टीटस 1:2 - पुर्वीय मगर

² फलसोरुप परमेश्‍वरौ भर्मीकोवाङ सेन्‍र मासीच जीवनौ आशा छान्‍ले। अनी सेन्‍र झुटो माङाक्‍च परमेश्‍वरै सृष्‍टि जाट्‍की डेनाङ अघीलकीङ न कानकी इसे जीवन याल्‍हे डेयार प्रतिज्ञा जाट्‍नन्‍या।

टीटस 1:2 ပူးပေါင်းရင်းမြစ်များ

मत्ती 25:34

टब राजै लहो डोरमीहुट पटीयुङ कोलाक डेले, ‘रान्‍ही, होसकुङ बोइ लकीङ आसीस डुप्‍च भर्मीको! संसारौ सृष्‍टि लकीङ न नाखुरीकुङ लागी तयार जाट्‍च राज्‍यकी अधिकार जाट्‍नी।

मत्ती 25:46

अनी होखुरीकै चहीँ सढैँ भरीयो लागी दन्‍ड डुप्‍ले, टर धर्मी भर्मीकै चहीँ सेन्‍र मासीच जीवन डुप्‍ले।”

मर्कूस 10:17

येशू लामाङ नुङ्‍चै जाट्‍नाङ काट जना भर्मी खेर्‌न राहार होसकुङ अगाडी घुँडा टुसार होसकोकी गीना, “ए असल गुरु, सेन्‍र मासीच जीवन डुप्‍की ङै ही जाट्‍की पर्‌ले?”

मर्कूस 10:30

होखुरीकै इसे न समयाङ सय गुना बढी इम, मोइ बोइ, डाजेभाइ, डै बहीनी, मीजाको र जग्‍गा जमीन डुप्‍ले होटै सतावट र राल्‍हे टर राछ युगाङ सेन्‍र मासीच जीवन डुप्‍ले।

युहन्‍ना 10:28

ङा होखुरीककी सेन्‍र मासीच जीवन याल्‍हे, अनी होखुरीक सेन्‍र नास माछान्‍ने। सुयेर होखुरीककी ङा लकीङ स्‍याटार आल्‍खी माय्‍होक्‍ले।

युहन्‍ना 17:2

हीजैडेनाङ नाकै होसकी पट्‍ट न भर्मीकोमीटाक अधिकार याम्‍हने, होटबाटै नाकै याछ पट्‍टकी होचे सेन्‍र मासीच जीवन याख्‍यौ।

युहन्‍ना 17:24

“ए बोइ, ङा मीमन जाट्‍ले, नाकै ङाकी याछ भर्मीको जटी ङा कुला छान्‍ले होला ङाखाटा न छान्‍ख्‍यौ, र ङौ महीमा होखुरीकै डाङ्‍ख्‍यौ, कुसे महीमा संसारौ सृष्‍टि छान्‍की डेनाङ अगाडी लकीङ न नाकै ङाकी माया जाट्‍च बाटै याम्‍हन्‍या।

युहन्‍ना 5:39

नाखुरीक धर्मशास्‍त्राङ पाले, हीजैडेनाङ होला सेन्‍र मासीच जीवन डुप्‍ले डेम नाखुरीक आर्‌मीटले। टर ङौ बारेयाङ गबाही याछ होसे न धर्मशास्‍त्र हो।

युहन्‍ना 6:54

टर सुये ङौ डेह ज्‍याले र ङौ य्‍हु गाले होसेखाटा चहीँ सेन्‍र मासीच जीवन छान्‍ने, अनी अन्‍टीम डीनाङ ङा होसकी सीच लकीङ जीवाटाक्‍ले।

युहन्‍ना 6:68

टब सीमोन पत्रुसै जबाफ याहा, “ए प्रभु, कान सु लेठाङ नुङ्‍की? सेन्‍र मासीच जीवनौ बचन च नाको खाटा न ले।

प्रेरित 15:18

इसे कुरा परमप्रभुये डेमने, सुये खायाक लकीङ इसे कुराको जनडीमने।’”

१ ठेसलोनीकी 2:15

होसे यहूदीकै प्रभु येशूकी र अगमवक्‍ताकोलाक र साटा र कानकी र खेट्‍डीमका। होखुरीकै परमेश्‍वरकी जाक्‍ङ मासेच काम जाटा र पट्‍ट भर्मीकुङ विरोधी छाना।

१ ठेसलोनीकी 5:8

टर कान चहीँ डीनुङ सन्‍टान लेचबाटै सधैँ आत्‍माङ स्‍थिर ङुइङ। कानै विश्‍वास र प्रेमौ छाटीयो पाटा, अनी मुक्‍तियो आशौ टोप पुहीङ।

१ टीमोठी 6:12

र लहो विश्‍वासौ जीवनाङ बड्‍डीस्‍चै नुङ्‍नाङ सेन्‍र मासीच जीवनकी घोम ङुनी, हीजैडेनाङ होच्‍यौ न लागी परमेश्‍वरै नाकोकी आर्‌घाच हो। अनी नाकै वास्‍टै भर्मीकुङ म्‍याहासाङ लहो विश्‍वासौ साक्षी र याम्‍हने।

१ टीमोठी 6:19

इट जाट्‍नाङ होखुरीकै पीहीन राछ लहो जीवनाङ काम लग्‍डीस्‍च धन सम्‍पत्ति जगौ रुपाङ जम्‍मा जाट्‍ख्‍यौ, अनी होखुरीकै साँचो जीवन डुप्‍की य्‍होक्‍ले।

२ टीमोठी 1:1

परमेश्‍वरौ इच्‍छै ख्रीष्‍ट येशूवाङ लेच जीवनौ प्रतिज्ञा सेटाक्‍की ङा पावल येशू ख्रीष्‍टौ प्रेरित छान्‍च हो।

२ टीमोठी 1:9

परमेश्‍वरै न कानकी जीवाका र लहो न भर्मी छान्‍की कानकी आर्‌घा। काल्‍है जाट्‍च कामौ आधाराङ होइन, टर मेखोल्‍हौ न इच्‍छा र अनुग्रहौ आधाराङ याङ्‍च जाट्‍च हो। इसे चहीँ सृष्‍टि छान्‍की डेनाङ अघीलकीङ न काल्‍हाकी ख्रीष्‍ट येशूये याछ अनुग्रह हो।

२ टीमोठी 2:10

होटबाटै न परमेश्‍वरै चुन्‍डीचकुङ लागी ङा पट्‍ट कुरा सहडीले, टा की होखुरीकै र सधैँभरी ङुमङुच महीमा खाटा ख्रीष्‍ट येशूवाङ लेच मुक्‍ति डुप्‍की अट य्‍होकै।

२ टीमोठी 2:13

इडीक काल्‍हा विश्‍वासीलो मालेनाङ र होसको च विश्‍वासयोग्‍य न छान्‍न ङुले हीजैडेनाङ होसकै लाहाकी न इन्‍कार जाट्‍की माय्‍होक्‍ले।”

२ टीमोठी 2:15

काराम सेकी मापर्‌च र सत्‍य बचनकी ठीकखाटा पाहाक्‍च कामदार लेखा न लहे लाहाकी परमेश्‍वरौ म्‍याहासाङ ग्रहणयोग्‍य खास्‍की कोसीस जाट्‍नी।

टीटस 2:13

होटजाट्‍न न कानै आशा डाच कुरा पुरा छान्‍च डीनौ लाम ङोस्‍ले। होसे डीनाङ कानुङ महान परमेश्‍वर र कानकी मुक्‍ति याछ येशू ख्रीष्‍टौ बाड्‍को महीमा डाङ्‍ले।

टीटस 2:7

नाकै न पट्‍ट ठोकाङ सेछ काम जाटार होखुरीककी नमुना छानार टान्‍हाक्‍नी। अनी नाखुरीकै पाहाक्‍नाङ इमान्‍दारी खाटा गम्‍भीर छानार,

टीटस 3:7

होटजाट्‍न होसकुङ अनुग्रहै कानकी धर्मी ठहरीया र कानै आशा डाच सेन्‍र मासीच जीवनौ हकडार छान्‍की य्‍होका।

१ युहन्‍ना 2:25

अनी मीजै याल्‍हे डेयार काल्‍हा खाटा जाट्‍च प्रतिज्ञा चहीँ सेन्‍र मासीच जीवन न हो।

१ युहन्‍ना 5:20

अनी परमेश्‍वरौ मीजा राहा र होसकै कानकी साँचो परमेश्‍वरकी चीन्‍डीच ज्ञान याहा। इसे कुरा कानकी थाहा ले। कान होसकुङ मीजा येशू ख्रीष्‍ट खाटा लेचबाटै साँचो परमेश्‍वर खाटा ले। होसको न साँचो परमेश्‍वर र सेन्‍र मासीच जीवन याछ हो।

यहुडा 1:21

लाहाकी परमेश्‍वरौ प्रेमाङ डानी र सेन्‍र मासीच जीवनौ लागी कानुङ प्रभु येशू ख्रीष्‍टौ दयाकी लेन्‍नाङ इट जाट्‍नी।