मर्कूस 9:9 - पुर्वीय मगर

⁹ होखुरीक पहाड लकीङ लीट्‍टीम व्‍हाम रान्‍हाङ येशूये होखुरीककी डेया, “भर्मीयो मीजा सीच लकीङ जीवाम मासोठर नाखुरीकै इसे डाङ्‍च कुरा सुकीर मासेटाक्‍की।”

मर्कूस 9:9 ပူးပေါင်းရင်းမြစ်များ

मत्ती 12:19

न होचे बहस जाट्‍ले, न ट बाड्‍को सोरै न च्‍याक्‍ले, होच्‍यो सोर गल्‍लीकोवाङ सुयेर मासेले।

मत्ती 12:40

हीजैडेनाङ कुटजाट्‍न योना काट बाड्‍को डीस्‍यौ मीटुकाङ सोम याक र सोम राट ङुकी पर्‌न्‍या, होटजाट्‍न न भर्मीयो मीजा र पृथ्‍वीयो गर्भ भीत्री सोम याक र सोम राट ङुकी पर्‌ले।

मत्ती 16:21

होसको कुटजाट्‍न यरूशलेमाङ नुङ्‍की पर्‌ले अगुवाको, मुख्‍य पुजाहारीको र धर्मगुरुकुङ मीहुटीङ वास्‍टै कष्‍ट भोग्‍डीकी पर्‌ले, होसकोकी साट्‍ले टर सोमयाकाङ जीवाम सोले डेच कुरा होसनीक लकीङ येशूये लहो चेलाकोलाक डेकी ठाला।

मत्ती 27:63

र होखुरीकै डेया, “हजुर, होसे ठगाहै जीउडै लेनाङ, ‘ङा सोम याकाङ फेरी जीवार सोले’ डेच कुरा कानै आर्‌मीट्‍न ने।

मत्ती 8:4

होटै येशूये होसकी डेया, “इसे कुरा सुकीर माडेकी। टर लाहाकी पुजाहारी लेठाङ नुङार टान्‍हाक्‍की, र मोशौ व्‍यवस्‍थाङ डेनाङ लेखा न भर्मीकोलाक नाङ गेप्‍च साक्षीयो लागी भेटी योहो।”

मर्कूस 5:43

येशूये होखुरीककी इसे कुरा सुये र ठाहा माडीन्‍ख्‍यो डेम कडा आज्ञा याहा र मास्‍टो जजाकी चहीँ हीर ज्‍याच ठोक ज्‍याकी यान्‍ही डेम होखुरीककी डेया।

मर्कूस 7:36

“इसे कुरा सुकीर माडेकी” डेयार होसकै होखुरीककी आज्ञा याहा टर सु-सु भर्मीकोलाक होसकै आज्ञा याहा, होडीक न होखुरीकै र भर्मीकोलाक सेटाक्‍चै नुङा।

मर्कूस 9:10

होखुरीकै इसे कुरा मीमनाङ न डा टर “सीच लकीङ फेरी जीवाकी डेच चहीँ ही लेसा” डेम मेखुरीक-मेखुरीक कुरा जाट्‍की ठाला।

मर्कूस 9:8

इट डेच सेरखीङ चेलाकै इलाक आलाक ङोसा टर लाहा खाटा येशू बाहेक अरु सुकीर माडाङा।

लुका 24:46

इजाट्‍न रीक्‍ङने, मुक्‍ति याछ ख्रीष्‍टै डुख भोग्‍डीयार सोम डीनाङ सीच लकीङ जीवाम सोकी पर्‌ले।

लुका 9:36

याङ्‌च शब्‍द सेम भ्‍यारखीङ होला येशू मेखोल्‍हा काट न छाना। होटै चेलाको माच्‍याक्‍ङ ङुवा र होखुरीकै डाङ्‍च कुराको होस बेला सुकीर माडेया।