टीटस 1:8 - पुर्वीय मगर

⁸ टर होसे अगुवा पाहुनाकी मान जाट्‍च, सेछ कामकी जाक्‍च, लहे लाहाकी बसाङ डाकी य्‍होक्‍च छान्‍की पर्‌ले, इमान्‍दारी, पवित्र, अनुसासीट छान्‍की पर्‌ले।

टीटस 1:8 ပူးပေါင်းရင်းမြစ်များ

लुका 2:25

होडीक बेला शिमियोन डेच भर्मी यरूशलेमाङ ङुमन्या। आसको धार्मिक भर्मी लेया। आसको इस्राएलीकोलाक मुक्‍ति याछ मसीहौ लाम ङोस्‍न ङुमन्या। पवित्र आत्‍मा आसको खाटा लेया।

प्रेरित 24:25

जब पावलै सेछ कामको जाट्‍की, लहो मीमनकी बसाङ डाकी र होसे राछ न्‍यायौ बारेयाङ कुरा जाटा, टब फेलीक्‍स बीर्‍हीयार इट डेया, “चहुँङ लागी नाको नुङ्‍नी, मौका डुप्‍च बेलाङ ङा नाकोकी आर्‌घाले।”

१ ठेसलोनीकी 2:10

नाखुरीक विश्‍वासी खाटा कान ङुनाङ पवित्र, ठीक र निर्दोष छानार ङुवा। इच्यो साक्षी परमेश्‍वर र नाखुरीक ले।

१ टीमोठी 3:2

होटबाटै अगुवा छान्‍च भर्मी चहीँ सुयेर दोष लैडीकी माय्‍होक्‍च, काट मट्‍टै मास्‍टो ब्‍याहा जाट्‍च छान्‍की पर्‌ले। लहे लाहाकी स्‍थिर जाट्‍की य्‍होक्‍च, लहे लाहाकी न अढीनाङ डाकी य्‍होक्‍च, होसे अरुलकीङ सम्‍मान डुप्‍च, पाहुनाकी मान जाट्‍च र सेम्‍ह शिक्षा पाहाक्‍की य्‍होक्‍च छान्‍की पर्‌ले।

१ टीमोठी 4:12

रेन्‍जा ले डेनाङ न नाकोकी सुयेर टुच्‍छ माआर्‌मीट्‍ख्‍यो। विश्‍वासीकुङ म्‍याहासाङ नाकुङ बोली बचन, बानी बेहोरा, प्रेम, विश्‍वास र शुद्धता चहीँ नाको काट नमुना छान्‍की य्‍होक्‍नी।

१ टीमोठी 6:11

टर तिमोथी, नाको परमेश्‍वरौ भर्मी छान्‍च बाटै, इसे मास्‍च कुराकोलकीङ लोस ङुनी। अनी नाकै परमेश्‍वरौ म्‍याहासाङ ठीक ठहरीस्‍च कुरा, भक्‍ति, विश्‍वास, माया, सहडीकी र नरम छान्‍च कुराकोवाङ लहो मीमन लैडीकी।

२ टीमोठी 2:22

होटबाटै रेन्‍जा-आर्‌नामौ बेलाङ राछ मासेछ इच्‍छाकोलाक डासार शुद्ध मीमनै प्रभुओ म्‍यार्‌मीन लाच भर्मीकोखाटा धार्मिकता, विश्‍वास, प्रेम र शान्‍तियाङ व्‍हाकी।

२ टीमोठी 3:3

होखुरीक सुकीर माया माजाट्‍च, निर्दयी र होटन कुरा लैडीच, छाडा, बीर्‍हीमसेच, सेछ कुरा मन मापर्‌च छान्‍ले।

टीटस 2:7

नाकै न पट्‍ट ठोकाङ सेछ काम जाटार होखुरीककी नमुना छानार टान्‍हाक्‍नी। अनी नाखुरीकै पाहाक्‍नाङ इमान्‍दारी खाटा गम्‍भीर छानार,

१ युहन्‍ना 3:14

कानकी थाहा ले, काल्‍हाको च मृत्‍युलकीङ जीवनाङ सरीस्‍न भ्‍यामने, हीजैडेनाङ कानुङ विश्‍वासी डाजेभाइको र डै बहीनीकोलाक कान प्रेम जाट्‍ले। सुये प्रेम माजाट्‍ले होसे मृत्‍युओ बन्‍धनाङ न छान्‍ले।

१ युहन्‍ना 5:1

येशू न मुक्‍ति याछ ख्रीष्‍ट हो डेयार विश्‍वास जाट्‍चको पट्‍ट न परमेश्‍वरौ मीजाको हो। अनी बोइकी प्रेम जाट्‍चकै होसकुङ मीजाकी र प्रेम जाट्‍ले।