मर्कूस 5:7 - पुर्वीय मगर

⁷ होटै होसे भर्मी बाड्‍को सोरै चीघारीसार डेया, “ए कर्‍हाङ्‍छ परमेश्‍वरौ मीजा येशू, नाकै ङाखाटा ही पाच? ङा परमेश्‍वरौ म्‍यार्‌मीनाङ नाकोकी बिन्‍ती जाट्‍ले, ङाकी डुख माय्‍हानी!”

मर्कूस 5:7 ပူးပေါင်းရင်းမြစ်များ

मत्ती 16:16

सीमोन पत्रुसै डेया, “नाको जीवाच परमेश्‍वरौ मीजा मुक्‍ति याछ ख्रीष्‍ट हो।”

मत्ती 26:63

टर येशू माच्‍याक्‍ङ न ङुवा। अनी प्रधान पुजाहारीये फेरी डेया, “जीउँडो परमेश्‍वरौ म्‍यर्‌मीनाङ शपथ ज्‍यार डेले, कानकी डेम योहो, ही नाङ परमेश्‍वरौ मीजा मुक्‍ति याछ ख्रीष्‍ट हो?”

मत्ती 4:3

टब होडीक बेला येशू लेठाङ शैतान राहार डेया, “इडीक नाको परमेश्‍वरौ मीजा हो डेनाङ इसे ल्‍हुङकोलाक रोटो छान्‍ख्‍यो डेम आज्ञा जाट्‍नी।”

मत्ती 8:29

होखुरीकै च्‍याक्‍चै इट डेया, “ए परमेश्‍वरौ मीजा, नाकुङ कानखाटा ही काम ले? ही नाको टोक्‍डीच समय डेनाङ अगाडी न कानकी डुख याखी राछ हो?”

मर्कूस 1:24

“ए नासरतुङ येशू, कानुङ नाको खाटा ही काम ले र? ही नाको कानकी नास जाट्‍की डेम राछ हो? ङा नाकोकी चीन्‍डीले, नाको परमेश्‍वरौ काट पवित्र जन हो।”

मर्कूस 14:61

टर येशू माच्‍याक्‍ङ न ङुवा, हीर जवाफ माय्‍हा। फेरी प्रधान पुजाहारीये होसकोकी गीना, “ही नाङ परमढन्‍यौ मीजा मुक्‍ति याछ खीरीस्ट हो?”

मर्कूस 3:11

अशुद्ध आत्‍मा लक्‍डीस्‍च भर्मीकै येशूकी डाङ्‍च बीट्‍टीकै होसकुङ अगाडी खुखुप छानार इट डेचै च्‍याक्‍ङन्‍या, “नाको परमेश्‍वरौ मीजा हो!”

मर्कूस 5:6

जब होचे लोसीङ न येशूकी डाङा टब खेर्‌न राहार होसकोकी झोरा।

मर्कूस 5:8

होचे इट डेया, हीजैडेनाङ येशूये होसकी डेमन्‍या, “ए अशुद्ध आत्‍मा, होसे भर्मी लकीङ ख्‍योम्‍ह रान्‍हा!”

लुका 1:32

होसको कर्‍हाङ्‍छ छान्‍ले र होसकोकी कर्‍हाङ्‍छ परमेश्‍वरौ मीजा डेम डेले। होटै परमप्रभु परमेश्‍वरै होसकोकी होसकुङ पुर्‌खा दाउद राजाकी लेखा न राज्‍य जाट्‍की अधिकार याल्‍हे।

लुका 4:34

“ए नासरतुङ येशू, नाकुङ कानखाटा ही काम? ही नाको कानकी नास जाट्‍की डेम राछ? ङाकी थाहा ले नाको परमेश्‍वरै बीर्‌न्‍हकाच पवित्र भर्मी हो।”

लुका 6:35

“टर लहो शत्रुकोलाक प्रेम जाट्‍नी, होखुरीक्‍की भलाइ जाट्‍नी, रीन ङेछ कोलाक ल्‍हेट्‍च आसा माडाम रीन यान्‍ही। होट जाटा डेनाङ नाखुरीकै बाड्‍को इनाम डुप्‍ले होटै नाखुरीक सर्वोच्‍चओ मीजाको ठहरीस्‍ले, हीजैडेनाङ होसकै बैगुनी र स्‍वार्थी कोलाक कृपा जाट्‍ले।

लुका 8:28

होचे येशूकी डाङ्‌च बीट्‍टीकै साफ्‍फी चीघारीसार होसको अगाडी खुखुप छानार डेया, “ए कराङ्‍छ परमेश्‍वरौ मीजा येशू, नाकुङ ङाखाटा ही काम? ङा बिन्‍ती जाट्‍ले ङाकी डुख माय्‍हानी।”

युहन्‍ना 20:31

टर इला इट डेयार रीक्‍ङने, होटबाटै येशू न मुक्‍ति याछ ख्रीष्‍ट, परमेश्‍वरौ मीजा हो डेम विश्‍वास जाट्‍ख्‍यौ। र होसकुङ म्‍यार्‌मीनाङ विश्‍वास जाटार सेन्‍र मासीच जीवन डुप्ख्‍यौ।

प्रेरित 16:17

अनी होचे पावल र कान न्‍हुङ-न्‍हुङ राछै इट डेचै च्‍याका, “इसे भर्मीको महान परमेश्‍वरौ सेवकको हो। इखुरीकै नाखुरीककी मुक्‍तियो लामौ बारेयाङ सेटाक्‍ले।”

प्रेरित 19:13

दुष्‍टआत्‍मा छ्‍युक्‍की डेम ठाउँ-ठावाङ छेर्‍हाम व्‍हाच कुडीक जना झारफुक जाट्‍च यहूदीकै र दुष्‍टआत्‍मा लग्‍ठीस्‍चकोलाक प्रभु येशूओ म्‍यार्‌मीन लाचै इट डेया, “पावलै प्रचार जाट्‍च येशूओ म्‍यार्‌मीनाङ ङा नाङ्‍की ख्‍योखी आज्ञा जाट्‍ले!”

प्रेरित 8:36

होटै होखुरीक लामाङ नुङ्‍नाङ-नुङ्‍नाङ न डी लेच ठावाङ टाहा। अनी होसे नपुङ्‌सकै फीलीपकी डेया, “ङोस्‍नी, इला डी लेसा, अब ङाकी बप्‍तिस्‍मा लाकी हीये रोक्‍डीकी य्‍होक्‍ले?”

याकुब 2:19

काट मट्‍टै परमेश्‍वर ले डेयार नाङ विश्‍वास जाट्‍ले। होसे च सेछ कुरा हो! टर याङ्‍च विश्‍वास च भूतआत्‍माकै र जाट्‍ले र बीर्‍हीयार ठेर-ठेर बुरुक्‍ले।

२ पट्‍रुस 2:4

परमेश्‍वरै पाप जाट्‍च स्‍वर्गदूतकोलाक समेट च बाँकी माडासा, टर होखुरीककी नरकाङ लोम्‍ह याहा। होला होखुरीककी राछ न्‍यायौ डीनसम्‍मौ लागी छुम्‍ठाङ छ्‍याकार डामने।

१ युहन्‍ना 3:8

पाप जाट्‍न ङुच चहीँ शैतानौ भर्मी हो। शैतानै सुरुलकीङ न पाप जाट्‍न राम्‍हने। होटबाटै शैतानौ कामकी नास जाट्‍की डेम परमेश्‍वरौ मीजा संसाराङ राछ हो।

यहुडा 1:6

अनी लहो अधिकारौ ठाउँ डासार बाहीर व्‍हाच स्‍वर्गदूतकोलाक समेट परमेश्‍वरै होसे बाड्‍को न्‍याय छान्‍च डीनाङ सजाय याखी डेम सेन्‍र भीस्‍की माय्‍होक्‍च छुम्‍छ ठावाङ छ्‍याकार बन्‍धनाङ डामने।