टीटस 1:10 - पुर्वीय मगर

¹⁰ हीजैडेनाङ वास्‍टै भर्मीको अरुकुङ अढीनाङ माङुच, व्‍यार्थौ कुरा जाट्‍च, ढाट्‍डीचको छान्‍ले। होखुरीक मढ्‍याङ, कुडीक जनै चहीँ ँ इट डेले, की मुक्‍ति डुप्‍की खतना जाट्‍की पर्‌ले।

टीटस 1:10 ပူးပေါင်းရင်းမြစ်များ

मत्ती 23:14

[“धिक्‍कार नाखुरीककी, धर्मगुरुको र फरीसीको, कपटीको! नाखुरीकै बीढुवाकुङ इम स्‍याट्‍न याल्‍हे र लहाकी धर्मी हो डेम टान्‍हाक्‍कीयो लागी लोलोट्‍च प्रार्थना जाट्‍ले। होटबाटै अरुये डेनाङ नाखुरीकै वास्‍टै दन्‍ड डुप्‍ले।]

प्रेरित 11:2

अनी पत्रुस यरूशलेमाङ राहा, टब खतना जाट्‍च यहूदी विश्‍वासीकै होसकी दोष याखी ठाला,

प्रेरित 15:1

अनी कुडीक भर्मीकै यहूदिया लकीङ एन्‍टीओखीयाङ राहार विश्‍वासीकोलाक याङ्‍च शिक्षा पाहाक्‍की ठाला, “नाखुरीक मोशौ रीटीअनुसार खतना माजाटा डेनाङ च नाखुरीकुङ उद्धार छान्‍की माय्‍होक्‍ले।”

प्रेरित 15:24

कानुङ मीघीङ नुङार सु-सु भर्मीकै कानुङ आदेश बीना न उल्‍टो शिक्षा पाहाकार नाखुरीकुङ मीमन बीगारीम डुख याम्‍हने डेच कुरा कानै सेमने।

प्रेरित 20:29

हीजैडेनाङ ङाकी थाहा ले, ङा नुङ्‍च न्‍हुइङ बीर्‍हीमसेच ब्‍वाँसाको नाखुरीकुङ मीघ्‍याङ पर्‌ले, होखुरीकै बगालकी डुख याखी माडास्‍ले।

१ टीमोठी 1:4

नाकै होखुरीककी दन्‍त्‍य कठाको र माटुङ्‍गडीस्‍च बङ्‍सवलीको पट्‍टी अल्‍मडीस्‍की माय्‍हानी, हीजैडेनाङ इसे कुराकै च व्‍यार्थौ वाद विवाद छ्‍युक्‍ले र विश्‍वासलकीङ छान्‍च परमेश्‍वरौ कामाङ सङ्‍खा मट्‍टै बड्‍डीले।

१ टीमोठी 1:6

अनी कुडीक भर्मीको चहीँ इसे कुराकोलकीङ बरालीसार व्‍यार्थौ छलफलाङ अल्‍मडीस्‍न ङुमने।

१ टीमोठी 1:9

होटबाटै कानकी ठाहा ले, व्‍यवस्‍था सेछ भर्मीयो लागी खास्‍च होइन। टर व्‍यवस्‍था उलङ्‍घन जाट्‍च, अपराधि, परमेश्‍वरकी मामन्‍डीच, पापी, अपवित्र र दुष्‍ट भर्मीको, मोइ-बोइकी साट्‍च अठबा भर्मी साट्‍चकुङ लागी,

२ टीमोठी 3:13

टर दुष्‍ट र ठगको चहीँ अरुकी ठक्‍डीकी पानाङ लाहा न ठग्‍डीसार होखुरीक झन्-झन् बीगारीस्‍चै नुङ्‍ले।

२ टीमोठी 4:4

होखुरीकै सत्‍य कुराको सेकी न मापाले टर दन्‍त्‍य कठाको चहीँ सेकी मीमन जाट्‍ले।

टीटस 1:6

होसे अगुवा छान्‍च भर्मी चहीँ सुयेर डोस लैडीकी माय्‍होक्‍च र काट मट्‍टै मास्‍टो लेच छान्‍की पर्‌ले। मीजाको र परमेश्‍वरकी विश्‍वास जाट्‍च र डेच मन्‍डीच र खराब बानी बेहोरा मालेच छान्‍की पर्‌ले।

याकुब 1:26

इडीक सुर भर्मीये लाहाकी धर्मी आर्‌मीट्‍ले, टर होचे लहौ मेलेटकी चहीँ अधिनाङ डाकी माय्‍होक्‍ले डेनाङ होचे लाहाकी न ढोका याल्‍हे अनी होच्‍यौ धर्म व्‍यर्थै छान्‍ले।

१ युहन्‍ना 2:18

ङौ मार्‌जा बालखको, इसे अन्‍टीम समय हो। ख्रीष्‍टौ विरोधी राम्‍हन ले डेच कुरा नाखुरीकै सेमने। ख्रीष्‍टौ धेरै विरोधीको च अघी न राम्‍हने। होटबाटै इटै न कान वार्‌ल्‍हे, की इसे अन्‍टीम समय हो।

१ युहन्‍ना 2:4

सुये “ङा परमेश्‍वरकी चीन्‍डीले” डेले, टर होसकुङ आज्ञाको मामन्‍डीले डेनाङ होसे झुटो हो, र होसे खाटा सत्‍य माछान्‍ले।

१ युहन्‍ना 4:1

ङौ जाक्‍च लाफाको, ङा खाटा पवित्र आत्‍मा ले डेच पट्‍ट न भर्मीकोलाक नाखुरीकै विश्‍वास माजाट्‍की, टर होखुरीक खाटा लेच आत्‍मा परमेश्‍वर लकीङ राछ हो की होइन डेयार जाँच्‍डीकी। हीजैडेनाङ धेरै झुटो अगमवक्‍ताको इसे संसाराङ ख्‍योम्‍ह राम्‍हने।