मर्कूस 9:20 - पुर्वीय मगर

²⁰ होखुरीकै होसे लेन्‍जा जजाकी होसको लेठाङ राका। येशूकी डाङ्‍च बीटीक्‍कै भूत आत्‍मै लेन्‍जा जजाकी लछार पछार जाटा र होसे झाङ पछारीसार मेङगेरीङ घोचोस छ्‍युक्‍चै लडीबडी जाट्‍की ठाला।

मर्कूस 9:20 ပူးပေါင်းရင်းမြစ်များ

मर्कूस 1:26

होटै होसे भर्मीकी लछारपछार जाट्‍चै होसे भूत आत्‍मा बाड्‍को सोरै च्‍याक्‍चै होसे लकीङ ख्‍योव्‍हार नुङा।

मर्कूस 9:18

जब भूत आत्‍मै होसकी घोले, होसकी झाङ पछारीले। होचे मेङेरीङ घोचोस छ्‍युक्‍ले र मीस्‍याक जीकार होसे अरट्‍ठ छान्‍ने। ङै नाकुङ चेलाकोलाक भूत आत्‍मा छ्‍युक्‍ङ यान्‍ही डेम बिन्‍ती जाटा टर होखुरीकै माय्‍होका।”

मर्कूस 9:19

होटै येशूये होखुरीककी डेया, “ए अविश्‍वासी पुस्‍टा, ङा सेन सम्‍म नाखुरीक खाटा ङुले र? नाखुरीककी कुडीक सहडीकी? होसकी ङा लेठाङ राक्‍नी।”

मर्कूस 9:21

अनी होसकै होच्‍यो बोइकी गीना, “सेन लकीङ इसकी याङ्‍च छान्‍च?” बोये डेया, “जजा लकीङ न याङ्‍च छान्‍च हो।

मर्कूस 9:26

होटै चीघारीसार होसे लेन्‍जा जजाकी लछार पछार जाटार होसे भूत आत्‍मा ख्‍योव्‍हा र होसे जजा सीच बराबर छाना। इलासम्‍म की कुडीक भर्मीकै च “होसे सीया” डेया।

लुका 4:35

इसे कुरा सेयार येशूये होसे दुष्‍ट आत्‍माकी हकारीयार डेया, “माच्‍याको र इसे भर्मीलकीङ ख्‍योव्‍हार नुङ्‍ना।” होसे भर्मीकी पट्‍टौ म्‍याहासाङ कुरुकार दुष्‍ट आत्‍मा खेव्‍हार नुङा। टर भर्मीकी चहीँ हीआङ र चोट मापर्‌या।

लुका 8:29

येशूये दुष्‍ट आत्‍माकी ख्‍योव्‍हार नुङ्‍ना डेयार आज्ञा याम्‍हन्‍या। होटबाटै होसे भर्मीये इटजाट्‍न ङाक्‍न्‍या। वास्‍टै खेप दुष्‍ट आत्‍मै होसे भर्मीकी डुख याम्‍हन्‍या। फलामौ साङ्‍लीये मीहुट मीखुट्‍याङ छ्‍याकार डानाङ र होसे भर्मीये साङ्‍ली भाराक्‍की क्‍योट्‌न्‍या होटै होसे भर्मीकी दुष्‍ट आत्‍मै उजाड-ठाँवाङ आल्‍न्‍हन्‍या।

लुका 9:39

ङोस्‍नी इसकी काट दुष्‍ट आत्‍मै घोले, होटै मोसोमायाङ चीगारीस्ले र इसकी अइठडीले र इचे मेङेरीङ घोचोस छ्‌युक्‍ले। होटै लछार पछार जाटार बल्‍ल-बल्‍ल डास्‍ले।

लुका 9:42

होटै होसे रान्‍हाङ-रान्‍हाङ न दुष्‍ट आत्‍मै होसकी पछारीकी क्‍योटा र अइठन जाटा र होसे पार्‌टाङ-पार्‌टाङ छान्‍की ठाला। टर येशूये होसे दुष्‍ट आत्‍माकी हक्‍कारीया, होटै होसे मीजाकी गेपाकार मेनो बोइकी जीम्‍मा याहा।

युहन्‍ना 8:44

नाखुरीक च नाखुरीकुङ बोइ शैतानौ सन्‍टानको हो, र नाखुरीकुङ बोयो इच्‍छा पुरा जाट्‍च नाखुरीकुङ मीमन ले। होसे च सुरुलकीङ न ज्‍यानमारा हो। र होचे सत्‍यकी घृणा जाट्‍ले, हीजैडेनाङ होसखाटा हीर सत्‍य माले। होचे मेन न स्‍वभाव अनुसार झुटो ङाक्‍ले। होसे झुटो हो र झुटौ न बोइ हो।

१ पट्‍रुस 5:8

सचेट र चनाखो छानार ङुनी। नाखुरीकुङ शत्रु शैतान गर्‌जडीस्‍च राँघु लेखा न सुकी डुपीङ र ज्‍याकी क्‍योटीङ डेम पाम व्‍हाले।