टीटस 2:15 - पुर्वीय मगर

¹⁵ नाकै पाहाक्‍नाङ पुरा अधिकारखाटा विश्‍वासीकोलाक उत्‍साह याखी र च्‍याक्‍च जाट्‍की। सुयेर नाकोकी हेला जाट्‍च मौका माडुप्‍ख्‍यौ।

टीटस 2:15 ပူးပေါင်းရင်းမြစ်များ

मत्ती 7:29

हीजैडेनाङ होसकै होखुरीककी धर्मगुरुकै लेखा होइन टर अधिकार लेच भर्मीये लेखा न पाहाक्‍न्‍या।

मर्कूस 1:22

होसकुङ शिक्षा सेयार भर्मीकै अचम्‍म मन्‍डीया। हीजैडेनाङ होसकै होखुरीककी धर्मगुरुकै लेखा होइन, टर अधिकार खाटा पाहाका।

मर्कूस 1:27

इसे डाङ्‍च पट्‍ट न भर्मीको अचम्‍म मन्‍डीया र होखुरीक मेखुरीक-मेखुरीक गीन्‍की ठाला, “इसे ही हो? इसे च अधिकार लेच नयाँ शिक्षा टी लेसा। इचे च भूत आत्‍माकोलाक र आज्ञा जाट्‍ले र होखुरीकै इच्‍यो आज्ञा र मन्‍डीच लेसा।”

लुका 4:36

पट्‍ट भर्मी छक्‍क पर्‌यार कुरा जाट्‍की ठाला, “इसे भर्मीये ङाक्‍च बोलीयाङ कोङ्‍च अधिकार र शक्‍ति लेसा? होसकै च्‍याक्‍नाङ दुष्‍ट आत्‍माको र खेव्‍हार व्‍हाले!”

१ टीमोठी 5:20

टर पाप जाट्‍च अगुवाकोलाक चहीँ पट्‍टकुङ म्‍याहासाङ हक्‍कारीकी, होटजाटा डेनाङ मण्डलीयुङ अरु अगुवाको र बीर्‍हीले।

२ टीमोठी 4:2

परमेश्‍वरौ सेछ समाचार सेटाक्‍नी, कुङ्‍च समयाङ र सेछ समाचार सेटाक्‍की टयार छानार ङुकी, नम्र छानार दुष्‍ट कामलकीङ ल्‍हेसाक्‍की हप्‍कडीनी, चेटावनी यान्‍ही, हौसला यान्‍ही र शिक्षा याखी माचुकडीस्‍की।

टीटस 1:13

इसे गबाही सत्‍य हो। होटबाटै होखुरीककी साप्‍फी हप्‍कडीनी अनी होखुरीक विश्‍वासाङ बलीयो छान्‍की य्‍होक्‍ख्‍यौ।

१ पट्‍रुस 4:11

ङाक्‍च वरदान डुप्‍चये परमेश्‍वरौ बचन ङाक्‍ख्‍यौ, सेवा जाट्‍चये परमेश्‍वरौ शक्‍तिये सेवा जाट्‍ख्‍यौ। इटजाट्‍न येशू ख्रीष्‍ट लकीङ पट्‍ट न कुराकोवाङ परमेश्‍वरकी न महीमा छान्‍ख्‍यौ। सधैँभरी होसकुङ न महीमा र शक्‍ति छान्‍न ङुख्‍यौ! आमेन।