मर्कूस 5:8 - पुर्वीय मगर

⁸ होचे इट डेया, हीजैडेनाङ येशूये होसकी डेमन्‍या, “ए अशुद्ध आत्‍मा, होसे भर्मी लकीङ ख्‍योम्‍ह रान्‍हा!”

मर्कूस 5:8 ပူးပေါင်းရင်းမြစ်များ

मर्कूस 1:25

टर येशूये होसकी इट डेचै हक्‍कारीया, “माच्‍याको! र होसे लकीङ खेव्‍हार नुङ्‍ना।”

मर्कूस 5:7

होटै होसे भर्मी बाड्‍को सोरै चीघारीसार डेया, “ए कर्‍हाङ्‍छ परमेश्‍वरौ मीजा येशू, नाकै ङाखाटा ही पाच? ङा परमेश्‍वरौ म्‍यार्‌मीनाङ नाकोकी बिन्‍ती जाट्‍ले, ङाकी डुख माय्‍हानी!”

मर्कूस 5:9

होटै येशूये होसकी गीना, “नुओ म्‍यार्‌मीन ही हो?” होचे डेया, “ङौ म्‍यार्‌मीन अशुद्ध आट्‍मौ हुड्‍डा हो, हीजैडेनाङ कानको वास्‍टै ले।”

प्रेरित 16:18

होचे वास्‍टै डीन सम्‍म होट न जाट्‍न ङुवा। टब पावलै झर्‌को मन्‍डीयार होसे मास्‍टो जजा पट्‍टी खार्‌लाप ल्‍हेसार होसे दुष्‍ट आत्‍माकी डेया, “येशू ख्रीष्‍टौ म्‍यार्‌मीनाङ ङा नाङ्‍की आज्ञा जाट्‍ले होसे लकीङ ख्‍योन्‍हा।” अनी होसे दुष्‍ट आत्‍मा होडीक न बेला ख्‍योखी क्‍योटा।