मर्कूस 9:43 - पुर्वीय मगर

⁴³ इडीक नुओ मीहुटै नाङ्‍की पाप जाट्‍की लैडीले डेनाङ होसकी चेमकौ। नीस मीहुट खाटा न नरकौ सेन्‍र मासीच म्‍हेयाङ नुङ्‍की डेनाङ च काट मट्‍टै मीहुट लार सेन्‍र मासीच जीवन डुप्‍की न नुओ लागी सेछ हो।

मर्कूस 9:43 ပူးပေါင်းရင်းမြစ်များ

मत्ती 17:27

टर काल्‍हालकीङ होखुरीकुङ चीट्‍ट माबीक्‍ख्‍यो डेम, नाको टालाङ नुङार बल्‍छी ङाप्‍नी। र पहीला पर्च डीस्‍यौ मेङेर खोल्‍न्‍हाङ नाकै काट चाँडीयो सीक्‍का डुप्‍ले, होसे आल्‍हार नाकुङ र ङौ लागी कर टेरीनी।”

मत्ती 25:41

“होटै होसकै लहो डेबर्‌या पट्‍टी लेचकोलाक डेले, ‘ए परमेश्‍वरौ सराप पर्च भर्मीको! ङा लकीङ नुङ्‍की क्‍योट्‍नी, शैतान र होच्‍यो दूतकोलाक तयार जाट्‍च सेन्‍र मासीच म्‍हेयाङ नुङ्‍नी!

मत्ती 3:12

होसकुङ टाप्‍च न्‍हाङ्‍ल्‍या होसकुङ न मीहुटाङ ले र लहो खलाकी सफा जाट्‍ले, अनी गहुँ ढुकुटीयाङ जम्‍मा जाट्‍ले टर भुस चहीँ सेन्‍र मासीच म्‍हेयाङ सीकाक्‍ङ याल्‍हे।”

मत्ती 5:22

टर ङा नाखुरीककी डेले, सुर भर्मी अरुखाटा होटन मीरीस ख्‍योल्‍हे डेनाङ होचे दन्‍ड डुप्‍ले। सुये अरु भर्मीयो अपमान जाट्‍ले, होचे महासभाङ जवाफ याखी पर्‌ले। सुये अरु भर्मीकी ‘नाङ मुर्‌ख’ डेले, होसे नरकौ म्‍हेयाङ पर्‌ले।

मर्कूस 9:44

[नरकाङ च न डुको सीले न म्‍हे न सीले।]

लुका 14:13

बरु नाकै ज्‍यामा-गामा कास्‍की आर्‌घानाङ, गरीब-डुखी, लुला-लङ्‍गडा र मीमीक माडाङ्‌च कोलाक आर्‌घानी।

लुका 14:21

नोकर ल्‍हेस्‍न राहार मालीककी पट्‍ट न कुरा सेटाका। होटै इसे कुरा सेरखीङ इमुङ मालीक साफ्‍फी मीरीस ख्‍योछै लहो नोकरकी इट डेया, ‘सहरौ लाम र गल्‍ली-गल्‍लीयाङ छीटो नुङ्‍नी। होटै गरीबकोलाक, मीमीक माडाङ्‍च कोलाक, लुला-लङ्‍गडा कोलाक आर्‌घाम इला राक्‍नी।’”

लुका 3:17

टाप्‍च न्‍हाङ्‌ल्‍या होस्‍कुङ मीहुटाङ न ले। होटबाटै गहुँ र भुस भाकार गहुँ जटी ढुकुटीयाङ ठन्‍कडीले र भुसकी चहीँ सेन्‍र मासीच म्‍हेयाङ काम याल्‍हे।”

टीटस 2:12

इसे अनुग्रहये सुये लाहाकी अढीनाङ डार, परमेश्‍वरकी आदर माजाट्‍च होसे मास्‍च जीवन र संसारुङ चाहनाकी डासार इटै आलाक परमेश्‍वरौ म्‍याहासाङ होसकोकी आदर जाट्‍च भक्तिपुर्ण जीवन जीवाकी पाहाक्‍ले।

१ पट्‍रुस 2:1

होटबाटै पट्‍ट न दुष्‍ट कुराको लकीङ, पट्‍ट न छल-कपट, डाहा र अरुकुङ बडनाम जाट्‍च भर्मीको लकीङ नाखुरीक लोस ङुनी।