मर्कूस 6:56 - पुर्वीय मगर

⁵⁶ लाङ्‍घा, सहर र बस्‍टी, कुला-कुला येशू नुङ्‍न्‍या होला-होला भर्मीकै छाचकोलाक बुवार राक्‍ङन्‍या र बजार बजाराङ डाम याम्‍हन्‍या। होखुरीकै छाचकोलाक येशूओ बढीनौ छेउ मट्‍टै लेनाङ र छुकी यान्‍ही डेयार बिन्‍ती जाट्‍नन्‍या र होसकुङ बढीन छुच जटी पट्‍ट न गेप्‍मन्‍या।

मर्कूस 6:56 ပူးပေါင်းရင်းမြစ်များ

मत्ती 14:36

होसे भर्मीकै होसको खाटा इट डेयार बिन्‍ती जाटा, “इसे छाचकोलाक नाकुङ बढीनौ छेउ मट्‍टै लेनाङ र छुकी यान्‍ही।” अनी येशूओ बढीन छुचको पट्‍ट न गेपा।

मत्ती 9:20

होडीक न बेला बार्‍ह वर्ष सम्‍म य्‍हु जोक्‍च रोग लग्‍डीसार छाच काट जना मास्‍टोये न्‍हुङ्‌लकीङ राहार येशूओ बढीनौ छेउ छुवा।

मर्कूस 3:10

अनी होसकै वास्‍टै छाच भर्मीकोलाक गेपाक्च बाटै छाचको पट्‍टकै न होसकोकी छुकी डेयार ढुसाढुस जाट्‍न न लेया।

मर्कूस 6:55

होखुरीक छेउछाउङ पट्‍ट न लाङ्‍घालाक खेर्‌न नुङा र येशू राम्‍हने डेयार सेटाका। होटै भर्मीकै छाचकोलाक टाङ्‍माखाटा न बुवार येशू लेठाङ राक्‍की ठाला।

लुका 22:51

टर येशूये होखुरीककी डेया, “छाना, डास्‍न यान्‍ही।” होटै होसे भर्मीयो मेन्‍केप छुवार होसकै गेपाक्‍ङ याहा।

लुका 6:19

पट्‍ट न भर्मीकै येशूकी छुकी पामन्‍या, हीजैडेनाङ शक्‍ति आसको लकीङ ख्‍योम्‍ह न लेया, होटै पट्‍ट न भर्मीकोलाक गेपाक्‍नन्‍या।

लुका 8:44

होसे मास्‍टोये येशूओ न्‍हुङलकीङ राहार होसकुङ बढीनौ छेवाङ छुच बीट्‍टीकै य्‍हु जोक्‍की रोकडीसा।

प्रेरित 4:12

“अरु सु लेठाङ र मुक्‍ति माले हीजैडेनाङ संसाराङ कुसेर म्‍यार्‌मीन माय्‍हामने होसे म्‍यार्‌मीनै चहीँ काल्‍हाकी जीवाक्‍की य्‍होक्‍ले।”

प्रेरित 4:9

छीनी कानै इसे लङ्‍गडा भर्मीकी गेपाकार सेछ काम जाट्‍च बारेयाङ होसकी कुटजाट्‍न गेपाका डेयार गीन्‍ले डेनाङ,

प्रेरित 5:15

अगाडी ही-ही घटना छाना होच्‍यौ कारनै भर्मीकै लामाङ छाचकोलाक राकार डामन्‍या। हीजैडेनाङ पत्रुस रान्‍हाङ होच्‍यौ छाया मट्‍टै लेनाङ र छाचको मीटाक पर्‌ख्‍यौ डेम ओछ्‍यानको खाटा न होखुरीककी मीसाक्‍ङ डामन्‍या।