मर्कूस 9:25 - पुर्वीय मगर

²⁵ होटै पट्‍ट न भर्मीको येशू लेठाङ खेर्‌न राछ डाङार होसकै होसे भूत आत्‍माकी हक्‍कारीचै डेया, “ए लाटा खास्‍च र मेन्‍केप मासेच खास्‍च आत्‍मा, इसे जजा लकीङ ख्‍योव्‍हार रान्‍हा र फेरी ल्‍हेसार भीत्री मापर्‌यो!”

मर्कूस 9:25 ပူးပေါင်းရင်းမြစ်များ

मत्ती 12:22

टब भर्मीकै भूत लक्‍डीसार मीमीक माडाङ्‍च र ङाक्‍की माय्‍होक्‍च काट भर्मीकी येशूलेठाङ राका। होसकै होसकी गेपाका अनी होचे डाङ्‍की र ङाक्‍की य्‍होका।

मत्ती 17:18

येशूये भूतकी हक्‍कारीया र भूतआत्‍मा होसेलकीङ ख्‍योव्‍हार नुङा। होटै तुरुन्‍तै होसे लेन्‍जा जजा गेप्‍की क्‍योटा।

मर्कूस 9:15

पट्‍ट न भर्मीकै येशूकी डाङ्‍च बीटीक्‍कै छक्‍क पर्‌या र होसको लेठाङ खेर्‌न राहार होसकोकी झोरा।

मर्कूस 9:24

इसे कुरा सेच बीटीक्‍कै लेन्‍जा जजौ बोये च्याकार डेया, “ङा विश्‍वास जाट्‍ले। ङौ अविश्‍वासाङ ङाकी सहायटा जाट्‍नी।”

मर्कूस 9:26

होटै चीघारीसार होसे लेन्‍जा जजाकी लछार पछार जाटार होसे भूत आत्‍मा ख्‍योव्‍हा र होसे जजा सीच बराबर छाना। इलासम्‍म की कुडीक भर्मीकै च “होसे सीया” डेया।

लुका 11:14

काट भर्मीकी दुष्‍ट आत्‍मा लक्‍डीसार लाटा छानन्‍या। येशूये होसे भर्मी भीत्री लेच दुष्‍ट आत्‍माकी छ्‌युक्‍रखीङ होसे भर्मी ङाक्‍की ठाला। याङ्‍च डाङार भर्मीको छक्‍क पर्‌या।

लुका 4:35

इसे कुरा सेयार येशूये होसे दुष्‍ट आत्‍माकी हकारीयार डेया, “माच्‍याको र इसे भर्मीलकीङ ख्‍योव्‍हार नुङ्‍ना।” होसे भर्मीकी पट्‍टौ म्‍याहासाङ कुरुकार दुष्‍ट आत्‍मा खेव्‍हार नुङा। टर भर्मीकी चहीँ हीआङ र चोट मापर्‌या।

लुका 4:41

होला लेच वास्‍टै भर्मीको लकीङ दुष्‍ट आत्‍माको च्‍याक्‍चै, इट डेचै खेव्‍हा, “नाको परमेश्‍वरौ मीजा हो।” टर येशूये होसे दुष्‍ट आत्‍मा कोलाक हक्‍कारीयार ङाक्‍की माय्‍हा। हीजैडेनाङ होखुरीकै होसको मुक्‍ति याछ ख्रीष्‍ट हो डेम चीन्‍डीमन्‍या।

लुका 8:29

येशूये दुष्‍ट आत्‍माकी ख्‍योव्‍हार नुङ्‍ना डेयार आज्ञा याम्‍हन्‍या। होटबाटै होसे भर्मीये इटजाट्‍न ङाक्‍न्‍या। वास्‍टै खेप दुष्‍ट आत्‍मै होसे भर्मीकी डुख याम्‍हन्‍या। फलामौ साङ्‍लीये मीहुट मीखुट्‍याङ छ्‍याकार डानाङ र होसे भर्मीये साङ्‍ली भाराक्‍की क्‍योट्‌न्‍या होटै होसे भर्मीकी दुष्‍ट आत्‍मै उजाड-ठाँवाङ आल्‍न्‍हन्‍या।

लुका 9:42

होटै होसे रान्‍हाङ-रान्‍हाङ न दुष्‍ट आत्‍मै होसकी पछारीकी क्‍योटा र अइठन जाटा र होसे पार्‌टाङ-पार्‌टाङ छान्‍की ठाला। टर येशूये होसे दुष्‍ट आत्‍माकी हक्‍कारीया, होटै होसे मीजाकी गेपाकार मेनो बोइकी जीम्‍मा याहा।

प्रेरित 16:18

होचे वास्‍टै डीन सम्‍म होट न जाट्‍न ङुवा। टब पावलै झर्‌को मन्‍डीयार होसे मास्‍टो जजा पट्‍टी खार्‌लाप ल्‍हेसार होसे दुष्‍ट आत्‍माकी डेया, “येशू ख्रीष्‍टौ म्‍यार्‌मीनाङ ङा नाङ्‍की आज्ञा जाट्‍ले होसे लकीङ ख्‍योन्‍हा।” अनी होसे दुष्‍ट आत्‍मा होडीक न बेला ख्‍योखी क्‍योटा।

यहुडा 1:9

टर मुख्‍य स्‍वर्गदूत मीखाएलै र मोशौ लासौ बारेयाङ शैतानखाटा विवाद जाट्‍नाङ होसकी मास्‍च दोष लैडीच साहस माजाटा “प्रभुये नाङ्‍की हप्‍कडीख्‍यौ” मट्‍टै डेया।