मर्कूस 9:23 - पुर्वीय मगर

²³ येशूये होसकी डेया, “‘नाकै य्‍होक्‍ले डेनाङ!’ डेम ही डेच? विश्‍वास जाट्‍चकुङ लागी च पट्‍ट न कुरा सम्‍भव ले।”

मर्कूस 9:23 ပူးပေါင်းရင်းမြစ်များ

मत्ती 14:29

येशूये डेया, “रान्‍ही।” पत्रुस डुङ्‍गा लकीङ झालार येशूलेठाङ नुङ्‍की डीयाङ व्‍हाकी ठाला।

मत्ती 17:20

अनी होसकै डेया, “नाखुरीक खाटा चेक्‍जा र विश्‍वास मालेचबाटै हो। साँच्‍ची न ङा नाखुरीककी डेले, नाखुरीक खाटा काट राइगानौ डाना टडीक बाड्‍को मट्‍टै विश्‍वास छाना डेनाङ र इसे डाँडाकी ‘इटै हटडीसो’ डेया डेनाङ होसे हटडीसार नुङ्‍ले। र नाखुरीकुङ लागी छान्‍की माय्‍होक्‍च कुरा हीर माछान्‍ले।

मर्कूस 11:23

साँच्‍ची न ङा नाखुरीककी डेले, इडीक सुयेर लहो मीमनाङ चेक्‍जा र सङ्‍खा माजाट्‍न टर लहे डेच कुराको पुरा छान्‍ने डेम विश्‍वास जाटार इसे पहाडकी ‘नाङ इटै हटडीसार टालाङ झालो’ डेया डेनाङ, होच्‍यौ लागी होसे होट न छान्‍ने।

मर्कूस 9:22

इसकी नास जाट्‍की डेम इसे भूत आत्‍मै घरी-घरी इसकी म्‍हे र डीयाङ लोम्‍ह काले। इडीक नाकै हीर जाट्‍की य्‍होक्‍ले डेनाङ दया जाटार कानकी मडट जाट्‍न यान्‍ही।”

मर्कूस 9:24

इसे कुरा सेच बीटीक्‍कै लेन्‍जा जजौ बोये च्याकार डेया, “ङा विश्‍वास जाट्‍ले। ङौ अविश्‍वासाङ ङाकी सहायटा जाट्‍नी।”

लुका 17:6

होटै प्रभुये डेया, “नाखुरीक खाटा रैगानौ काट डाना खालो मट्‍टै विश्‍वास लेनाङ नाखुरीकै इसे कीम्‍बुओ म्‍यार्‌टुङ्‍की, ‘हुटार नाङ समुन्‍द्राङ छहो’ डेया डेनाङ होचे मन्‍डीले।

युहन्‍ना 11:40

येशूये डेया, “ही ङै नाङ्‍की डेच होइन, इडीक नीये विश्‍वास जाटा डेनाङ परमेश्‍वरौ महीमा डाङ्‍ले?”

प्रेरित 14:9

पावलै ङाक्‍च होचे ढ्‍यान याहार सेम ङुमन्‍या। होटै पावलै होच्‍यौ मीटाहाङ सेम्‍हजा ङोसा र होसे भर्मीये होसे गेप्‍ले डेच विश्‍वास ले डेच कुरा डाङा।