मर्कूस 6:41 - पुर्वीय मगर

⁴¹ येशूये बाङा रोटो र नीस डीस्‍या लार स्‍वर्गलाक ङोसार परमेश्‍वरकी धन्‍यवाद याहा। रोटो ग्‍याकार भर्मीकोलाक पुङ्‍ङ यान्‍ही डेयार चेलाकोलाक अर्‍हडीया। होटजाट्‍न होसकै होसे नीस डीस्‍याकी र ग्‍याकार चेलाकोलाक पुङ्‍की लैडीया।

मर्कूस 6:41 ပူးပေါင်းရင်းမြစ်များ

मत्ती 14:19

येशूये भर्मीकोलाक फीछ चउराङ ङुकी लैडीया। होसे बाङा रोटो र नीस डीस्‍या लार स्‍वर्गलाक ङोसार परमेश्‍वरकी धन्‍यवाद याहा र रोटोको ग्‍याकार चेलाकोलाक याहा। चेलाकै आल्‍हार भर्मीकोलाक पुङ्‍ङ याहा।

मत्ती 15:36

होसकै होसे साट वटा रोटो र डीस्‍या लार परमेश्‍वरकी धन्‍यवाद याहा र ग्‍याकार चेलाकोलाक पुङ्‍ङ याखी लैडीया। होटै होखुरीकै भर्मीकोलाक पुङ्‍ङ याहा।

मत्ती 26:26

होखुरीकै भोज ज्‍यामन लेनाङ येशूये रोटो लार परमेश्‍वरकी धन्‍यवाद याहा अनी ग्‍याकार चेलाकोलाक याहा र डेया, “लानी, र ज्‍यानी, इसे ङौ शरीर हो।”

मर्कूस 14:22

ज्‍याचै जाट्‍नाङ येशूये रोटो लार परमेश्‍वरकी धन्‍यवाद याहा अनी ग्‍याका र चेलाकोलाक याछै डेया, “लानी, इसे ङौ शरीर हो।”

मर्कूस 6:40

होखुरीक सय-सय र पचास-पचास जनाकी भाकार ङुकी लैडीया।

मर्कूस 6:42

होटै पट्‍टये न र्‍हास्‍ठर ज्‍या।

मर्कूस 7:34

अनी येशूये स्‍वर्गलाक ङोसार लोट्‍च सास लाचै होसेकी डेया, “इफ्‍फाटा” होच्‍यौ अर्थ हो “खोलीसो।”

मर्कूस 8:19

जब ङै बाङा रोटो ग्‍याकार बाङा हजार भर्मीकी कास्‍च ही नाखुरीकै म्‍य्‍हाका? नाखुरीकै ओबारीस्‍च टुकुराको कुडीक डालो सोट्‍नन्‍या?” चेलाकै येशूकी जबाफ याहा, “बार्‍ह डालो।”

लुका 24:30

येशू होखुरीक खाटा ज्‍याकी ङुनाङ रोटो लार धन्‍यावाद याम्‍ह रोटो ग्‍याका होटै होखुरीककी पुङ्‍ङ याहा।

लुका 9:16

होटै येशूये होसे बाङा रोटो र नीस डीस्‍या लार स्‍वर्ग पट्‌टी ङोस्‍चै धन्‍यवाद याहा, होटै होसकै रोटो र डीस्‍याकी ग्‍याकार भर्मीकोलाक पुङ्‍ङ याखी डेम चेलाकोलाक याहा।

युहन्‍ना 11:41

होटै न्‍हुइङ होखुरीकै चीहानौ मेङेरुङ ल्‍हुङ हटडीम याहा, अनी येशूये ढेम्‍लाक ङोसार डेया, “ए परमेश्‍वर बोइ, ङा नाकोकी धन्‍यवाद याल्‍हे, हीजैडेनाङ नाकै ङौ बिन्‍ती सेम याहा।

युहन्‍ना 17:1

इसे कुरा डेम भ्‍याच पछी येशूये स्‍वर्गपट्‍टी ङोसार डेया, “ए बोइ, अब समय राम्‍ह भ्‍यामने। नाकुङ मीजै नाकुङ महीमा टान्‍हाक्‍की य्‍होक्‍ख्‍यौ डेयार होसकी महीमा यान्‍ही।

युहन्‍ना 6:11

टब येशूये बाङा रोटो लार परमेश्‍वरकी धन्‍यवाद याहा अनी येशूये भर्मीकै ज्‍याख्‍यौ डेयार चेलाकोलाक पुङ्‍ङ याखी लैडीया। होटजाट्‍न न येशूये नीस डीस्‍या लार परमेश्‍वरकी धन्‍यवाद याहा र ङुच भर्मीकै ज्‍याख्‍यौ डेयार चेलाकोलाक पुङ्‍ङ याखी लैडीया, र होखुरीक पट्‍टकै र्‍हास्‍ठर ज्‍या।

युहन्‍ना 6:23

टब अरु डुङ्‍गाको र तिबेरियासलकीङ टाराहा, होसे ठाउँ प्रभुये धन्‍यवाद याहार भर्मीकै रोटो ज्‍याच खेरेप लेया।

प्रेरित 27:35

इसे कुरा डेम भ्‍यारखीङ पावलै रोटो ला, र पट्‍टकुङ म्‍याहासाङ परमेश्‍वरकी धन्‍यवाद याहार होसे रोटो ग्‍याकार ज्‍या।