मर्कूस 8:34 - पुर्वीय मगर

³⁴ येशूये लहो चेलाकोलाक र होला लेच भर्मीकुङ भीडकी लाहा लेठाङ आर्‌घार डेया, “सुर भर्मी ङा न्‍हुङ-न्‍हुङ व्‍हाकी मीमन जाट्‍ले डेनाङ होचे लाहाकी इन्‍कार जाट्‍ख्‍यौ र लहो क्रूस बुवार ङाकी डुट्‍ख्‍यौ।

मर्कूस 8:34 ပူးပေါင်းရင်းမြစ်များ

मत्ती 10:38

लहो क्रूस बुवार सुये ङाकी माडुट्‍ले, होसे ङौ चेला छान्‍की ज्‍योस्‍च माछान्‍ले।

मत्ती 16:24

होटै न्‍हुइङ येशूये लहो चेलाकोलाक डेया, “इडीक सुर ङाकी डुट्‍च मीमन जाट्‍ले डेनाङ, होचे लाहाकी इन्‍कार जाट्‍ख्‍यौ र लोहो क्रूस सोटार ङाकी डुट्‍ख्‍यौ।

मत्ती 27:32

लामाङ नुङ्‍ङ न लेनाङ होखुरीकै सीमोन म्‍यार्‌मीनुङ कुरेनी डेच ठाउँङ काट भर्मीकी डुपा। सीपाहीकै होसकी जबरजस्‍टी येशूओ क्रूस बुकी लैडीया।

मर्कूस 10:21

येशूये होसकी ङोसा र माया जाटार डेया, “नाकै अझै काट कुरा जाट्‍की बाँकी ले। नुङ्‍नी र नाकोखाटा ही-ही ले होसे पट्‍ट न आर्‌लानी र गरीब कोलाक यान्‍ही। अनी नाकै स्‍वर्गाङ सम्‍पत्ति डुप्‍ले। होस न्‍हुइङ रान्‍ही र ङाकी डुट्‍नी।”

मर्कूस 7:14

होटै येशूये भर्मीकोलाक फेरी लाहा लेठाङ आर्‌घार डेया, “नाखुरीक पट्‍टये न ङौ कुरा सेनी र वार्‌न्‍ही।

लुका 13:24

“साँगुरो गालामीङ पर्‌की बल जाट्‍नी। ङा नाखुरीककी डेले, वास्‍टै जना पर्‌की च पाले, टर भीत्री केल्‍खी माय्‍होक्‍ले।

लुका 14:33

होटजाट्‍न न नाखुरीक मढ्‌याङ सुये ङौ लागी पट्‍ट न ठोक डास्‍की माय्‍होक्‍ले डेनाङ होसे ङौ चेला छान्‍की माय्‍होक्‍ले।

लुका 18:22

याङ्‍च कुरा सेरखीङ येशूये होसकी डेया, “नाकै अझै काट काम जाट्‍की बाँकी ले। नाको खाटा लेच पट्‍ट न ठोक आर्‌लाम गरीबकोलाक पुङ्‍ङ यान्‍ही। नाकुङ स्‍वर्गाङ धन छान्‍ले। होटै रान्‍ही र ङाकी डुट्‍नी।”

लुका 20:45

होटै पट्‍ट भर्मीकै सेमन लेनाङ येशूये लहो चेलाकोलाक डेया,

लुका 9:23

होटै होसकै पट्‍टकी डेया, “सुर ङौ न्‍हुङ-न्‍हुङ राछ मीमन जाट्‍ले डेनाङ होचे लहो मीमन अनुसार जीवाच इच्‍छाकी डास्‍की पर्‌ले। होटै डीन-डीनै लहो क्रूस बुवार ङाकी डुट्‍की पर्‌ले।

युहन्‍ना 10:27

ङौ भेडाकै चहीँ ङौ सोर सेले, र होखुरीककी ङा चीन्‍डीले, अनी होखुरीकै ङाकी डुट्‍ले।

युहन्‍ना 19:17

होखुरीकै होसकोकी खप्‍परे डेच ठावाङ आल्‍हा (होसे ठाउँकी हिब्रु भासाङ गलगठा डेले।) लहो क्रूस लहे न बुवार येशू होला नुङा।

प्रेरित 14:22

विश्‍वासीकुङ आत्‍माकी बलीयो खास्‍चै होखुरीककी विश्‍वासाङ ङुमङुकी डेम अर्ती याहा र “वास्‍टै कष्‍ट सहडीयार कान परमेश्‍वरौ राज्‍याङ पर्‌की पर्‌ले” डेयार होखुरीककी पाहाका।

२ ठेसलोनीकी 3:11

हीजैडेनाङ कानै सेमने, की नाखुरीक मढ्‍याङ कुडीक जना च अल्‍छीको लेटा। होखुरीक लाहा चहीँ हीर काम माजाट्‍ले, टर फोकै जाट्‍च कामाङ व्‍यार्थौ मीहुट काले।

टीटस 2:12

इसे अनुग्रहये सुये लाहाकी अढीनाङ डार, परमेश्‍वरकी आदर माजाट्‍च होसे मास्‍च जीवन र संसारुङ चाहनाकी डासार इटै आलाक परमेश्‍वरौ म्‍याहासाङ होसकोकी आदर जाट्‍च भक्तिपुर्ण जीवन जीवाकी पाहाक्‍ले।

१ पट्‍रुस 4:1

कुटजाट्‍न ख्रीष्‍टै शरीराङ डुख भोग्‍डीया, होटजाट्‍न न नाखुरीक र होङ्‍च न कीसीमुङ बीचार लार बलीयो छान्‍नी, हीजैडेनाङ सुये शरीराङ डुख भोग्‍डीमे, होचे पाप जाट्‍की डास्‍ले।

१ पट्‍रुस 4:13

टर ख्रीष्‍टौ डुखाङ सहभागी छान्‍की डीन्‍हने डेयार आनन्‍द मन्‍डीनी हीजैडेनाङ होसकुङ बाड्‍को महीमा डाङ्‍नाङ नाखुरीक आनन्‍द खाटा मार्‍हाङ्‍की य्‍होक्‍नी।

२ पट्‍रुस 1:14

हीजैडेनाङ ङा वार्‌ल्‍हे, कानुङ प्रभु येशू ख्रीष्‍टै ङाकी टान्‍हाक्‍ङ याम्‍हने, की ङौ इसे शरीरकी अब डास्‍च बेला छीट्‍टो न राम्‍हन ले।

१ युहन्‍ना 3:16

येशू ख्रीष्‍टै कानुङ लागी लहो परान याहा। इटै न कानै प्रेम ही हो डेच कुरा बुझडीस्‍की य्‍होक्‍ले। अनी कानै र लहो विश्‍वासी डाजेभाइको र डै बहीनीकुङ लागी लहो प्राण याखी पर्‌ले।