मर्कूस 9:17 - पुर्वीय मगर

¹⁷ भर्मीकुङ भीड लकीङ काट जनै डेया, “गुरुज्‍यु, ङौ मीजाकी नाको लेठाङ राक्‍ङने। भूत आत्‍मा लक्‍डीस्‍च बाटै होसे ङाक्‍की माय्‍होक्‍ले।

मर्कूस 9:17 ပူးပေါင်းရင်းမြစ်များ

मत्ती 12:22

टब भर्मीकै भूत लक्‍डीसार मीमीक माडाङ्‍च र ङाक्‍की माय्‍होक्‍च काट भर्मीकी येशूलेठाङ राका। होसकै होसकी गेपाका अनी होचे डाङ्‍की र ङाक्‍की य्‍होका।

मत्ती 17:15

र डेया, “ए प्रभु, ङौ लेन्‍जा मीजाकी दया जाट्‍नी, हीजैडेनाङ होसकी छार्‌यारोग लग्‍डीस्‍ने, र होचे बाड्‍को कष्‍ट भोग्‍डीमन ले। होसे घरी म्‍हेयाङ पर्‌ले, घरी डीयाङ पर्‌ले।

मत्ती 9:32

होखुरीक होटै ख्‍योव्‍हार नुङ्‍ङ न लेनाङ, काट जना भूत लक्‍डीसार लाटा छान्‍च भर्मीकी येशू लेठाङ राका।

मर्कूस 10:13

भर्मीकै माजा बालखकोलाक येशूये छुवार आसीस याख्‍यौ डेच उदेश्‍ये होसको लेठाङ राका। टर चेलाकै होसे भर्मीकोलाक हक्‍कारीया।

मर्कूस 5:23

र बिन्‍ती जाट्‍चै डेया, “ङौ मार्‌जा मास्‍टो मीजा सीकी पामने। नाकै राहार होसे मीटाक नाकुङ मीहुट डाम यान्‍ही र होसे गेपार जीवाख्‍यो।”

मर्कूस 7:26

होसे मास्‍टो सीरीयुङ फोनीकेयाङ जन्‍मडीस्‍च काट ग्रीक मास्‍टो लेया। होसे मास्‍टोये लहो मास्‍टो मीजालकीङ भूत छ्‍युक्‍ङ यान्‍ही डेयार येशूकी बिन्‍ती जाटा।

मर्कूस 9:16

येशूये होखुरीककी डेया, “नाखुरीक इखुरीकखाटा हीयो बारेयाङ बहस जाट्‍नन ले?”

मर्कूस 9:18

जब भूत आत्‍मै होसकी घोले, होसकी झाङ पछारीले। होचे मेङेरीङ घोचोस छ्‍युक्‍ले र मीस्‍याक जीकार होसे अरट्‍ठ छान्‍ने। ङै नाकुङ चेलाकोलाक भूत आत्‍मा छ्‍युक्‍ङ यान्‍ही डेम बिन्‍ती जाटा टर होखुरीकै माय्‍होका।”

मर्कूस 9:25

होटै पट्‍ट न भर्मीको येशू लेठाङ खेर्‌न राछ डाङार होसकै होसे भूत आत्‍माकी हक्‍कारीचै डेया, “ए लाटा खास्‍च र मेन्‍केप मासेच खास्‍च आत्‍मा, इसे जजा लकीङ ख्‍योव्‍हार रान्‍हा र फेरी ल्‍हेसार भीत्री मापर्‌यो!”

लुका 11:14

काट भर्मीकी दुष्‍ट आत्‍मा लक्‍डीसार लाटा छानन्‍या। येशूये होसे भर्मी भीत्री लेच दुष्‍ट आत्‍माकी छ्‌युक्‍रखीङ होसे भर्मी ङाक्‍की ठाला। याङ्‍च डाङार भर्मीको छक्‍क पर्‌या।

लुका 9:38

होला भीड लकीङ काट भर्मीये बाड्‍को सोरै ङाक्‍चै डेया, “गुरुज्‍यु! ङा नाको खाटा बिन्‍ती जाट्‍ले, ङौ लेन्‍जा मीजाकी दया जाट्‍न ङोस्‍न यान्‍ही, हीजैडेनाङ इसे ङौ काट्जा लेन्‍जा मीजा हो।

युहन्‍ना 4:47

येशू यहूदियालकीङ गालीलाङ राम्‍हने डेच कुरा सेयार होसे सरकारी कर्मचारी होसको लेठाङ राहार, “ङौ लेन्‍जा मीजाकी गेपाक्‍ङ यान्‍ही” डेयार बिन्‍ती जाटा, हीजैडेनाङ होच्‍यो लेन्‍जा मीजा छार सीकी पामन्‍या।