टीटस 1:11 - पुर्वीय मगर

¹¹ होखुरीकुङ मेङेर ठुन्‍न याखी पर्‌ले, हीजैडेनाङ होखुरीकै पाहाक्‍की न माछान्‍च कुराको पाहाकार पट्‍ट न परीवारकोलाक न माखाटाक्‍ङ याम्‍हने। होखुरीकै पैसा कमडीकीयो लागी मट्‍टै इट जाट्‍च हो।

टीटस 1:11 ပူးပေါင်းရင်းမြစ်များ

मत्ती 23:13

“नाखुरीककी धिक्‍कार, ए धर्मगुरुको र फरीसीको, नाखुरीक कपटीको! हीजैडेनाङ नाखुरीकै भर्मीकुङ अगाडी स्‍वर्ग राज्‍यौ गालाम ठुन्‍ने। नाखुरीक लाहा र भीत्री मापर्‌ले, पर्‌की मीमन जाट्‍चकोलाक र पर्‌की माय्‍हाले।

लुका 20:40

होटै होसकोकी फेरी सुयेर हीर गीन्‍की आट माजाटा।

युहन्‍ना 10:12

टर पैसा याहार डाच गोठ्‍ला चहीँ भेडाकुङ लहो न गोठ्‍ला होइन। होटबाटै ब्‍वाँसो डाङ्‍नाङ भेडाकी डासार होसे गोठ्‍ला भोग्‍डीस्‍ले हीजैडेनाङ होच्‍यो लहो भेडा होइन। अनी ब्‍वाँसोये भेडाकोलाक झम्‍टडीसार जीक्‍ले र टीटरबीटर पार्‌न याल्‍हे।

१ टीमोठी 5:13

इडीक होखुरीकुङ म्‍यार्‌मीन बीढुवा खाटाङ रीक्‍ङने डेनाङ, अरुकुङ इम-इमाङ छेर्‍हाम व्‍हाच अल्‍छी छान्‍ले। होडीक मट्‍टै होइन इलकुङ कुरा आलाक र आलकुङ कुरा इलाक सेटाकार भर्मीकोलाक माखाटाक्‍च, फोकुङ कामाङ मीहुट काच, ङाक्‍की माछान्‍च कुराको र ङाक्‍च छान्‍ले।

१ टीमोठी 5:4

टर इडीक मीजाको अठबा नाटी-नाटीनाको लेच बीढुवाको ले डेनाङ चहीँ होखुरीककी मेन मीजाको अठबा नाटी-नाटीनीकै न अटकोकै। पहीला होखुरीकै लहो परीवारौ वास्‍टा जाटार परमेश्‍वरौ सेवा जाट्‍की पाखी पर्‌ले। मोइ-बोये जाट्‍च उपकारौ रीन टेरीख्‍यौ, हीजैडेनाङ इट जाटा डेनाङ परमेश्‍वर र मार्‍हाङले।

१ टीमोठी 6:5

याङ्‍च भर्मीकै च एकोहोरो खाटा गन गन जाट्‍न ङुले। होखुरीकुङ बुद्धि बीगारीस्‍च छान्‍ले। होखुरीकै सत्‍य न गुमडीच छान्‍ले। अनी होखुरीकै परमेश्‍वरकी भक्‍ति जाट्‍की चहीँ धनि छान्‍च टरीका डेम आर्‌मीट्‍ले।

२ टीमोठी 2:18

सीच लकीङ जीवाम सोच कुरा अघी न छान्‍न भ्‍यामने, अब माछान्‍ने डेच शिक्षा पाहार होखुरीकै कुडीक जनौ सत्‍य विश्‍वासकी न बीगारीम याम्‍हने।

२ टीमोठी 3:6

हीजैडेनाङ होखुरीक मढ्‌याङ कुडीकै च कुडीक इमकोवाङ नुङार पापकै फेट्‍चको र पट्‍ट खाल्‍या दुष्‍ट इच्‍छा जाट्‍च कम्‍जोर मास्‍टो भर्मीकोलाक लहो अढीनाङ राक्‍ले।

टीटस 1:7

हीजैडेनाङ परमेश्‍वरौ काम जाट्‍की पर्‌चबाटै मण्डलीयुङ अगुवा चहीँ हीर दोष मालेच छान्‍की पर्‌ले, घमण्ड माजाट्‍च, छीटो मीरीस माख्‍योछ, माम्‍होर्‌च, सु खाटा र मापुन्‍छ, र खराब काम जाटार धन सम्‍पत्ती कमडीच छान्‍की माछान्‍ले।

टीटस 1:9

लहे पाछ सत्‍य बचनाङ बलीयो छान्‍की पर्‌ले। अरुकी उत्‍साह याखी य्‍होक्‍च छान्‍की पर्‌ले। इटजाट्‍न होचे सत्‍य बचनौ शिक्षा लकीङ अरु भर्मीकोलाक उत्‍साह याखी य्‍होक्‍ख्‍यो र विरोधीकुङ गल्‍टी टान्‍हाक्‍की य्‍होक्‍च छान्‍ख्‍यो।

टीटस 3:10

फाटो राक्‍च भर्मीकी काखेप नीसखेप चेटावनी याखी, होट जाट्‍नाङ र माछाना डेनाङ होसेखाटा हीर सम्‍बन्‍ध माडाकी।