टीटस 2:14 - पुर्वीय मगर

¹⁴ येशू ख्रीष्‍टै लहो जीवन वलिदान याहार कानकी पट्‍ट न खाल्‍या पापलकीङ छुट्कारा याहा। अनी होसकै कानकी पवित्र खास्‍कीयो लागी लहो जाटी खासा र सेछ काम जाट्‌की जोसीलो पार्‌या।

टीटस 2:14 ပူးပေါင်းရင်းမြစ်များ

मत्ती 1:21

होचे काट लेन्‍जा मीजा जन्‍मडीले, र नीये होसे बालखौ म्‍यार्‌मीन येशू डाकी। हीजैडेनाङ होसकै लहो भर्मीकोलाक होखुरीकुङ पापलकीङ छुटकारा याल्‍हे।”

मत्ती 20:28

होटजाट्‍न न भर्मीयो मीजा र सेवा डुप्‍की होइन टर सेवा जाट्‍की र वास्‍टै जनौ छुट्कारौ लागी लहो जीवन याखी राछ हो।”

मत्ती 3:12

होसकुङ टाप्‍च न्‍हाङ्‍ल्‍या होसकुङ न मीहुटाङ ले र लहो खलाकी सफा जाट्‍ले, अनी गहुँ ढुकुटीयाङ जम्‍मा जाट्‍ले टर भुस चहीँ सेन्‍र मासीच म्‍हेयाङ सीकाक्‍ङ याल्‍हे।”

युहन्‍ना 10:15

कुटजाट्‍न बोये ङाकी सेम्‍हजा चीन्‍डीले ङा र बोइकी सेम्‍हजा चीन्‍डीले। अनी ङा भेडाकुङ लागी ङाल्‍हौ प्राण र याल्‍हे।

युहन्‍ना 6:51

स्‍वर्ग लकीङ झाल्‍न राछ जीबीट रोटो ङा न हो। इसे रोटो सुये ज्‍याले होसे सढैँभरी जीवाम ङुले। ङै याछ होसे रोटो चहीँ ङौ डेह हो। संसारुङ भर्मीकै सेन्‍र मासीच जीवन डुप्‍ख्‍यौ डेयार ङा ङौ डेह याल्‍हे।”

प्रेरित 15:14

परमेश्‍वरै लहो म्‍यार्‌मीनौ लागी अन्‍यजातिको लकीङ काट जाति भाक्‍च दया जाटा डेच कुरा सीमोनै डेम भ्‍यामने।

प्रेरित 15:9

अनी होसकै होखुरीक र काल्‍हौ मीघ्‍याङ हीर भेदभाव माडा टर होखुरीकुङ मीमन चहीँ विश्‍वासै शुद्ध खास्‍न याहा।

प्रेरित 20:28

नाखुरीक लहो लागी र लहो पट्‍ट न बगालौ लागी होसीयार छान्‍नी। पवित्र आत्‍मै नाखुरीककी बगालौ जीम्‍मेवारी खास्‍चबाटै परमेश्‍वरै लहो न मीजौ य्‍हुये लोच मण्‍डलीकी नाखुरीकै सेम्‍ह ङोस्‍की।

प्रेरित 9:36

योप्‍पा सहराङ टबीटा म्‍यार्‌मीनुङ काट जना प्रभुवाङ विश्‍वास जाट्‍च मास्‍टो भर्मी लेया। ग्रीक भासाङ होसकी (डोरकास डेले र होच्‍यौ अर्थ चहीँ हरीनी हो।) होसे सधैँ सेछ कामाङ र गरीबकोलाक सहायटा जाट्‍कीयाङ लग्‍डीस्‍न ङुम्‍या।

१ टीमोठी 1:15

ख्रीष्‍ट येशू पापीकोलाक जीवाक्‍की संसाराङ राछ हो, इसे कुरा पट्‍टये मन्‍डीकी पर्च सत्‍य कुरा हो। अनी पापीको मढ्‍याङ ङा चहीँ पट्‍ट डेनाङ पापी हो।

१ टीमोठी 2:10

टर परमेश्‍वरौ भक्‍ति जाट्‍च मास्‍टो भर्मीकै चहीँ लाहाकी ज्‍योस्‍च र सेछ कामको जाट्‍ख्‍यौ।

१ टीमोठी 2:6

पट्‍ट न भर्मीकुङ लागी छुटकारा याछ डामौ रुपाङ होसकै लाहाकी बली याहा। पट्‍ट न भर्मीको जीवाख्‍यौ डेच परमेश्‍वरौ मीमन हो, र इसे कुरौ प्रमाण ठीक समयाङ याहा।

१ टीमोठी 6:18

भलाइ जाट्‍च काम जाट्‍की, भलाइ छान्‍च कामाङ धनि छान्‍की, मीमन फोस्‍च र अरुकोलाक पुङ्‍ङ याछ छान्‍की डेनी।

टीटस 2:7

नाकै न पट्‍ट ठोकाङ सेछ काम जाटार होखुरीककी नमुना छानार टान्‍हाक्‍नी। अनी नाखुरीकै पाहाक्‍नाङ इमान्‍दारी खाटा गम्‍भीर छानार,

टीटस 3:8

इसे कुरा साँच्‍ची न हो। परमेश्‍वराङ विश्‍वास जाट्‍चकै जटी सेछ काम जाट्‍कीयो लागी ढ्‍यान याख्‍यौ डेयार नाकै जोड याछ ङा मीमन जाट्‍ले। इसे सेछ काम जाट्‍की पट्‍ट न भर्मीकोलाक पट्‍ट डेनाङ फाइडा छान्‍च कुरा हो।

याकुब 4:8

नाखुरीक परमेश्‍वरौ खेरेप रान्‍ही, अनी होसको र नाखुरीक खेरेप राल्‍हे। नाखुरीक पापीको, पाप जाट्‍की डास्‍नी! डोढार्‌या मीमन लेच भर्मीको, नाखुरीक लहौ मीमनकी चोखो खास्‍नी।

१ पट्‍रुस 1:18

हीजैडेनाङ नाखुरीककी ठाहा न ले, नाखुरीकुङ बोइ-बाज्‍युको लकीङ क्‍योस्‍न राछ व्‍यर्थौ रीटीठीटीको लकीङ नाखुरीककी छुटकारा यान्‍हाङ कुडीक बाड्‍को मोल टेरीकी पर्‌या। होसे सुन र चाँडी ल्‍याक्‍च नास छान्‍च ठोकको लकीङ डाम टेरीयार नाखुरीकै छुट्‍कारा डुप्‍च होइन।

१ पट्‍रुस 1:22

अब नाखुरीकै सत्‍यकी पालना जाटार लहो मीमन शुद्ध पार्‌नने अनी विश्‍वासी डाजेभाइ र डै बहीनीकोलाक साँचो प्रेम जाट्‍नने। होटबाटै काटै काट्‍की भीत्री मीमन लकीङ न प्रेम जाट्‍नी।

१ पट्‍रुस 2:12

ख्रीष्‍टकी विश्‍वास माजाट्‍च भर्मीकुङ मीघ्‍याङ नाखुरीकुङ चालचलन सेछ छान्‍की पर्‌ले। होखुरीकै नाखुरीककी मासेछ डेयार डोस लैडीनाङ नाखुरीकुङ सेछ कामको चीन्‍डीकी य्‍होक्‍ख्‍यौ र परमेश्‍वर न्‍याय जाट्‍की राछ डीनाङ होसकुङ महीमा जाट्‍ख्‍यौ।

१ पट्‍रुस 2:9

टर नाखुरीक च चुन्‍डीच भर्मीको, राजकीय पुजाहारीगीरी, पवित्र जाटी, नाखुरीककी अन्‍धकार लकीङ अचम्‍मौ ज्‍योटीयाङ राक्‍च परमेश्‍वरौ लहो न भर्मीको हो। होसकै नाखुरीककी होसकुङ अचम्‍मौ कामको प्रचार जाट्‍की भाक्‍च हो।

१ पट्‍रुस 3:18

हीजैडेनाङ ख्रीष्‍ट सधैँभरीकी ओल्‍छ जाट्‍न पापौ लागी काट चोटी सीम याहा। नाखुरीककी परमेश्‍वर लेठाङ टाहाक्‍की पापी मालेनाङ र पापीकुङ लागी सीम याहा। होसको भर्मीयो शरीराङ सीया, टर पवित्र आत्‍मा लकीङ जीउँडो छाना।

१ युहन्‍ना 1:7

टर कुटजाट्‍न परमेश्‍वर ज्‍योतियाङ ले, होटजाट्‍न न कान र ज्‍योतियाङ व्‍हाले डेनाङ कानुङ र अरु विश्‍वासीको खाटा सङ्‍गटी छान्‍ले। अनी होसकुङ मीजा येशूओ य्‍हुये कानुङ पट्‍ट न पापको लकीङ कानकी शुद्ध खास्‍ले।

१ युहन्‍ना 1:9

इडीक कानै लहो पापको परमेश्‍वरौ म्‍याहासाङ सुइकार जाटा डेनाङ होसकै कानुङ पट्‍ट न पापको क्षमा जाट्‍न याल्‍हे, र पट्‍ट न मास्‍च कुराको लकीङ शुद्ध जाट्‍न याल्‍हे, हीजैडेनाङ होसको विश्‍वासयोग्‍य र धर्मी ले।

१ युहन्‍ना 3:2

ङौ जाक्‍च लाफाको, चाँहा चहीँ काल्‍हाको परमेश्‍वरौ न मीजाको हो। टर पीहीन ही छान्‍ने, होसे च कानकी थाहा माले। टर इडीक कुरा वार्‌ल्‍हे, जब ख्रीष्‍ट राल्‍हे, टब कान र होसको ल्‍याक्‍च न छान्‍ले, हीजैडेनाङ होसको कुङ्‍च ले, कानै होङ्‍च न होसकोकी डाङ्‍ले।