम्‍हने। होटबाटै नाखुरीकै प्रार्थना जाट्‍की य्‍होक्‍ले अनी लहे लहाकी अधिनाङ डार होसीयार छान्‍की पर्‌ले।

१ पट्‍रुस 5:8

सचेट र चनाखो छानार ङुनी। नाखुरीकुङ शत्रु शैतान गर्‌जडीस्‍च राँघु लेखा न सुकी डुपीङ र ज्‍याकी क्‍योटीङ डेम पाम व्‍हाले।

२ पट्‍रुस 1:6

ज्ञानाङ सहडीकी य्‍होक्‍च शक्‍ति, सहडीकी य्‍होक्‍च शक्‍तियाङ धैर्य, धैर्याङ भक्‍टी,