मर्कूस 8:15 - पुर्वीय मगर

¹⁵ येशूये चेलाकोलाक इट डेयार चेटावनी याहा, “नाखुरीक फरीसीकुङ खमीर र हेरोद राजा लकीङ होसीयार छानार ङुनी।”

मर्कूस 8:15 ပူးပေါင်းရင်းမြစ်များ

मत्ती 14:1

होडीक बेला गालील प्रदेशाङ राज्‍य जाट्‍च हेरोद एन्‍टीपासै येशूओ बारेयाङ सेया।

मत्ती 14:3

पहीला हेरोद राजै लहो भाइ फीलीपौ मास्‍टो हेरोदीयासौ कारनै युहन्‍नाकी घोवार झ्‍यालखानाङ ठुन्‍नन्‍या।

मत्ती 14:6

जब हेरोदौ जन्‍मडीन राहा, होसे खुसीयाङ हेरोदीयासौ मास्‍टो मीजै होखुरीकुङ म्‍याहासाङ स्‍याहार हेरोदकी खुसी पार्‌या।

मत्ती 16:6

येशूये होखुरीककी डेया, “होसीयार छान्‍नी, फरीसी र सदुकीकुङ खमीर लकीङ जोगडीसार ङुनी।”

मर्कूस 12:13

अनी येशूये ङाक्‍च कुराङ फसडीकी डेयार होखुरीकै फरीसीको र हेरोद राजाकी डुट्‍चको मध्‍युङ कुडीक जनाकोलाक होसको लेठाङ बीर्‌न्‍हका।

मर्कूस 8:14

होसकुङ चेलाकै ज्‍याच ठोक बुकी म्‍य्‍हाका। डुङ्‍गाङ होखुरीक खाटा काट मट्‍टै रोटो लेया।

मर्कूस 8:16

होखुरीक लाहालाहाङ छलफल जाट्‍की ठाला, “हीजैडेनाङ कान खाटा रोटो मालेचबाटै येशूये इट डेच हो।”

लुका 12:15

होटै न्‍हुइङ होला लेच भर्मीकोलाक होसकै डेया, “होस जाट्‍नी! पट्‍ट खाल्‍या लोभ जाट्‍की लकीङ जोगडीस्‍नी। हीजैडेनाङ धन सम्‍पत्ति कुडीक न वास्‍टै लेनाङ र होचे भर्मीकी जीवन चहीँ मायाल्‍हे।”

१ टीमोठी 5:21

ङा नाकोकी परमेश्‍वर, ख्रीष्‍ट येशूओ म्‍याहासाङ र पवित्र स्‍वर्गदूतकुङ म्‍याहासाङ इसे शिक्षा मन्‍डीकी आज्ञा याल्‍हे। हीर पक्षपात माजाट्‍न इसे नीयमको मन्‍डीकी।

१ टीमोठी 6:13

पट्‍ट ठोककी जीवन याछ परमेश्‍वरौ र पन्‍तियस पिलातसौ म्‍याहासाङ साँचो साक्षी याछ ख्रीष्‍ट येशूओ अगाडी ङा नाकोकी इसे आज्ञा याम्‍हन ले,

२ टीमोठी 2:14

मण्डलीयुङ पट्‍ट न भर्मीकोलाक इसे कुरा सम्‍झडीम यान्‍ही, र परमेश्‍वरौ म्‍याहासाङ कडा आज्ञा यान्‍ही। होखुरीकै शब्‍दकुङ बारेयाङ वाद विवाद माजाट्‍ख्‍यौ, होचे हीर फाइडा माजाट्‍ले। सेचकोलाक हानी मट्‍टै जाट्‍ले।