मर्कूस 6:2 - पुर्वीय मगर

² म्‍हुङ बाट्‍च डीनाङ होसकै यहूदीकुङ सभा ङुच इमाङ परमेश्‍वरौ शिक्षा याखी ठाला। होसकुङ शिक्षा सेच वास्‍टै भर्मीको छक्‍क पर्‌या र डेया, “इसे भर्मीये इसे पट्‍ट न कुटै वार्‌हा? इसकोकी याछ इसे ज्ञान कुङ्‍च हो? होसकै याङ्‍च शक्‍तिशाली कामको कुट जाट्‍न जाट्‍की य्‍होका?

मर्कूस 6:2 ပူးပေါင်းရင်းမြစ်များ

मत्ती 4:23

येशू होखुरीकुङ सभाङुच इमकोवाङ पाहाक्‍चै, स्‍वर्गौ राज्‍यौ सेछ समाचार प्रचार जाट्‍चै, र भर्मीकोलाक लक्‍डीस्‍च खाल खालुङ रोग र शरीरौ कमजोरीको गेपाक्‍चै पट्‍ट न गालीलौ क्षेत्राङ छेराहा।

मत्ती 7:28

येशूये इसे कुरा डेम भ्‍यारखीङ भर्मीकुङ भीड होसकुङ शिक्षा सेयार छक्‍क पर्‌या।

मर्कूस 1:39

होटै होसको गालील भरी होखुरीकुङ सभाङुच इम इमाङ सेछ समाचार सेटाक्‍चै र भूतकोलाक छ्‌युक्‍चै व्‍हा।

मर्कूस 10:1

येशू होसे ठाउँकी डासार यहूदियौ इलाकाङ र यर्दन नदियो पारी नुङा। होला भर्मीकुङ बाड्‍को भीड होसको लेठाङ राहार सढैँ लेखान फेरी होसकै होखुरीककी शिक्षा याखी ठाला।

लुका 2:47

होसकुङ बुद्धि र उट्‍टर याछ डाङार होला लेच पट्‌ट सेच भर्मीको छक्‍क पर्‌नन्‍या।

लुका 4:15

येशूये यहूदिकुङ सभाङुच इमकोवाङ नुङार शिक्षा याखी ठाला र पट्‍ट भर्मीकै होसकुङ प्रशंसा जाट्‍न्‍या।

युहन्‍ना 6:42

इट डेकी ठाला, “इसे च होसे योसेफौ मीजा येशू होइन र? इच्यो मोइ-बोइकी कान चीन्‍डीले। चाँहा इचे कुटजाट्‍न ‘ङा स्‍वर्ग लकीङ झाल्‍न राछ हो’ डेले?”

युहन्‍ना 7:15

अनी होसकै याछ शिक्षा सेयार यहूदी अगुवाको अचम्‍म मन्‍डीचै डेया, “कानुङ गुरुको खाटा मापाम्‍हन इसे भर्मी कुटजाट्‍न इडीक वास्‍टै वार्‌छ छाना?”