मर्कूस 8:32 - पुर्वीय मगर

³² इटजाट्‍न होसकै इसे कुरा प्रष्‍ट जाटार डेया। टर इसे कुरा सेरखीङ पत्रुसै येशूकी काट पट्‍टी आल्‍हार च्‍याका।

मर्कूस 8:32 ပူးပေါင်းရင်းမြစ်များ

मत्ती 16:22

याङ्‍च कुरा सेयार पत्रुसै येशूकी काट पट्‍टी आल्‍हार च्‍याक्‍चै डेया, “ए प्रभु! परमेश्‍वरै होट माजाट्‍ख्‍यो, नाको मीटाक याङ्‍च सेन्‍र माछान्‍ले।”

मर्कूस 4:38

येशू चहीँ डुङ्‍गौ न्‍हुङ्‍लाक पटी सीरानी कार मीस्‍न ङुमन्‍या। चेलाकै होसकोकी इट डेचै सोटा, “गुरुज्‍यु, काल्‍हाको ठाम्‍ह सीकी पाम भ्‍यामे डेम नाकोकी ठाहा माले?”

लुका 10:40

मार्‌ठा चहीँ मेजमान जाट्‍की डेम ज्‍यामा, गामा खासा। लहे मट्‍टै काम जाट्‍च बाटै होचे येशू लेठाङ राहार डेया, “ए प्रभु, पट्‍ट न काम ङै न जाट्‍की पर्‌या। ङौ बहीनीये ङाकी हीर मासघडीले। ही नाकै माडाङ्‍ने? होचे र ङाकी सघडीख्‍यो डेम यान्‍ही।”

युहन्‍ना 10:24

यहूदी अगुवाकै होसकुङ वरीपरी जम्‍मा छानार गीना, “नाकै कानकी सेनसम्‍म अल्‍लमल्‍ल पार्‌यार डाले? इडीक नाको न मुक्‍ति याछ ख्रीष्‍ट हो डेनाङ कानकी डेम यान्‍ही।”

युहन्‍ना 11:14

होटबाटै येशूये होखुरीककी सीढै डेम याहा, “लाजरस च सीम भ्‍यामने।

युहन्‍ना 16:25

“इसे कुरा ङै नाखुरीककी उदाहरणाङ डेमने। टर समय राम्‍हन ले, होडीक बेला चहीँ ङा नाखुरीकखाटा फेरी उदाहरणाङ माङाक्‍ले, टर ङौ बोयो बारेयाङ नाखुरीककी छर्‌लङ्‍ग खाटा डेम याल्‍हे।

युहन्‍ना 16:29

टब चेलाकै येशूकी डेया, “अब नाको उदाहरणाङ होइन, कानै बुझडीस्‍च जाट्‍न डेमनले।

युहन्‍ना 18:20

येशूये होसकी डेया, “ङै पट्‍टकुङ म्‍याहासाङ पट्‍टये सेच जाट्‍न खुल्‍ला ठावाङ ङाक्‍ङने। ङै ङौ शिक्षा पट्‍ट न यहूदीको भेला छान्‍च सभाङुच इमकोवाङ र परमेश्‍वरौ मन्‍दिराङ याम्‍हने। ङै सुयेर थाहा माडीन्‍ह हीर माङाक्‍ने।