मर्कूस 8:31 - पुर्वीय मगर

³¹ येशूये मेखोल्‍हौ बारेयाङ चेलाकोलाक इटजाट्‍न डेया, “भर्मीयो मीजै साप्फी डुख भोग्‍डीकी पर्‌ले। अगुवा, मुख्‍य पुजाहारीको र धर्मगुरुकै इन्‍कार जाट्‍ले र साट्‍ले टर सोम याकाङ जीवाम सोले।”

मर्कूस 8:31 ပူးပေါင်းရင်းမြစ်များ

मत्ती 12:40

हीजैडेनाङ कुटजाट्‍न योना काट बाड्‍को डीस्‍यौ मीटुकाङ सोम याक र सोम राट ङुकी पर्‌न्‍या, होटजाट्‍न न भर्मीयो मीजा र पृथ्‍वीयो गर्भ भीत्री सोम याक र सोम राट ङुकी पर्‌ले।

मत्ती 21:42

येशूये होखुरीककी डेया, “ही नाखुरीकै धर्मशास्‍त्राङ रीक्‍च कुरा सेन्‍र मापरेस्‍न ने? ‘कुसे ल्‍हुङ्‍की इम खास्‍च कर्मीकै रद्द जाटा, होसे ल्‍हुङ चहीँ इमौ गारो सोट्‍च सुर ल्‍हुङ छाना। इसे परमप्रभु लकीङ न छान्‍च हो, अनी इसे कानुङ लागी अचम्‍मौ ले।’

मत्ती 27:63

र होखुरीकै डेया, “हजुर, होसे ठगाहै जीउडै लेनाङ, ‘ङा सोम याकाङ फेरी जीवार सोले’ डेच कुरा कानै आर्‌मीट्‍न ने।

मर्कूस 12:10

ही नाखुरीकै धर्मशास्‍त्राङ इसे बचन मापरेस्‍नने? ‘कुसे ल्‍हुङ्‍की इम खास्‍च कर्‌मीकै काम मालक्‍डीस्‍ले डेम लोहा होसे न ल्‍हुङ इमौ गारो सोट्‍च कोनुङ सुर ल्‍हुङ छाना।

लुका 17:25

टर पहीले होचे वास्‍टै डुख सहडीकी पर्‌ले होटै इसे पुस्‍टुङ भर्मीकै होसकी इन्‍कार जाट्‍ले।

लुका 24:26

ही मुक्‍ति याछ ख्रीष्‍टै इसे डुखको भोक्‍डीकी होटै लहो महीमाङ नुङ्‍की आबसेक मालेया र?”

लुका 24:44

होसकै होखुरीककी डेया, “ङै नाखुरीक खाटा लेनाङ डेच कुराको इसे न हो। ‘ङौ बारेयाङ मोशौ व्‍यवस्‍था, अगमवक्‍ताकुङ कीताब र भजन सङ्‌गरहाङ रीक्‍च पट्‍ट कुराको ओल्‍खी न पर्‌ले’ डेम नाखुरीक खाटा ङै डेमन्‍या।”

युहन्‍ना 12:48

सुये ङाकी र ङौ बचनकी इन्‍कार जाट्‍ले होच्‍यो न्‍याय छान्‍ले। अन्‍टीम डीनाङ ङै ङाक्‍च इसे न बचनै होसकी न्‍याय जाट्‍ले।

युहन्‍ना 2:19

येशूये होखुरीककी डेया, “इसे परमेश्‍वरौ मन्‍दिरकी भट्‍कडीनी, अनी ङा इसकी फेरी सोम याकाङ खास्‍न याल्‍हे।”

प्रेरित 7:35

“होसे न मोशाकी लहो जातिकै इट डेयार इन्‍कार जाट्‍न्‍या, ‘सुये नाङ्‍की हाकीम र न्‍याय जाट्‍च खासार इला बीर्‌न्‍हका?’ होसकी न परमेश्‍वरै म्‍हे ढाम ङुच पोठ्‍राङ डाङ्‍च स्‍वर्गदूतै इस्राएलीकोलाक उद्धार जाट्‍की हाकीम र अगुवा खासार बीर्‌न्‍हका।