31 चेलाकै होसकोकी डेया, “भीडै ढुसाढुस जाट्च च नाकै डाङ्ङ न ले र पनी नाको डेले ‘सुये ङाकी छुवा?’”
येशू याइरस खाटा नुङा। अनी काट बाड्को भर्मीकुङ भीड होसकुङ न्हुङ-न्हुङ नुङा, र भर्मीको होसकुङ वरीपरी ढुसाढुस जाट्की ठाला।
लाहा लकीङ शक्ति ख्योव्हार नुङ्च झट्टै येशूये ठाहा डीन्हा र भीड्की न्हुङलाक ल्हेसार डेया, “ङौ बढीन सुये छुवा?”
टर येशूये लाहाकी छुच सु आले डेम वार्लाक पार्लाक ङोसा।
होटै येशूये, “ङाकी सुये छुवा?” डेम गीना। सुयेर ङै छुवा डेम माडेया, होटै पत्रुसै डेया, “गुरुज्यु, भर्मीकुङ पट्ट भीडै नाकोकी घेरीम ढुस्न न ले।”
होटै नाङ्खान कीम्खी पानाङ बार्ह जना चेलाको राहार होसकोकी डेया, “भीडकी बिदा यान्ही, र होखुरीक नुङार खेरेपुङ लाङ्घाङ बास ङुख्यौ, र ज्याच ठोकको पाख्यौ। हीजैडेनाङ इसे हीर मालेच ठाउँ हो।”