मर्कूस 6:6 - पुर्वीय मगर

⁶ होखुरीकुङ अविश्‍वास डाङार होसको छक्‍क पर्‌या। होटै होसको लाङ्‍घा लाङ्‍घाङ परमेश्‍वरौ शिक्षा पाहाक्‍चै व्‍हा।

मर्कूस 6:6 ပူးပေါင်းရင်းမြစ်များ

मत्ती 4:23

येशू होखुरीकुङ सभाङुच इमकोवाङ पाहाक्‍चै, स्‍वर्गौ राज्‍यौ सेछ समाचार प्रचार जाट्‍चै, र भर्मीकोलाक लक्‍डीस्‍च खाल खालुङ रोग र शरीरौ कमजोरीको गेपाक्‍चै पट्‍ट न गालीलौ क्षेत्राङ छेराहा।

मत्ती 8:10

होच्‍यो याङ्‍च कुरा सेयार येशू छक्‍क पर्‌या अनी लहो न्‍हुङ-न्‍हुङ राछ भर्मीकोलाक डेया, “साँच्‍ची न, ङा नाखुरीककी डेले, इस्राएलाङ इडीक बाड्‍को विश्‍वास लेच ङै सुकीर माडुप्‍मने।

मत्ती 9:35

येशूये होखुरीकुङ पट्‍ट न सहरको र लाङ्‍घुङ सभाइमकोवाङ नुङार शिक्षा पाहाक्‍चै स्‍वर्गौ राज्‍यौ सेछ समाचार सेटाक्‍चै र भर्मीकुङ खाल खालुङ रोगको गेपाक्‍चै व्‍हा।

मर्कूस 1:39

होटै होसको गालील भरी होखुरीकुङ सभाङुच इम इमाङ सेछ समाचार सेटाक्‍चै र भूतकोलाक छ्‌युक्‍चै व्‍हा।

मर्कूस 10:1

येशू होसे ठाउँकी डासार यहूदियौ इलाकाङ र यर्दन नदियो पारी नुङा। होला भर्मीकुङ बाड्‍को भीड होसको लेठाङ राहार सढैँ लेखान फेरी होसकै होखुरीककी शिक्षा याखी ठाला।

लुका 13:22

येशू यरूशलेम सहरलाक नुङ्‍चै जाट्‍नाङ लाङ्‍घा-लाङ्‍घा र सहर-सहराङ पर्‌यार होला लेच भर्मीकोलाक शिक्षा पाहाका।

लुका 4:31

होटै येशू गालीलौ काट सहर कफर्नहुम डेठाङ झाल्‍न राहा। होला होसकै म्‍हुङ बाट्‍च नीक भर्मीकोलाक शिक्षा याम्‍हन लेया।

लुका 4:44

इटजाट्‍न होसकै पट्‍ट न यहूदिया डेच ठाउङ सभाङुच इम-इमाङ नुङार प्रचार जाट्‍की ठाला।

युहन्‍ना 9:30

टब होचे डेया, “कुङ्‍च अचम्‍मौ कुरा! होसको कुटै राछ हो नाखुरीककी थाहा माले, टर होसकै ङा मीमीक माडाङ्‍च अन्‍धाकी डाङ्‍की य्‍होक्‍च खासा।

प्रेरित 10:38

नाखुरीककी थाहा न ले, परमेश्‍वरै नासरतुङ येशूकी पवित्र आत्‍मा र शक्‍तिये अभिषेक जाटा। अनी होसको सेछ काम जाट्‍चै र शैतानै सटडीच पट्‍ट कोलाक गेपाक्‍चै व्‍हा, हीजैडेनाङ परमेश्‍वर होसकोखाटा लेया।