टीटस 1:9 - पुर्वीय मगर

⁹ लहे पाछ सत्‍य बचनाङ बलीयो छान्‍की पर्‌ले। अरुकी उत्‍साह याखी य्‍होक्‍च छान्‍की पर्‌ले। इटजाट्‍न होचे सत्‍य बचनौ शिक्षा लकीङ अरु भर्मीकोलाक उत्‍साह याखी य्‍होक्‍ख्‍यो र विरोधीकुङ गल्‍टी टान्‍हाक्‍की य्‍होक्‍च छान्‍ख्‍यो।

टीटस 1:9 ပူးပေါင်းရင်းမြစ်များ

प्रेरित 18:28

हीजैडेनाङ होचे बहस जाटा र धर्मशास्‍त्रओ बचन लकीङ येशू न मुक्‍ति याछ ख्रीष्‍ट हो डेच कुरा टान्‍हाकार पट्‍ट यहूदीकुङ म्‍याहासाङ प्रमाण याहा।

१ ठेसलोनीकी 5:21

टर पट्‍ट न कुराकी जाँच्‍डीनी र कुसे कुरा सेछ ले होसकी बलीयो खाटा घोम डानी।

२ ठेसलोनीकी 2:15

होटबाटै डाजेभाइको र डै बहीनीको, स्‍थिर छानार ङुनी र कानै डेच अठबा रीक्‍च सत्‍य शिक्षाकी मन्‍डीनी।

१ टीमोठी 1:10

व्‍यभिचारीको, समलीङ्‌गी सम्‍बन्‍ध डाचको, दास खास्‍की भर्मीकी अपहरन जाट्‍चको, झुटो ङाक्‍च, झुटो गबाही याछको र सत्‍य शिक्षौ विरुधाङ काम जाट्‍चकुङ लागी खास्‍च हो।

१ टीमोठी 1:15

ख्रीष्‍ट येशू पापीकोलाक जीवाक्‍की संसाराङ राछ हो, इसे कुरा पट्‍टये मन्‍डीकी पर्च सत्‍य कुरा हो। अनी पापीको मढ्‍याङ ङा चहीँ पट्‍ट डेनाङ पापी हो।

१ टीमोठी 1:19

नाकै लहो विश्‍वास र सेछ बीबेककी माडास्‍की। हीजैडेनाङ बीबेकै डेच कुरा मागन्‍डीनाङ कुडीक जनौ विश्‍वास न नस्‍ट छानार नुङा।

१ टीमोठी 4:9

इसे विश्‍वास जाटार मन्‍डीकी पर्च सत्‍य कुरा हो।

१ टीमोठी 6:3

सुये बेग्‍लै शिक्षाको पाहाक्‍ले, र कानुङ प्रभु येशू ख्रीष्‍टौ सत्‍य शिक्षा र कानै जाट्‍की पर्च भक्‍तियो शिक्षा मामन्‍डीले डेनाङ,

२ टीमोठी 1:13

ङै नाकोकी पाहाक्‍च सत्‍य शिक्षौ नमुनाकुङ पालना जाट्‍की, ख्रीष्‍ट येशूवाङ लेच विश्‍वास र प्रेमाङ डाम डाकी।

२ टीमोठी 2:2

ङै वास्‍टै भर्मीकुङ म्‍याहासाङ नाकोकी पाहाक्‍च कुराको, अरु पाहाक्‍की य्‍होक्‍च विश्‍वासयोग्‍य भर्मीकोलाक र पाहाको।

२ टीमोठी 2:25

होचे लहो विरोधीकोलाक नम्र छानार सम्‍झडीकी य्‍होक्‍च छान्‍की पर्‌ले। होटजाट्‍न सायद परमेश्‍वरै होखुरीककी पश्‍चात्ताप जाट्‍च र सत्‍यताकी चीन्‍डीकी य्‍होक्‍च मीमन याल्‍हे।

२ टीमोठी 3:14

टर नाको चहीँ लहे शिक्षा डुपार विश्‍वास जाट्‍च सत्‍य कुराङ लक्‍डीस्‍न ङुकी। होसे शिक्षाको नाकै सु-सुलकीङ डुप्‍मन्‍या, होसे च नाङ लाहाकी न ठाहा ले।

२ टीमोठी 4:3

हीजैडेनाङ याङ्‍च समय राम्‍हन ले, भर्मीकै साँचो शिक्षाकी सहडीकी माय्‍होक्‍ले। टर होखुरीक लहे जाक्‍ङ सेच कुराको मट्‍टै सेकी इच्‍छा जाट्‍ले होटबाटै लाहाकी मज्‍जा सेच कुराको सेटाक्‍च शिक्षकको भेला जाट्‍ले।

टीटस 1:11

होखुरीकुङ मेङेर ठुन्‍न याखी पर्‌ले, हीजैडेनाङ होखुरीकै पाहाक्‍की न माछान्‍च कुराको पाहाकार पट्‍ट न परीवारकोलाक न माखाटाक्‍ङ याम्‍हने। होखुरीकै पैसा कमडीकीयो लागी मट्‍टै इट जाट्‍च हो।

टीटस 2:1

टर तीतस नाकै चहीँ साँचो शिक्षा खाटा खाट्‍च कुराको मट्‍टै पाहाक्‍च जाट्‍नी।

यहुडा 1:3

ङौ विश्‍वासी डाजेभाइ र डै बहीनीको, काल्‍हा पट्‍टकै डुप्‍च मुक्‍तियो बारेयाङ नाखुरीककी रीक्‍की सार्‍है मीमन सेया, टर अब परमेश्‍वरै लहौ पवित्र भर्मीकोलाक काखेपाङ न सढैंभरीयो लागी याछ विश्‍वासकी सेम्‍ह जोगडीयार डाकी डेच बारेयाङ र नाखुरीककी उत्‍साह याहार रीक्‍की न पर्‌ले डेम ङाकी आवस्‍यक सेया।