टीटस 2:10 - पुर्वीय मगर

¹⁰ होखुरीकै हीर माखुस्‍ख्‍यौ, टर सधैँभरी सेछ र विश्‍वासीलो छान्‍न ङुख्‍यौ। इटजाट्‍न कानकी मुक्‍ति याछ कानुङ परमेश्‍वरौ शिक्षाकी पट्‍ट कुराङ सम्‍मान याल्‍हे।

टीटस 2:10 ပူးပေါင်းရင်းမြစ်များ

मत्ती 24:45

“विश्‍वासीलो र बुद्धिमानी नोकर होसे हो, होसकी न मीमुरुङै लहो इमुङ पट्‍ट न कामको जीम्‍मा याल्‍हे र अरु नोकरकोलाक नीस्‍चीट समयाङ होखुरीककी ज्‍याच ठोक याखी डेम खटडीले।

मत्ती 5:16

होटजाट्‍न न नाखुरीकुङ ज्‍योति भर्मीकुङ मीहासाङ चम्‍कडीस्‍ख्‍यो, र होखुरीकै नाखुरीकुङ सेछ कामको डाङ्‍ख्‍यो, अनी स्‍वर्गाङ लेच नाखुरीकुङ बोयो महीमा जाट्‍ख्‍यो।

लुका 1:47

होटबाटै ङा मुक्‍ति याछ परमेश्‍वर खाटा मार्‍हाङ्‍ले,

लुका 1:80

होटै बालख युहन्‍ना ल्‍होङ्‍चै र आत्‍माङ बलीयो छान्‍चै नुङा। र इस्राएलीकुङ मीघ्‍याङ प्रचार सुरु माजाट्‍ठर आसको उजाड-ठाँवाङ न ङुवा।

लुका 16:10

येशूये चेलाकोलाक डेया, “मार्‌जा कुराङ इमानदार छान्‍च भर्मी बाड्‍को कुराङ र इमानदार छान्‍ले। होटै माजा कुराङ बेइमानी छान्‍च भर्मी वास्‍टै कुराङ र बेइमानी छान्‍ले,

युहन्‍ना 12:6

होचे साँच्‍ची न गरीबकोलाक माया जाटार डेच होइन, हीजैडेनाङ होसे खुस लेया। पैसौ ठैली होसकी लाकी याम्‍हन्‍या र होचे होटै पैसा डोन्‍च जाट्‍नन्‍या।

१ टीमोठी 1:1

कानकी मुक्‍ति याछ परमेश्‍वर र आशा याछ ख्रीष्‍ट येशूओ आज्ञा अनुसार ख्रीष्‍ट येशूओ प्रेरित छान्‍च ङा पावलै,

१ टीमोठी 5:17

मण्डलीकी सेम्‍ह ङोस्‍च अगुवाकोलाक डोबर आदर छान्‍की पर्‌ले। खास जाटार परमेश्‍वरौ बचन प्रचार जाट्‍च र पाहाक्‍च कामाङ परीसरम जाट्‍चकै चहीँ इसे डुप्‍की न पर्‌ले।

१ टीमोठी 6:1

नोकरकै लहो मालीककोलाक पट्‍ट न कुराङ आदर जाट्‍ख्‍यौ, र होटजाटा डेनाङ कुचे र परमेश्‍वरौ म्‍यार्‌मीन र कानै याछ शिक्षाकी दोष याखी माय्‍होक्‍ले।

१ टीमोठी 6:3

सुये बेग्‍लै शिक्षाको पाहाक्‍ले, र कानुङ प्रभु येशू ख्रीष्‍टौ सत्‍य शिक्षा र कानै जाट्‍की पर्च भक्‍तियो शिक्षा मामन्‍डीले डेनाङ,

टीटस 1:3

अनी कानुङ मुक्‍ति याछ परमेश्‍वरौ आज्ञा अनुसार ङाकी जीम्‍मा याछ प्रचार लकीङ ठीक समयाङ होसकै लहो बचन टान्‍हाका।

टीटस 3:4

टर जब कानुङ मुक्‍ति याछ परमेश्‍वरौ दया र माया कानै डाङा,

१ पट्‍रुस 2:12

ख्रीष्‍टकी विश्‍वास माजाट्‍च भर्मीकुङ मीघ्‍याङ नाखुरीकुङ चालचलन सेछ छान्‍की पर्‌ले। होखुरीकै नाखुरीककी मासेछ डेयार डोस लैडीनाङ नाखुरीकुङ सेछ कामको चीन्‍डीकी य्‍होक्‍ख्‍यौ र परमेश्‍वर न्‍याय जाट्‍की राछ डीनाङ होसकुङ महीमा जाट्‍ख्‍यौ।

१ पट्‍रुस 3:16

टर उटर यान्‍हाङ नम्‍र छानार आदर जाटार ङाक्‍नी। नाखुरीकुङ बीबेक सफा डानी, होट छाना डेनाङ नाखुरीकुङ विरोधाङ ङाक्‍च र ख्रीष्‍टाङ नाखुरीकुङ सेछ चालचलन डाङार निन्‍दा जाट्‍चको मेखुरीक न काराम सेकी पर्‌ले।

२ युहन्‍ना 1:9

ख्रीष्‍टौ शिक्षाकी डासार बाहीरुङ अरु कुरा पट्‍टी लक्‍डीस्‍च भर्मीखाटा परमेश्‍वर माङुले। टर होसकुङ शिक्षा माडास्‍न ङुच खाटा चहीँ बोइ र मीजा नीस न ङुले।