मर्कूस 8:38 - पुर्वीय मगर

³⁸ इसे व्‍यभिचारी र पापी पुस्‍टाङ सु ङा र ङौ बचन खाटा काराले, भर्मीयो मीजा र लहो बोयो महीमाङ पवित्र स्‍वर्ग दूतकोखाटा रान्‍हाङ होसे खाटा काराले।”

मर्कूस 8:38 ပူးပေါင်းရင်းမြစ်များ

मत्ती 12:39

येशूये होखुरीककी जवाफ याहा, “दुष्‍ट र व्‍यभिचारी पुस्तै चीन्‍ह पाले। टर इसे पुस्‍ताकी योना अगमवक्‍तौ चीन्‍हबाहेक अरु कुसेर चीन्‍ह माय्‍हाले।

मत्ती 13:41

होसनीक भर्मीयो मीजै होसकुङ स्‍वर्गदूतकोलाक बीर्‌न्‍हकाले, अनी होखुरीकै पाप जाट्‍की लैडीच र दुष्‍ट काम जाट्‍च पट्‍टकी होसकुङ राज्‍यलकीङ बटुलीले।

मत्ती 16:27

हीजैडेनाङ भर्मीयो मीजा लहो बोयो महीमाङ लहो स्‍वर्गदूतको खाटा राल्‍हे, अनी होडीक बेला होसकै काट-काट भर्मीकी होचे जाट्‍च काम अनुसार जाट्‍ले।

मत्ती 16:28

साँच्‍ची न, ङा नाखुरीककी डेले, इला टोङ्‍छको मध्‍याङ कुडीक जनै भर्मीयो मीजाकी लहो राज्‍याङ राम्‍हन लेच माडाङ्‍ठर मासीले।”

मत्ती 16:4

दुष्‍ट र व्‍यभिचारी पुस्‍टै अचम्‍मौ चीन्‍हको ङोस्‍की पाले टर नाखुरीककी योनाकी याछ चीन्‍हबाहेक अरु कुसेर चीन्‍ह माय्‍हाले।” होटै येशू होखुरीककी डासार व्‍हा।

मत्ती 24:30

“होडीक बेला ङा भर्मीयो मीजौ चीन्‍ह सर्‌घाङ डाङ्‍ले र पृथ्‍वीयुङ पट्‍ट न जाटीकै विलाप जाट्‍ले। अनी होखुरीकै भर्मीयो मीजाकी सर्‌घुङ डेबुवाङ शक्‍ति र बाड्‍को महीमाङ राम्‍हन लेच डाङ्‍ले।

मत्ती 25:31

“जब भर्मीयो मीजा होसकुङ पट्‍ट न स्‍वर्गदूतखाटा लहो महीमाङ राल्‍हे, टब होसको लहो महीमामय सिंहासनाङ ङुले।

मत्ती 26:64

येशूये होसकी जवाफ याहा, “होसे च नाकै न डेकीक्‍योटा। र ङा नाकोकी डेले, अब छीटो न नाखुरीकै भर्मीयो मीजाकी सर्वशक्‍तिमान परमेश्‍वरौ डोर मीहुट पट्‍टी ङुच, र स्‍वर्ग लकीङ डेबुवाङ राछै जाट्‍च डाङ्‍ले।”

मत्ती 8:20

येशूये होसकी डेया, “सीलौ ओडार र ग्‍वाजाकुङ मीम छान्‍ले। टर भर्मीयो मीजौ लागी च मीटालु ठोन्‍होक्‍च ठाउँ र माले।”

मर्कूस 13:26

अनी होसबेला भर्मीकै भर्मीयो मीजाकी शक्‍ति र महीमा खाटा डेबुवाङ राम्‍हन लेच डाङ्‍ले।

मर्कूस 14:62

येशूये डेया, “ङा न हो, अनी नाखुरीकै भर्मीयो मीजाकी सर्वशक्‍तिमानौ डोर मीहुट पट्‍टी ङुमङुच र सर्‌घाङ डेबुखाटा राछै जाट्‍च डाङ्‍ले।”

मर्कूस 8:37

सेन्‍र मासीच जीवन चहीँ सुयेर परमेश्‍वर खाटा लोकी माय्‍होक्‍ले।

लुका 19:26

मालीकै डेया, ‘ङा नाखुरीककी डेले, सु खाटा ले होसकी झन वास्‍टै याल्‍हे, टर सु खाटा चेक्‍जा ले होसे खाटा लेच र स्‍याट्‍ले।

लुका 9:26

टर सुर ङौ बचन लकीङ काराले डेनाङ भर्मीयो मीजा र लहो महीमाङ, र परमेश्‍वर बोयो होटै पवित्र दूतगनको महीमाङ रान्‍हाङ होसे खाटा काराले।

युहन्‍ना 1:14

अनी बचन भर्मी छानार काल्‍हौ मीघ्‍याङ बास जाटा। होसको अनुग्रह र सत्‍यै न्‍हेप्‍च लेया। कानै होसकुङ बाड्‍को महीमा डाङा, होसे महीमा बोइलकीङ राछ काट मट्‍टै लेन्‍जा मीजौ लेया।

युहन्‍ना 1:51

होसकै डेया, “ङा साँच्‍ची न नाखुरीककी डेले, नाखुरीकै स्‍वर्ग फोस्‍च र परमेश्‍वरौ स्‍वर्गदूतकोलाक भर्मीयो मीजा मीटाक झाल्‍चै र काल्‍छै जाट्‍च डाङ्‍ले।”

युहन्‍ना 12:34

भर्मीकुङ भीडै येशूकी गीना, “मुक्‍ति याछ ख्रीष्‍ट च सधैँभरी जीवाम ङुले डेम व्‍यवस्‍थालकीङ कानै सेमने। होटडेनाङ भर्मीयो मीजा गाराङ्‍की न पर्‌ले डेयार नाको कुटजाट्‍न डेकी य्‍होक्‍ले? नाकै डेच इसे भर्मीयो मीजा चहीँ सु हो ट?”

युहन्‍ना 5:27

अनी होसकै मीजाकी न्‍याय जाट्‍च अधिकार याम्‍हने, हीजैडेनाङ होसको भर्मीयो मीजा हो।

प्रेरित 10:22

होखुरीकै डेया, “काट जना कप्‍तान कर्नेलियसै कानकी बीर्‌न्‍हकाच हो। आसको इमान्‍डारी र परमेश्‍वर खाटा बीर्‍हीछ भर्मी ले। आसकोकी पट्‍ट यहूदी जातिकै र आदर जाट्‍ले। नाकोकी आसकुङ इमाङ आर्‌घार नाकोलकीङ सन्‍देश सेकी डेम काट पवित्र स्‍वर्गदूतै आसकोकी आज्ञा याम्‍हने।”

प्रेरित 5:41

प्रेरितको महासभालकीङ आनन्‍द मन्‍डीचै बाहीर ख्‍योहा, “परमेश्‍वरै कानकी येशूओ म्‍यार्‌मीनाङ डुख र अपमान सहडीकी य्‍होक्‍च खास्‍नने” डेयार होखुरीक आनन्‍द छाना।

१ ठेसलोनीकी 2:19

काल्‍हौ प्रभु येशू रान्‍हाङ होसकुङ म्‍याहासाङ आशा, आनन्‍द र गर्वौ मुकुट ही डेनाङ र नाखुरीक न हो, होइन र?

१ ठेसलोनीकी 3:13

कानुङ प्रभु येशू लहो पवित्र भर्मीको खाटा रान्‍हाङ कानुङ परमेश्‍वर बोयो म्‍याहासाङ नाखुरीकुङ रीदयकी पवित्र र निर्दोष खासार बलीयो खास्‍न याख्‍यौ।

२ टीमोठी 1:12

होटबाटै न ङा इसे कुराकुङ डुख भोक्‍डीमन ले। टर ङाकी काराम मासेले हीजैडेनाङ ङै सु मीटाक विश्‍वास डामने, होसे ङाकी ठाहा ले। परमेश्‍वरै ङाकी जीम्‍मा याछ कुराकी होसकै न ख्रीष्‍ट राछ डीन सम्‍मौ लागी जोगडीयार डाले। इसे कुराङ ङा ढुक्‍क ले।

२ टीमोठी 1:16

ओनेसीफरसौ परीवाराङ प्रभुये दया अट जाटै, हीजैडेनाङ होचे ङाकी वास्‍टै खेप हौसला याहा। अनी ङा झ्‍यालखानाङ लेनाङ र होसे ङाकी डुप्‍की राखी माकारा।

२ टीमोठी 1:8

होटबाटै कानुङ प्रभुओ साक्षी याखी माकाराकी र ङा ख्रीष्‍टौ लागी झ्‍यालखानाङ पर्‌चबाटै र माकाराकी बरु नाङ र परमेश्‍वरौ शक्‍तियाङ सेछ समाचार सेटाक्‍की डुख सोटो।

याकुब 4:4

ए व्‍यभिचारी भर्मीको! संसारकी लाफा खास्‍चको परमेश्‍वरौ शत्रु छान्‍ले डेच कुरा नाखुरीककी ठाहा माले? संसारकी लाफा खास्‍की पाचये लाहाकी न परमेश्‍वरौ शत्रु खास्‍ले।

१ युहन्‍ना 2:23

मीजाकी इन्‍कार जाट्‍च कुसेर भर्मी खाटा परमेश्‍वर बोइ माङुले। सुये मीजाकी सुइकार जाट्‍ले, होसे खाटा परमेश्‍वर बोइ र ङुले।

१ युहन्‍ना 2:28

अब मार्‌जा बालखको, होसको खाटा ङुनी टा की होसकोकी डाङ्‍नाङ कानै हीम्‍मट डुप्‍ले, अनी होसको रान्‍हाङ होसकुङ म्‍याहासाङ कानै काराम सेकी मापार्‌ले।