मर्कूस 8:12 - पुर्वीय मगर

¹² अनी येशूये लोट्‍च सास फेरीयार डेया, “इसे पुस्‍टै हीजै चीन्‍ह पाले? साँच्‍ची न ङा नाखुरीककी डेले, इसे पुस्‍टाकी कुसेर चीन्‍ह माय्‍हाले।”

मर्कूस 8:12 ပူးပေါင်းရင်းမြစ်များ

मत्ती 12:38

कुडीक जना धर्मगुरु र फरीसीको मध्‍याङ कोइ कोये येशूकी डेया, “ए गुरु, काट अचम्‍मौ चीन्‍ह टान्‍हाक्‍नी कानकी ङोस्‍च मीमन ले।”

मत्ती 16:4

दुष्‍ट र व्‍यभिचारी पुस्‍टै अचम्‍मौ चीन्‍हको ङोस्‍की पाले टर नाखुरीककी योनाकी याछ चीन्‍हबाहेक अरु कुसेर चीन्‍ह माय्‍हाले।” होटै येशू होखुरीककी डासार व्‍हा।

मर्कूस 3:5

र होखुरीकुङ कठोर मीमनौ कारनै होसको डुखी छाना होटै मीरीसै होखुरीककी ङोसा र मीहुट छोक्‍च भर्मीकी डेया, “नाकुङ मीहुट टन्‍कडीनी।” अनी होचे मीहुट टन्‍कडीया र होच्‍यौ मीहुट गेपा।

मर्कूस 6:6

होखुरीकुङ अविश्‍वास डाङार होसको छक्‍क पर्‌या। होटै होसको लाङ्‍घा लाङ्‍घाङ परमेश्‍वरौ शिक्षा पाहाक्‍चै व्‍हा।

मर्कूस 7:34

अनी येशूये स्‍वर्गलाक ङोसार लोट्‍च सास लाचै होसेकी डेया, “इफ्‍फाटा” होच्‍यौ अर्थ हो “खोलीसो।”

मर्कूस 8:13

होसे न्‍हुइङ होखुरीककी डासार येशू फेरी डुङ्‍गाङ काल्‍हार टालौ पारी पट्‍टी नुङा।

मर्कूस 9:19

होटै येशूये होखुरीककी डेया, “ए अविश्‍वासी पुस्‍टा, ङा सेन सम्‍म नाखुरीक खाटा ङुले र? नाखुरीककी कुडीक सहडीकी? होसकी ङा लेठाङ राक्‍नी।”

लुका 19:41

येशू यरूशलेम खेरेप टार्‍हानाङ लहो अगाडी सहरकी डाङा। होटै होसको रापार डेया,